DEUTERONOMIO 22:1 - Dios Rimashcata Quillcashcami

¹ Huauquipac huagrata, mana cashpaca ovejata tarishpaca, ama upalla saquinguichu. Chaitaca cutichinami cangui.

DEUTERONOMIO 22:1 Referans Kwoze

EZEQUIEL 34:16

Caita, chaita rishcacunatapish, chingarishca ovejacunatapish ñucallatacmi mashcashpa corralman cutichimusha. Chaqui paquicunataca huatachishami, irquiyashcacunataca sinchiyachishami. Ashtahuanpish huira ovejacunataca tucuchishami. Ñucaca cashcata ruhuashpami michisha.

ISAÍAS 58:7

Yarcaihuan caccunaman caranami canguichic. Huasita mana chariccunata pozachinami canguichic. Churana illaccunaman churachinami canguichic. Cambac huauquita ayudanami canguichic.

PROVERBIOS 24:11

Huañuiman apashcacunata quishpichingui. Ña huañunalla chucchushpa puriccunatapish quishpichingui.

1 PEDRO 2:25

Cancunaca chingarishca ovejacuna shinami ñaupaca puricurcanguichic. Shina cashpapish cunanca cancunata cuidashpa Michic Cristopacmanmi tigrarishcanguichic.

SAN MATEO 15:24

Chashna nicpimi Jesusca: —Diosca ñucataca, oveja chingarishca shina, israelcunapacmanllami cacharca— nirca.

SAN MATEO 10:6

Ashtahuanpish chingarishca ovejacuna shina cac, israelcunapacman ringuichic.

EZEQUIEL 34:4

Irquiyashca ovejacunatapish mana sinchiyachinguichicchu, ungushcacunatapish mana jambinguichicchu. Chaqui paquicunatapish mana huatachinguichicchu, caita chaita rishca ovejacunatapish mana corralman tandachimunguichicchu. Chingarishca ovejacunatapish mana mashcanguichicchu. Ashtahuanpish yallita llaquichishpami mandashpa charinguichic.

ISAÍAS 8:17

Mandac Diosca Jacobopac huahua huahuapuramanta ñahuita pacashcami. Ñucaca paitami shuyashpa, yuyarishpa causasha.

PROVERBIOS 28:27

Huaccha runaman carac runaca mana imapish illacchu causanga. Ashtahuanpish mana ayudasha nishpa ñahuita pacac runaca yallita mana alli nishcami canga.

LEVÍTICO 20:4

Chai llactapi causaccuna Moloc diosman huahuata cuc runata mana huañuchingaraicu ñahuita huichcac shina tucucpica,

1 CORINTIOS 9:9

Moisés mandashpa quillcachishcapica: “Trillac huagrataca pacta shimita huatanguiman” ninmi. Diosca mana huagracunata llaquishcamantachu chashna nicun,

LEVÍTICO 6:3

Imata tarishpa, mana cutichishpapish, llullashpa ari nishpapish, maijan juchayuc runa shinallatacmi juchayuc tucun.

DEUTERONOMIO 22:2

Huauqui carupi causacpi, mana cashpaca pipac cashcata mana yachashpaca, cambac huasipi charicungui. Pai mashcashpa shamucpica cutichingui.

PROVERBIOS 27:10

Canhuan apanacuctapish, cambac taitahuan apanacuctapish ama cungaringuichu. Llaquihuan cashpaca ama cambac huauquipac huasiman ringuichu. Carupi causac huauquipac randica, cambac ladopi causaccunami ashtahuan alli.

ZACARÍAS 7:9

«Tucuita Mandac Dios ñucaca: “Cashcata ruhuashpa taripanguichic. Tucui mashna cuyanacuichic, llaquinacuichic.