Biblia Todo Logo
Bib sou entènèt

- Piblisite -




DANIEL 9:25 - Dios Rimashcata Quillcashcami

25 Shinallatac caitapish allita uyashpa entendiyari. Chaica Jerusalenta allichichun mandashca punzhamanta Dios cachashca Quishpichic shamungacamanca canchis semana, canchis chunga ishcai semanami tucunga. Canzha pambatapish, llacta muyundi pircacunatapish llaqui punzhacunapimi allichinga.

Gade chapit la Kopi




DANIEL 9:25
32 Referans Kwoze  

Chaimantami Diospac huasita Jerusalenpi shayachinaca jarcarirca. Persia llactata jatun mandac Darío ishcai huatata mandangacamanmi chaipi saquirirca.


Shina nicpimi, chai huarmica: —Cristo nishca Mesías shamuna cashcataca yachanimi. Pai shamushpami, tucuita alli huillanga— nirca.


Andresca paipac huauqui Simonhuanracmi tupangapac rirca. Shina rishpaca: —Ñami Mesias-huan tuparcanchic— nirca. (“Mesías” nishpaca, “Quishpichic Cristo” nisha ninmi).


Ñucami paitaca gentecunaman huillachun, llactacunata mandac cachun churarcani.


Shuc cari huahuami huacharishca. Shuc churitami ñucanchicman cushca. Mandanaca paipac maquipimi. Paipac shutica “Mancharina cunac”, “Imatapish ruhuac Dios”, “Huiñaita causac Taita”, “Cushi causaita cucmi” canga.


Mandac Diosca: «Efrata nishca Belenlla, canca Judá llacta familiapurapica tucuimanta yalli uchilla pueblomi cangui. Canmantami Israel llactata Mandacca llucshinga. Paica ñaupa huata miranacuimantami shamun» ninmi.


Can mañai callaricllapitacmi Diosca uyarca. Canca yallita cuyashcami cangui. Chaimantami canta yachachingapac shamurcani. Cunanca can muscuipi shina ricushca imata nisha nicushcata yachangapac ñucata uyai.


Yallita yuyaisapa cashpami, pitapish jahualla urmachishpa, shungupi jatun tucunga. Cungaillami achcata tucuchinga. Mandaccunata mandaccunahuanmi macanacungapac shayaringa. Gentecunapac maquipi mana huañushpapish huañungallatacmi.


Jerusalén muyundi pircataca Elul quilla ishcai chunga pichca punzhapimi tucuchircanchic. Tucui ruhuanaca pichca chunga ishcai punzhapimi tucurirca.


Chaimantami paicunaca shuc yuyailla tucushpa, Jerusalenta llaquichishpa tucuchinata yuyarirca.


Shina cacpimi curacunata mandac Eliasib curapish, paipac huauqui curacunapish ovejacuna yaicuna punguta allichirca. Pircataca Hamea torremanta callarishpa, Hananeel torrecamanmi allichirca.


Paipac churanapipish, changapipish “Amocunapac Amo, Jatun Mandaccunapac Jatun Mandac” nishca quillca apashcami carca.


Cai pachapi tiyac jatun mandaccunata Mandac, huañushcacunapuramanta punta causaric, shinallatac Diosmanta allita huillac Jesucristo cancunaman sumac causaita cuchunmi munani. Ñucanchicta cuyac, paipac yahuarhuan juchacunamanta ñucanchicta pichac,


Chashnami Diosca paitaca tucuita Mandac cachunpish, Quishpichic cachunpish, paipac alli maquiman tiyachirca. Israelcuna juchayuc cashcamanta llaquirishpa, Diosman cutiricpi, juchacunata perdonangapacmi chashnaca ruhuarca.


Chashnami cancunaca huiñai causaita cuc Jesusta huañuchircanguichic. Ashtahuanpish paitaca Diosmi huañushcacunapuramanta causachirca. Ñucanchicca chai ricushcata huillaccunami canchic.


Diosta mañana huasipi yallita millana tucuchic tiyacucta ricushpaca, Judea llactapi causaccunaca urcucunapi miticugrichun. (Maijanpish cai quillcashcata ricucca, alli entendinguichic).


Dios ima nishcata huillac Daniel quillcashca shina, Diosta mañana huasipi millana tiyacuctami ricunguichic. (Caita rezacca alli entendichun).


Chashna ruhuashpami, jahua pachapi tiyaccunata mandac-huanpish piñarishpa shayarirca. Chashnami punzhanta Diosman cushpa rupachinatapish anchuchishpa Diospaclla huasitapish urmachirca.


Chaica ñucata piñaccunaca rimancunami. Huañuchingapac tandanacushpa,


Jatun mandac Artajerjes canchis huata pichca quillata mandacucpimi, Esdrasca Jerusalenman chayamurca.


Jatun mandac Artajerjes, Persia llactata mandacui punzhacunami Seraiaspac churi Esdras curaca Babilonia llactamanta chayamurca. Seraiasca Azariaspac churi, Azariasca Hilciaspac churi


Ashtahuanpish jatun mandacca Sadoc curataca: —Diospac Arcataca Jerusalenllamantac cutichishpa apailla. Mandac Diospac ñaupapi ñuca alli ricuricpi, paillatac cutichimucpica, Arcatapish, Dios-huan tupana huasitapish ricushallami.


Mana alli causai punzhacunapi causacushcamantaca, allita ruhuana tiyacpica allita ruhuaichiclla.


Felipe cuchuyashpa, Dios ima nishcata huillac Isaías quillcashcata rezacucta uyashpaca: —¿Can rezacushcataca entendinguichu?— nirca.


Alli allpapi urmashca muyu shinaca, Dios rimashcata allita entendicmi. Chaica allita pucushpa maijanca shucmanta quimsa chungata, maijanca sucta chungata, maijanca pasacta pucuc shinami tucun— nirca.


Chashna burlashpami, paipac ricsishcacunapac, shinallatac Samaria llacta soldadocunapac ñaupapi rimarishpaca: —Judá llactapi causac mana vali gentecunaca, ¿imatatac ruhuacuncuna? ¿Diosman animalcunata cushpa rupachichun saquingami yuyancunachari? ¿Chai jatun pircataca shuc punzhallapichu tucuchinga? ¿Rupachishpa montonashca rumicunahuanchu pircataca cutin allichingacuna?— nirca.


Huañuchingapacpish, jambingapacpish punzha tiyanmi. Tuñingapacpish, pircangapacpish punzha tiyanmi.


¡Sinchi runanacuna causana Jerusalenlla, tandanacuichicyari! ¡Piñaccunaca pueblota muyushpami shayacun! Israel llacta jueztaca ñahuipi varahuan huactashpami chugrichinga.


Swiv nou:

Piblisite


Piblisite