DEUTERONOMIO 19:5 - Dios Rimashcata Quillcashcami

⁵ Chaica shuc runa paipac ricsishcahuan yantacushpa, hachahuan yurata piticucpi, hacha fierro cabomanta llucshishpa, ricsishca runata huañuchicpica, chai huañuchic runaca chai llactacunapi miticugrishpami, mana huañunga.

DEUTERONOMIO 19:5 Referans Kwoze

ISAÍAS 32:2

Chai jatun mandacca sinchi huairamanta, acapana huairamanta jarcac shinami canga. Chaquishca pambapi yacu llucshicuc shina, yallita rupai llandurina rumi shinami canga.

PROVERBIOS 27:12

Yuyaisapa runaca maita ricushpa ima llaqui japigricucpica anchurinmi. Ashtahuanpish yuyai illac runaca rishpa llaquipi urmanllami.

NÚMEROS 35:25

Tandanacushca israelcunami chai runataca ima shina huañuchishcata tucui taripashpa, huañucpac familiacunamanta miticuna llactaman cutichishpa cachanga. Chai huañuchic runaca aceitehuan cahuishca curacunata mandac cura huañungacamanmi chai llactapi canga.

DEUTERONOMIO 19:4

Chai llactacunapimi maijan manapish piñashca cashpa, shuc runata huañuchishpaca miticugringa. Chaiman rishpami paipish mana huañuchishca canga.

DEUTERONOMIO 19:6

Chai miticuna llacta yalli caru cacpi, huañuchishcamanta piñarishpa paitapish huañuchingapac cati rishpa, pacta huañuchinman. Paica manapish piñanacushca cashpami huañuchirca. Chaimanta paitaca mana huañuchinachu can.

2 REYES 6:4

Eliseopish paicunahuan rircami. Jordán yacuman chayashpaca, yuracunatami pitircacuna.