DANIEL 9:24 - Dios Rimashcata Quillcashcami

²⁴ Israelcunapacpish, Diospac acllashcacunapacpishmi canchis chunga semanacunata chicanyachishca tiyacun. Chai semanacunapimi mana cazunatapish, juchata ruhuanatapish saquinga. Shinallatac chai semanacunallapitacmi mana allita ruhuashcatapish pichanga, huiñaita cashcata ruhuanga. Muscuipi shina ricushcatapish, Dios huillachishcatapish sellanga. Shinallatac Diospac caccunata aceitehuan cahuishpa ashtahuan Diospacllata ruhuanga.

DANIEL 9:24 Referans Kwoze

ROMANOS 5:10

Dios ñucanchic-huan piñashca cashpapish, paipac Churi huañushcamantami ñucanchicta chasquirca. Ña chashquishca cashpacarin Cristo causacushcamantami quishpichishca cashun.

ISAÍAS 61:1

Mandac Diosmi ñucataca aceitehuan cahuirca. Chaimantami paipac Espíritu ñucapica causan. Ñucataca llaquilla causaccunaman alli huillaita huillachun, shungu paquirishcacunata ayudachun, prezumanta llucchinata huillachun, carcelpi tiyacuccunaman paicuna llucshina chayamucushcata huillachunmi cacharca.

NÚMEROS 14:34

Chuscu chunga punzhapimi Canaán llactata ricushpa purinaca tucurirca. Chai shinallatacmi chuscu chunga punzhata llaquita apanguichic. Cancuna mana allita ruhuashcamantaca cada punzhamanta shuc huatatami llaquita apanguichic. Chaipimi ñucata mana cazuna ima shina cashcataca yachanguichic.

LEVÍTICO 25:8

Canchis cutin canchis huatata yupanguichic. Shina canchis cutin canchista yupacpica, chuscu chunga canchis huatami tucunga.

HECHOS 3:22

Moisesca ñaupa taitacunataca: “Mandac Diosmi ñucata cachashca shina cancunapuramanta shuc huillacta cachanga. Pai tucui ima nishcata cazunguichic.

ISAÍAS 56:1

Mandac Diosca: «Ñuca quishpichina punzhapish, ñuca cashcata ruhuana punzhapish ñami chayamugrin Chaimanta allita ruhuashpa, cashcata ruhuashpa causaichic» ninmi.

ISAÍAS 51:6

Jahua pachata huichailla ricuichicyari. Cai pachatapish urai ricuichicyari. Jahua pachaca cushni shinami chingaringa. Allpaca churana maucayac shinami tucuringa. Cai pachapi causaccunaca chuspicuna shinami tucuringa. Shina cacpipish, ñucaca huiñaitami quishpichisha. Ñuca cashcata ruhuanaca manatac tucuringachu.

SALMOS 2:6

«¡Ñucaca jatun mandactaca ñami ñucapaclla chicanyachishpa Sión urcupi mandachun churani!» nirca.

ISAÍAS 51:8

Polilla churanata micuc shinami paicunata tucuchinga. Curu millmata micuc shinami, chingachinga. Ashtahuanpish ñuca cashcata ruhuanapish, quishpirinapish huiñai huiñaitami canga» ninmi.

SALMOS 45:7

Canca cashcata ruhuactami cuyangui. Millaita ruhuactaca piñanguimi. Chaimantami cambac Diosca can jatun mandacta acllashca. Mishquilla ashnacuc aceitehuan cahuishpami, canhuan puric caishuccunamanta yalli cushicuita cushca.

APOCALIPSIS 14:6

Chai quipaca shuc ángel jahuata volacuctami ricurcani. Chai angelca tucui llactacunapi causaccunaman, tucui aillucunaman, tucuilaya rimaita rimaccunaman, shinallatac tucuilaya gentecunaman huiñaicaman cac alli huillaita huillangapac huillanatami charicurca.

HEBREOS 2:17

Paica, ayudangapacca paipac huauquicuna shinami tucurca. Chashna ayudashpami jatun mandac cura tucushpa, llaquishpa tucui gentecunapac juchacunata anchuchirca. Chashnami Diosta tucuita cazushpa servirca.

EZEQUIEL 4:6

Ña chai punzhacunata pactachishca quipaca, alli ladoman siriringui. Shina siririshpaca, Judá llactapi causaccunapac juchacunata apangapacmi chuscu chunga punzhacunata siriringui. Israelcuna juchallishca cada huatamantami shuc punzhata llaquita apana cangui.

APOCALIPSIS 3:7

Filadelfia pueblopi cac tandanacushca criccunata ricuc angelman quillcai: “Mandac Davidpac llaveta charicuc, pi mana pascaipacta huichcac, pi mana huichcaipacta pascac, cashcata ruhuac jucha illacca:

HEBREOS 9:26

Chashna ruhuana cacpica, Apunchic Jesusca cai pachata ruhuashca punzhamanta pacha, tauca cutinmi huañuna canman carca. Ashtahuanpish Apunchic Jesusca cunan punzhacunapica, shuc cutinllami tucui gentecunapac juchacunata anchuchingapac, pai quiquinllatac Diosman curishpa huañurca.

1 CORINTIOS 1:30

Ashtahuanpish Diosllatacmi cancunataca Cristo Jesus-huan shucllata ruhuarca. Diosmi Cristomantaca jatun yachacta, cashcata ruhuacta, jucha illacta ruhuashpa quishpichirca.

SAN JUAN 3:34

Dios cachashcami, Dios rimashcata riman. Diosca yallitami paipac Espirituta cushca.

2 CRÓNICAS 29:24

Chai quipami curacunaca chivocunata huañuchirca. Shina huañuchishpami, chai chivocunapac yahuartaca tucui israelcuna Dios-huan alli tucuchun cushpa altarpi chiraparca. Jatun mandacca tucui israelcunatami Mandac Dios-huan alli tucuchun, paicunapac juchamanta chai animalcunata huañuchishpa tucui rupachichun mandashca carca.

1 JUAN 3:8

Maijanpish juchata ruhuacca diablopacmi. Diablomi callarimanta pacha juchata ruhuachicca. Diospac Churica diablo imata ruhuacushcata chingachingapacmi shamurca.

2 PEDRO 1:1

Ñucaca Jesús acllashca apóstol, shinallatac Jesucristopacta ruhuac Simón Pedromi cani. Ñucanchic Dios Quishpichic Jesucristo cashcata ruhuac cashcamanta, ñucanchic shinallatac sumaimana crishcata chasquiccunamanmi, “allillachu canguichic” nishpa quillcashpa cachani.

HEBREOS 10:14

Paica shuc cutinlla huañushpami, huiñaipac paipaclla caccunata jucha illacta ruhuarca.

HEBREOS 7:26

Paica ñucanchic charishun nishca jatun mandac curami. Paica jucha illac, ima mapa illac, ima millaita mana ruhuac, shinallatac juchayuccunamantapish anchurishcami can. Paitaca jahua cielomanta yalli jahuapimi Diosca churashca.

COLOSENSES 2:14

Juchata ruhuashcamanta ñucanchic quishpiringapac maita mana pagaipac cacpimi, Jesucristo cruzpi huañushcamanta Diosca chai debitaca anchuchirca. Chai debitaca paganatacmi carcanchic.

COLOSENSES 1:20

Diosca Cristomantami, tucui pai ruhuashcacunataca paihuan alli tucuchun chasquisha nirca. Chashnami, Jesucristo cruzpi huañushcamanta cai pachapi causaccunatapish paihuan alli tucuchun chasquirca.

HECHOS 3:14

Jucha illac, cashcata ruhuac Runata cacharichun ninapac randica, huañuchic runatami cacharichun nircanguichic.

SAN JUAN 1:41

Andresca paipac huauqui Simonhuanracmi tupangapac rirca. Shina rishpaca: —Ñami Mesias-huan tuparcanchic— nirca. (“Mesías” nishpaca, “Quishpichic Cristo” nisha ninmi).

SAN LUCAS 1:35

Chashna nicpimi angelca: —Diospac Espiritumi shamunga. Jahua pacha Diospac podermi cantaca llandunga. Chaimantami jucha illac huahua huacharinga. Diospac Churi nishcapishmi canga.

MARCOS 1:24

—Nazaret pueblomanta Jesús, ¿ñucanchictaca imatatac ruhuagringuiyari? ¿Canca llaquichingapacchu shamungui? Canca Dios cachashca Jucha Illacmi cangui. Canta ricsinimi— nirca.

SAN MATEO 11:13

Moisés mandashcapipish, Dios ima nishcata huillaccuna huillashcapipish, Juanmantami huillashca.

SAN MATEO 1:21

Paica shuc cari huahuatami charinga. Chai huahuataca JESÚS shutitami shutichingui. Paimi pai acllashcacunataca juchacunamanta quishpichinga. Chaimantami chai shutica canga» nirca.

EZEQUIEL 28:12

«Huañunalla runa, Tiro llactata jatun mandac llaqui tucunamanta llaquipi cantana cantota cantashpa: “Mandac Diosca: Canca tucuimanta yalli alli, mana pandaric, yallita yachacmi carcangui.

LAMENTACIONES 4:22

Sionpi causaccunalla, cancunata llaquichinaca tucurishcami. Cancunataca jaicapi mana prezu apangachu. Edom llactapi causaccunalla, cancunallatac millaita ruhuashcamanta llaquichicpimi, cancunapac juchacunaca ricuringa.

LEVÍTICO 8:15

Moisesca chai becita huañuchishpa, yahuarpi dedota satishpa, Diosman cushpa rupachina altar gachucunapi cahuishpa, Diospacllata ruhuarca. Puchu yahuartaca altar chaquipimi tallirca. Shina tallicpimi, chai altarca Dios-huan alli tucungapac rupachina altar saquirirca.

FILIPENSES 3:9

Cristohuan causana yuyailla cashpami, mandashcacunata pactachishpalla alli ricurinataca mana munani. Ashtahuanpish Cristota crishcallamantami, Diosca paihuan alli tucuchun ñucataca chasquirca.

SAN MATEO 4:5

Chaimantaca diabloca, Diospaclla Jerusalén puebloman Jesusta pushashpa, Diosta mañana huasi jahuapi

SAN LUCAS 21:22

Chai punzhacunaca, Dios quillcachishca shina llaquichina punzhacunami canga.

HECHOS 4:26

Cai pachapi jatun mandaccunapish, llactata mandaccunapish Mandac Diosta piñashpa, pai cachashca Quishpichic Cristota piñashpa macashun nishpami tandanacun” nishcami.

EZEQUIEL 4:5

Israelcunaca quimsa patsac iscun chunga huatatami juchallirca. Cada huatamantami shuc punzhata canca llaquita apana cangui.

ZACARÍAS 4:14

Shina nicpimi angelca: —Caicunaca tucui cai pachata Mandac Diospac ñaupapi, aceiteta cahuishca ishcai runacunatami nisha nin— nirca.

ISAÍAS 42:4

Paica cashcata ruhuaccuna cai pachapi tiyangacaman manatac shaicungachu, mana samaringachu. Mama cucha patapi causaccunapish paipac mandashcatami shuyanga» nirca.