DANIEL 9:16 - Dios Rimashcata Quillcashcami

¹⁶ Mandac Dioslla, cashcata ruhuac cashca shinallatac Jerusalenmanta, cambaclla chicanyachishca urcumanta cambac nina japiric shina yallita piñarishcata anchuchiyari. Ñucanchic juchacunamanta, ñucanchic taitacuna millaita ruhuashcamantami ñucanchic muyundipi causaccunaca Jerusalentapish, can acllashcacunatapish burlashpa rimancuna.

DANIEL 9:16 Referans Kwoze

ZACARÍAS 8:3

Ñucaca Sionman cutimushpami, Jerusalén chaupipi causasha. Jerusalenca cashcata nic llacta nishcami canga. Tucuita Mandac Dios ñucapaclla Sión urcuca ñucapaclla chicanyachishca urcumi canga.

JOEL 3:17

Mandac Diosca: «Ñucapaclla cac Sión urcupi causac cancunapac Mandac Diosca ñucami cani. Chaitaca yachaichicyari. Ñucapaclla Jerusalentaca shuctac gentecunaca mana ashtahuan pasangachu.

DANIEL 9:20

Ñucaca, ñucata Mandac Diospac ñaupapi ñuca juchacunata, israelcunapac juchacunata huillashpa, Diospaclla urcumanta mañacurcanimi.

SALMOS 31:1

Mandac Dioslla, canllapimi shunguta churani. Ñuca pingaichishca cachunca amatac saquinguichu. Canca cashcata ruhuacmi cangui. Chaimanta ñucata quishpichiyari.

SALMOS 79:4

Ñucanchic vecinocunapac camishcami canchic. Ñucanchic muyundi llactapi causaccunapac burlashpa asishcami canchic.

SALMOS 71:2

Cashcata ruhuac cashcamanta ayudashpa quishpichiyari. Ñuca ladoman ringrita churashpa uyaiyari.

ÉXODO 20:5

Chaicunapac ñaupapica ama cumuringuichu, ama servinguichu. Ñucaca cancunata Mandac Diosmi cani. Shuctac diosta charichunca manatac munanichu. Taitacuna ñucata piñashpa, millaita ruhuashcamantaca paicunapac huahuacunacaman, nietocunacaman shinallatac bisnietocunacamanmi llaquichisha.

1 JUAN 1:9

Shina cashpapish ñucanchic juchacunata Diosman huillacpica, paica imatapish cashcata ruhuac cashcamanta, imatapish pactachic cashcamantaca perdonangami, shinallatac tucui mana allicunatapish pichangami.

2 TESALONICENSES 1:6

Cancunata llaquichiccunataca, cashcata ruhuac Diosmi llaquichinga.

EZEQUIEL 5:14

Jerusalén, cantaca shitashca pambata ruhuashpami saquisha. Muyundi llactacunapi causaccunapish, chaita puriccunapish burlashpami asinga.

JEREMÍAS 32:32

Chashnami israelcunapish, Judá gentecunapish, paicunata jatun mandaccunapish, caishuc mandaccunapish, curacunapish, huillaccunapish mana allita ruhuashpa, ñucata piñachishpa causarca. Chaimantami anchuchigrini. Tucui Judá gentecunapish, Jerusalenpi causaccunapish ñucataca piñachircami.

JEREMÍAS 29:18

Jatun macanacuipi yarcaihuan, jatun ungüihuanmi catipi llaquichisha. Tucui cai pachapi tiyac llactacunapi causaccunami paicunata burlashpa, ima llaqui tucushpachari alli canman ningacuna. Shinallatac paicunata shuctac llactaman ñuca llucchishpa cachacpica, paicunata ricushpaca mancharishpa pingaichingacunami.

JEREMÍAS 24:9

Paicunataca tucui llactacunapi causaccuna asichun, mancharishpa parlanacuchun, yuyarina parlocunata paicunamanta llucchishpa, burlachunmi saquisha. Chashnami mai llactaman ñuca cachacpipish, llaqui tucunga.

SALMOS 143:1

Mandac Dioslla, ñuca mañashcata uyaiyari. Ñuca huacashpa mañashcata uyaiyari. Can cashcata nic cashcamanta, shinallatac cashcata ruhuac cashcamanta ñuca mañashcata uyaiyari.

SALMOS 41:13

¡Israelcunata Mandac Diosca huiñai huiñaita alli nishca cachun! Chashna cachun, chashna cachun.

NEHEMÍAS 9:8

Abrahampac shungutaca canhuan alli cashcatami ricurcangui. Cananeocunapac, heteocunapac, amorreocunapac, ferezeocunapac, jebuseocunapac, gergeseocunapac llactata, paipac huahua huahuacunaman cungapacmi paihuan ari nircangui. Canca cashcatac ruhuac cashpami chaitaca pactachircangui.

1 SAMUEL 2:7

Mandac Diosmi huacchatapish, charictapish ruhuan. Paimi yangallatapish, alli nishcatapish ruhuan.

SALMOS 85:4

Ñucanchicta quishpichic Dioslla, punta alli causacushca shinallatac causangapac alli causaita cuiyari. Ñucanchic-huan piñarishcata cungariyari.

ISAÍAS 5:25

Mandac Diosca nina japiric shina piñarishpami pai acllashcacunata llaquichirca. Urcucunapish chucchungami. Huañushcacunaca imapish mapa shinami chaupi ñancunapi shitashca canga. Chashna ruhuashpapish pai yallita piñarishcataca mana pasachingachu. Ashtahuanpish llaquichingatacmi.

JEREMÍAS 32:31

Cai llactaca callarishca punzhamanta cunan punzhacamanmi ñucata llaquichishpa, piñachishpa causacun. Chaimantami ñucapac ñaupamanta anchuchigrini.

DANIEL 11:45

Mandashpa tiyana carpa huasicunataca mama cuchahuan, Diospaclla urcuhuan chaupipimi shayachinga. Shina cashpapish chaipimi paica tucuringa, paitaca pi mana ayudangachu.

SALMOS 89:51

Mandac Dioslla, canta piñaccunami ñucanchicta camincuna. Jatun mandac cachun aceitahuan cahuishca jatun mandactaca punzhantami pingaichincuna.

EZEQUIEL 22:4

Huañuchishcamanta, ruhuashcalla dioscunata adorashpa mapayashcamantami juchanchishca cangui. Chashnami can tucurina punzhacunata quichquiyachishpa, tucurina huatacunapi cangui. Chaimantami cantaca mana alli nishpa rimachun, burlashpa asichun shuctac llactapi causaccunaman curcani.