DEUTERONOMIO 16:1 - Dios Rimashcata Quillcashcami

¹ Mandac Diosca Egipto llactamantaca Abib quilla, shuc tutami cancunata llucchimurca. Chaimanta Abib quilla chayamucpica, Mandac Diosta yuyarishpa, Pascua fiestata ruhuanguichic.

DEUTERONOMIO 16:1 Referans Kwoze

ÉXODO 34:18

Levadura illac tandata micuna fiestata huacaichingui. Chaita ruhuashpaca, ñuca mandashca shinallatac levadura illac tandata canchis punzhacaman micungui. Abib quillapimi Egiptomantaca llucshircangui.

ÉXODO 13:4

Cancunaca Abib quillami llucshinguichic.

NÚMEROS 28:16

Huata callari punta quilla chunga chuscu punzhaca Mandac Dios ñucapac Pascua punzhami canga.

LEVÍTICO 23:5

Callari quilla, chunga chuscu punzha chishica Mandac Dios ñucapac Pascua punzhami canga.

ÉXODO 23:15

Levadura illac tandata micuna fiestata ruhuangui. Ñuca mandashca shina Abib quillapica levadura illac tandataca canchis punzhacunata micungui. Chai quillapimi Egiptomanta llucshircangui. Pipish ñucapac ñaupamanca mana chushac maquilla shamungachu.

SAN LUCAS 2:41

Jesuspac taita mamaca huatantami Pascua fiestapica Jerusalenman ric carca.

SAN JUAN 2:13

Israelcunapac Pascua fiesta ña chayamucucpimi, Jesusca Jerusalén puebloman rirca.

SAN JUAN 5:1

Chai quipaca, israelcunapac fiestami carca. Chaimantami Jesusca Jerusalenman rirca.

SAN JUAN 6:4

Israelcunapac Pascua fiestami chayamurca.

DEUTERONOMIO 16:2

Chai punzhapica Mandac Dios paipac shuti causachun acllashca pushtupimi ovejata, mana cashpaca vacata paiman cushpa huañuchinguichic.

ÉXODO 12:51

Chai punzhallatacmi Mandac Diosca israelcunataca tandachishpa Egiptomanta llucchirca.

ÉXODO 13:3

Shina nicpimi, Moisesca israelcunataca: —Egiptopi huatashca shina causacushcamanta Mandac Dios llucchishca punzhata yuyaringuichic. Chai llactamantaca paipac poderhuanmi llucchirca. Chaimanta chaita yuyarishpa, levadura illac tandata micunguichic.

ÉXODO 23:14

Huatapi quimsa cutin ñucata yuyarina fiestata ruhuangui.