DEUTERONOMIO 13:16 - Dios Rimashcata Quillcashcami

¹⁶ Tucui chaipi japishcacunataca plazapi tandachishpa, chai japishcacunandi, Mandac Diosman cuc shina rupachinguichic. Chashnami chai llactaca huiñaita rumi montón shina tucushpa, jaicapi mana cutin shayachishca saquiringa.

DEUTERONOMIO 13:16 Referans Kwoze

JEREMÍAS 49:2

Chaimantami amonitacunapac Rabá llactapica jatun macanacuipi caparinacuita uyana punzhacuna chayamun. Chai puebloca tucui urmachishpa, rumi montonllami saquiringa. Chaipi tiyac caishuc llactacunapish rupachishcami canga. Chai punzhacunami israelcunaca paicunamanta quichushca pueblocunata cutin japinga. Chaitaca Mandac Dios ñucami nini.

JOSUÉ 8:28

Josueca Hai pueblota rupachishpami huiñaipac tucuita tucuchishpa, rumi montón shinata saquirca. Chashnami Chaica cunancamanmi chashnallatac can.

ISAÍAS 25:2

Canmi llactacunatapish rumi montonta shina saquircangui. Muyundita pircashca llactacunataca tucuimi urmachircangui. Shuc llacta runacunapac huasicunatapish ñutuchircanguimi. Chaicunataca mana cutin shayachingachu.

ISAÍAS 17:1

Damasco llaqui tucunamanta tucuita Mandac Dios huillashpaca: «Riquichic, Damasco llactaca ña mana llactachu canga. Chaica rumi montonllami tucunga.

JOSUÉ 6:24

Chai pueblotaca chaipi imalla tiyashcacunandi rupachishpa tucuchirca. Cullquita, curita shinallatac broncemanta, fierromanta ruhuashcacunatami Mandac Diospac alli valishcata huacaichina ucupi churarca.

MIQUEAS 1:6

Mandac Diosca: «Chaimantami Samaria llactataca rumi montonta shina ruhuashpa, uvas tarpuna allpata ruhuasha. Pircashca rumicunataca pugru pambamanmi caita, chaita singuchishpa cachasha.

JOSUÉ 6:26

Chai punzhacunapimi Josueca pactachingapac ari nishpaca: «¡Maijanpish cai Jericó pueblota cutinllatac allichishpa shayachicca Mandac Diospac ñaupapi mana alli nishca cachun! Cai pueblo callari pircataca paipac punta churipac jahuapi churachun. Cai pueblo pungutaca quipa churipac jahuapi churachun» nirca.

DEUTERONOMIO 7:25

Paicunapac ruhuashca dioscunataca ninapi rupachinguichic. Chai dioscunapi cahuishca curita, cullquita munashpapish ama japinguichicchu. Chaicunata japishpaca, mitcaric shinami pandaringuichic. Mandac Diosca chai dioscunata ruhuaccunataca millashpami mana ricunayachin.

DEUTERONOMIO 7:26

Cancunapish paicunahuan pacta mana tucuchishca cangapacca ama millanacunata cancunapac huasipi yaicuchinguichicchu. Chaicunataca Dios tucuchishpa, chingachina cashcamantaca millashpa, ama ricunguichicchu.

EZEQUIEL 26:14

Llambuclla rumita shinami saquisha, linchicunata tendina pambata shinami saquisha. Jaicapi mana llacta tucunguichu. Chaitaca Mandac Dios ñucami nini.

ÉXODO 22:19

Maijanpish animalhuan chayaricca huañunami can.

JOSUÉ 6:21

Chaiman yaicushpaca, chaipi tucui causaccunatami espadahuan huañuchishpa, caricunatapish, huarmicunatapish, quipa huiñaicunatapish, yuyaccunatapish tucuchirca. Chashnallatac huagracuna, ovejacuna, burrocunacamanmi tucuchirca.