DEUTERONOMIO 11:2 - Dios Rimashcata Quillcashcami

² Mandac Dios cancunata ima shina llaquichishcata yuyarichic. Chaitaca cancunapac huahuacunaca mana yachanchu, mana ricushcachu. Paicunaca Mandac Dios llaquishcatapish, pai poderta charishcatapish, paipac poderhuan llucchishcatapish mana yachanchu.

DEUTERONOMIO 11:2 Referans Kwoze

HECHOS 26:22

Chaipi Dios ñucata cuidashcamantami uchillacunamanpish, jatuncunamanpish huillacuni. Dios ima nishcata huillaccuna huillashcallata, Moisés quipaman ima tucunata huillashcallatami huillacuni.

PROVERBIOS 22:19

Mandac Diospi shunguta churachunmi cunanpish canman yachachini.

DEUTERONOMIO 29:10

Cunanca, tucui cancunami Mandac Diospac ñaupapi canguichic. Aillucunata mandaccunapish, pushac yuyaccunapish, caishuc mandaccunapish, tucui israelcunapish caipimi canguichic.

DEUTERONOMIO 9:26

Chashna cumurishpa paita mañashpaca: “Mandac Dioslla, ama cambac gentecunataca tucuchichu. Can jatun cashcamantami paicunataca cambac poderhuan Egiptomanta llucchimurcangui.

DEUTERONOMIO 8:19

Ashtahuanpish canta Mandac Diosta cungarishpa, shuctac dioscunata catishpa paicunapac ñaupapi cumurishpa, adorashpaca, tucuimi tucuringuichic nishpami huillani.

DEUTERONOMIO 7:19

Mandac Dios cancunapac ñaupapi jatun ricuchinacunatapish, jatun milagrocunatapish, pi mana ruhuaipaccunatapish ruhuashpa, paipac poderhuan Egiptomanta llucchimushcataca cancunapac ñahuihuanmi ricurcanguichic. Chashnallatacmi cancuna manchana llactacunatapish ruhuanga.

DEUTERONOMIO 5:24

Chashna cuchuyashpaca: “Riqui, caipimi ñucanchicta Mandac Diosca paipac podertapish, jatun cashcatapish ricuchin. Nina chaupipimi pai rimashcata uyanchic. Cunan punzhami Dios runacunaman rimacpi, runacuna mana huañuc cashcatapish ricunchic.

DEUTERONOMIO 4:34

Mandac Diosmi Egipto llactapi cancuna causacucpi, llaquicunata cachashpa, milagrocunata ruhuashpa, jatun macanacuita ruhuashpa paipac poderhuan, paipac maquihuan llucchimurca. ¿Pai shina shuctac dioscunaca tiyangachu?

DEUTERONOMIO 3:24

“Mandac Dioslla, canta serviccunaman can jatun cashcata, can poderta charishcata ricuchi callarishcangui. Can shina sumaccunata, jatun mancharinacunata ruhuacca jahua pachapipish, cai pachapipish, ¿pi shuctac Diostac tiyangayari?

SALMOS 136:12

Tucuita ruhuac paipac maquita chutashpa llucchimuc Diosta alabaichicyari. ¡Paica huiñaita llaquicmi!

ISAÍAS 53:5

Paica, ñucanchic Diosta mana cazushcamantami chugrichishca carca. Ñucanchic juchacunamantami yallita llaquita aparca. Ñucanchic cushi causachunca paitami llaquichirca. Ñucanchicca paipac chugrimantami jambirishca canchic.

ÉXODO 6:6

Chaimanta israelcunataca: “Ñucami Mandac Dios cani. Ñucami Egiptomanta, shinallatac chaipi llaquita trabajacushcamanta llucchisha. Egipto gentecuna llaquichishpa charicushcamanta maquita alzashpa, mancharinacunata ricuchishpa llucchisha.

JOSUÉ 24:31

Israelcunaca Josué causacuc tucui huatacunami Mandac Diosta servishpa causarca. Shinallatac Josué huañushca quipapish israelcunata pushac yuyaccunapac tucui causaipimi Diosta servishpa causarca. Israelcunaca Mandac Dios tucui paicunaman imata ruhuashcatami yacharca.