DEUTERONOMIO 14:3 - Dios Rimashcata Quillcashcami

³ Mana micuna nishcataca ama micunguichicchu.

DEUTERONOMIO 14:3 Referans Kwoze

EZEQUIEL 4:14

Shina nicpimi ñucaca: «¡Mandac Dioslla! Ñucaca huahuamanta pacha cunancaman jaicapi mana mapayashcanichu. Huañushca aichatapish, sacha animal huañuchishca aichatapish, ima shuctac mapa aichatapish mana micushcanichu. Mana shimipi churashcanillapishchu» nircani.

ROMANOS 14:14

Mana imapish paillatac mapaca tiyanchu. Apunchic Jesusmantami chashna nini. Ashtahuanpish maijan mapa cashcata yuyacpica, paimanmi mapa can.

LEVÍTICO 20:25

Chaimantami cancunapish maijanlla micuna animal cashcata, maijanlla mana micuna animal cashcata, shinallatac volac animalcunatapish maijanlla micuna cashcata, maijanlla mana micuna cashcata chicanyachina canguichic. Ñuca chicanyachishca mana micuna animalcunataca volac animaltapish, pambata aisarishpa puric animaltapish ama micunguichicchu. Chaicunata micushpaca mapayanguichicmi.

LEVÍTICO 11:43

Pambata aisarishpa puric maijan animalpi tuparishpa ama mapayanguichicchu. Chaicunata micushpa, pacta millana tucunguichicman.

TITO 1:15

Chuya shungucunapacca tucuimi chuya can, millaita ruhuaccunapac, mana criccunapacca, imapish mana allichu can. Paicunapac yuyaipish, paicunapac shungupish mapayashcami can.

1 CORINTIOS 10:28

Shina cacpipish maijan: «Caica animalta huañuchishpa, ruhuashcalla diosman cushcami» nicpica, ama micuichicchu. Chai huillac runamantapish, yuyaipi mana cushilla cashcamantapishmi mana micuna cangui.

ISAÍAS 65:4

Enterrashca jutcucuna chaupipimi pacalla pacarin. Cuchi aichatami micuncuna. Mana micuna mapa aicha caldomi paicunapac mangapica tiyacun.

GÉNESIS 7:2

Shinallatac micuna animalcunataca canchis carita, canchis huarmita yaicuchingui. Cutin mana micuna animalcunataca shuc carita, shuc huarmita yaicuchingui.

LEVÍTICO 11:2

«Israelcunataca: “Cai pachapi tiyac tucui animalcunamantaca caicunatami micuna canguichic.