DEUTERONOMIO 2:7 - Dios Rimashcata Quillcashcami

⁷ Mandac Diosca cancuna imata ruhuacpipish bendiciashcami. Cai shitashca pambata ricucpica, paimi tucuipi cuidarca. Mandac Diosca chuscu chunga huatatami cancunahuan cashca. Cancunamanca imapish mana illashcachu.

DEUTERONOMIO 2:7 Referans Kwoze

SAN LUCAS 22:35

Jesús paicunata tapushpaca: —Ñuca cancunata mana cucayuhuan, mana cullquihuan, mana ushutahuan cachacpica, ¿ima faltarcachu?— nirca. Shina nicpimi yachacuccunaca: —Mana ima faltarcachu— nircacuna.

NEHEMÍAS 9:21

Canca shitashca pambapi, chuscu chunga huatata cacpipish cuidarcanguimi. Imapish mana illarcachu, paicunapac churanacunapish, mana maucayarcachu. Chaquicunapish mana punguillircachu.

DEUTERONOMIO 29:5

Ñucaca chuscu chunga huatatami shitashca pambataca cancunata pushamurcani. Chai huatacunaca cancunapac churanapish mana maucayarcachu, ushutapish mana tucurircachu.

SALMOS 31:7

Canca ñuca llaquihuan cacta ricushpa, cuyashcamantaca yallitami cushicuni. Ñuca alma llaquilla cactapish ricushcanguimi.

JOB 23:10

Ashtahuanpish paica, ñuca maita puricpipish tucuimi ricun. Pai ñucata ima shina cashcata ricushpa llaquichicpica, curi shinami ricurisha.

SALMOS 90:17

Ñucanchicta Mandac Dioslla, cambac cuyaica ñucanchic-huan cashca cachun. Ñucanchic maquihuan tucui ima ruhuashcapish, ama yanga cachun. Tucui ima ruhuanapipish alli cashca cachun.

GÉNESIS 26:12

Isaacca chai llactapimi tarpushpa causarca. Mandac Dios bendiciacpimi, chai huataca shuc granomanta patsac granota tandarca.

GÉNESIS 24:35

Mandac Diosca ñuca amomanca imatapish achcata bendiciashpami chayucyachishca. Chaimantami ovejacunatapish, vacacunatapish, cullquitapish, curitapish, servic caricunatapish, servic huarmicunatapish, camellocunatapish, burrocunatapish charin.

GÉNESIS 12:2

Cambac huahua huahuacunataca shuc jatun llactatami ruhuasha. Canta bendiciashpami, cambac shutitapish tucuipac alli nishcata ruhuasha. Canmantami bendiciashca cangacuna.

GÉNESIS 39:5

Potifar paipac huasitapish, tucui charishcacunatapish Joseman cushca punzhamanta pachami Mandac Dios Egiptomanta mandacpac huasitaca Josemanta bendiciarca. Chashnami huasipipish, pambapipish tucui pai imalla charishcacunata Mandac Diosca bendiciarca.

SAN JUAN 10:27

Ovejacunaca ñuca rimashcata uyanmi. Ñucapish paicunataca ricsinimi.

SALMOS 1:6

Cashcata ruhuaccunapac causaitaca Mandac Diosmi ricucun. Ashtahuanpish millaita ruhuaccunapac causaica chingarinallami.

GÉNESIS 30:27

Shina nicpimi Labanca: —Cambac ñahuipi alli ricurishca cacpica, caipi saquirilla. Canmanta Dios ñucaman bendiciashcataca yachanimi.

NÚMEROS 14:33

Cancunapac huahuacunaca chuscu chunga huatatami cai shitashca pambapica michishpa puringa. Paicunami cancuna millaita ruhuashcamantaca cai shitashca pambapi cancuna huañushpa tucuringacaman llaquita apanga.

NÚMEROS 14:34

Chuscu chunga punzhapimi Canaán llactata ricushpa purinaca tucurirca. Chai shinallatacmi chuscu chunga punzhata llaquita apanguichic. Cancuna mana allita ruhuashcamantaca cada punzhamanta shuc huatatami llaquita apanguichic. Chaipimi ñucata mana cazuna ima shina cashcataca yachanguichic.

NÚMEROS 32:13

Mandac Diosca israelcunahuan nina japiric shina piñarishpami chuscu chunga huatata shitashca pambapi saquirca. Chashnami tucui mana allita ruhuac paicunapac huahua huahuacuna huañungacaman carca.

DEUTERONOMIO 1:19

Ñucanchicta Mandac Dios mandashca shinami, Horeb urcumanta llucshishpaca, cancuna ricushca jatun manchaipac pambata pasashpa, amorreocunapac urcu ñanta rishpa, Cades-barneaman chayarcanchic.

DEUTERONOMIO 1:46

Chaimantami cancunaca Cadespica unaita causarcanguichic.

DEUTERONOMIO 2:6

Micunatapish randishpa micunguichic. Yacutapish randishpa ubianguichic’ ningui” nirca.

DEUTERONOMIO 2:14

Cades-barneamanta rishpa, Zered yacuta pasangacamanca quimsa chunga pusac huatami tucurca. Chai huatacunapica Mandac Dios nishca shinallatacmi israelcunapac macanacuc runacunaca tucui huañurca.

JOSUÉ 5:6

Israelcunaca chuscu chunga huatatami Egiptomanta llucshimushca macanacuc caricuna tucuringacaman shitashca pambata purirca. Chai caricunaca Mandac Dios rimashcata mana cazushcamantami chashna tucurirca. Mandac Diosmi lechepish, mishquipish yacu shina callpacuc llactata cungapac cancunapac ñaupa taitacunaman ari nishca carca.

SALMOS 107:4

Maijancunaca chushac chaquishca shitashca pambapimi chingarishpa, mai puebloman rina ñantapish mana tarishpa puricurcacuna.

JEREMÍAS 2:2

«Jerusalenpi causaccunaman huillashpa, Mandac Diosca: “Ñucaca canta yuyarinimi. Cunan huiñai cashpaca, allimi cazurcangui. Cunanlla cazarashca shinami, ñucata cuyarcangui. Chaimantami ima mana pucuc shitashca pambatapish ñucata catimurcangui.

OSEAS 13:5

Ñucami shitashca pambapi cancunata ayudarcani.

AMÓS 2:10

Ñucami cancunataca Egiptomanta llucchishpa, amorreocuna causana llactata cungapac, shitashca pambata chuscu chunga huatacunata pushamurcani.

GÉNESIS 39:3

Paipac amoca Mandac Dios Josehuan cashcata, shinallatac José imata ruhuacpipish, Mandac Dios allita ruhuachicushcatami ricurca.

ÉXODO 16:35

Israelcuna causana llactaman chayangacamanmi chuscu chunga huatata maná shuti tandata micurca. Chaica Canaán llactaman yaicungacamanmi micurca.

NÚMEROS 1:1

Israelcuna Egipto llactamanta llucshishca ishcai huata, ishcai quilla, punta punzhapimi Sinaí shitashca pambapi, paihuan tupana huasipi Mandac Diosca Moisestaca:

NÚMEROS 22:12

Shina nicpimi, Mandac Diosca Balaamtaca: —Chai runacunahuanca ama richu. Chai gentecunatapish ama maldiciaichu. Paicunaca ñuca bendiciashca gentecunami— nirca.

DEUTERONOMIO 29:4

Chashna cacpipish, Mandac Diosca cunancamanmi chaicunata entendichunca yuyaitapish, ñahuitapish, ringritapish mana cushca.