DANIEL 9:12 - Dios Rimashcata Quillcashcami

¹² Canca cambac shimihuan ñucanchictapish, ñucanchicta mandaccunatapish llaquichishami nishcataca pactachishcanguimi. Jerusalenta llaquichishca shinaca, cai pachapica jaicapi mana tiyashcachu.

DANIEL 9:12 Referans Kwoze

EZEQUIEL 5:9

Cancuna millaita ruhuashcamantaca yallitami llaquichisha. Chashnaca jaicapi mana llaquichishcanichu. Shinallatac mana llaquichishachu.

LAMENTACIONES 1:12

Caita pasac maijancunaca, ¿manachu ñucata llaquinguichic? Mandac Dios nina japiric shina piñarishca punzhapi, ¿ñucata llaquichishca shina, llaquita ricushcanguichicchu?

ISAÍAS 44:26

Ñucami ñucata serviccuna huillashcatapish, ñuca cachashca huillaccuna huillashcatapish pactachini. Ñucallatacmi Jerusalentaca: “Cambac llactacunapica cutinmi causangapac shamungacuna” nini. Judapi tiyac llactacunataca: “Cutinmi allita shayachishca canguichic. Tucui urmashpa siricushcatapish cutinmi shayachishpa allichisha” nini.

LAMENTACIONES 2:17

Mandac Diosca pai ruhuasha nishcataca pactachishcami. Ñaupa huatacunapi pai huillashca shinami, mana llaquishpa tucui tucuchirca. Piñaccunaca canta ricushpa, burlashpami jatun tucurca.

LAMENTACIONES 2:13

Jerusalenpi causaccunalla, ¿canmantaca imatatac nishayari? ¿Pihuantac cancunataca chimbapurashayari? Carihuan manarac chayarishca soltera shina, Sionpi causaccunalla, cancunata cushichingapacca, ¿imatatac ruhuashayari? Llaquica mama cucha shina jatunmi. Chaitaca, ¿pitac allichingayari?

JOB 12:17

Yuyaita cuc runacunatapish, paimi yuyai illacta saquin. Juezcunatapish paimi yuyaita chingachin.

ROMANOS 15:8

Cristoca, Dios ñaupa taitacunaman cusha nishcata pactachic cashcata ricuchingapacmi israelcunata servingapac shamurca.

SAN LUCAS 21:22

Chai punzhacunaca, Dios quillcachishca shina llaquichina punzhacunami canga.

MARCOS 13:19

Chai punzhacunaca mancharina llaquimi canga. Chashna llaquicunaca Dios cai pachata ruhuashca punzhamanta cunancaman mana tiyashcachu. Quipa punzhapipish mana tiyangachu.

SAN MATEO 24:21

Chai punzhacunaca achca llaquimi canga. Cai pacha callari punzhamanta, cunancamanmi, chashna llaquica mana tiyashca. Quipapish mana tiyangachu.

SAN MATEO 5:18

Cai pacha, jahua pacha tucuringacaman, mandashcacunamantaca shuc rimaillapish, shuc puntollapish mana chingaringachu, tucui pactacungallami. Chaica chashnatacmi canga.

ZACARÍAS 1:8

Tutami shuc runa puca caballopi montashca pugru pambapi tiyac arrayán yuracuna chaupipi shayacucta ricurcani. Chai montashcapac huashapica puca, bayu, yurac caballocunami shayacurca.

ZACARÍAS 1:6

Ashtahuanpish ñuca rimashcacunata, ñuca mandashcacunata, ñuca ima nishcata huillac ñucata serviccuna huillachishcaca, ¿manachu cancunapac ñaupa taita causacui punzhacunapi pactarca? Chaimantami paicuna ñucapacman cutimushpaca: “Mandac Diosca mana alli ñancunapi ñucanchic purishca shinallatac, mana allita ruhuashca shinallatacmi llaquichinata yuyarirca. Paica ñucanchictaca chashnallatacmi ruhuarca” nircacuna nishpa huillai» nirca.

AMÓS 3:2

«Cai pachapi causacpuramantaca cancunallatami ñucaca acllarcani. Chaimantami cancuna mana allita ruhuashcamantaca llaquichisha» ninmi.

JOEL 2:2

¡Chai punzhaca pura tutami tucunga! ¡Puyushca llandu punzhami canga! ¡Tutamanta achicyachic luz shinami, sinchi runacunaca lomacunata shamunga! ¡Chashnaca ñaupa huatacunapish mana ricurishcachu! ¡Quipamanpish, huahua huahuacunacaman chai shinaca mana tiyangachu!

EZEQUIEL 13:6

Paicuna muscushcapish yangallami, shinallatac llullashpami: ‘Mandac Diosmi chashna nin’ nishpa huillan. Ashtahuanpish ñucaca paicunataca mana cacharcanichu. Shina cacpipish, paicunaca tucui huillashcacunata ñuca pactachichunmi shuyancuna.

LAMENTACIONES 4:6

Ñuca llactapi causaccunaca Sodomapi causaccunamanta yalli juchatami ruhuashca. Chai puebloca manapish pi llaquichicpimi, cungailla chingarirca. Chai pueblotaca pipish mana ayudarcachu.

PROVERBIOS 8:16

Ñucamantami mandaccunapish mandancuna. Ñucamantami alli ricushpa, allichincuna.

SALMOS 148:11

cai pachapi jatun mandaccunapish, tucui gentecunapish, tucui mandaccunapish, tucui cai pachapi tiyac juezcunapish,

SALMOS 2:10

Jatun mandaccunalla, cunanca allita yuyarishpa causaichic. Llactacunata mandaccunapish ñuca cunashcata chasquichicyari.

1 REYES 3:9

Chaimanta can acllashca gentecunata mandangapac alli yuyaita charic shunguta ñucaman cui. Shinallatac ima alli cacta, mana alli cactapish ricushpa allichingapac yachaita cui. Cai tucui gentecunata mandanataca ¿Pitac pudingayari?— nirca.

JEREMÍAS 30:7

¡Aij, chai punzhaca yalli llaquimi cagrin! Chashna llaquica jaicapi mana tiyashcachu. Jacobopac huahua huahuacunamanca yalli llaqui punzhami canga. Shina cacpipish, paicunataca quishpichishami» ninmi.

JEREMÍAS 32:23

Paicunaca chai llactaman yaicumushpa, chai allpata japishpapish can rimashcataca mana uyashun nircachu. Can mandashcacunatapish mana pactachircachu. Shinallatac imata ruhuachun nishcatapish mana ruhuarcachu. Chaimantami cai tucui llaquicunahuan paicunata llaquichishcangui.

JEREMÍAS 39:16

«Ebedmelecpacman rishpa, israelcunapac tucuita Mandac Diosca: “Ñuca rimashcata pactachishpami, cai llactapi causaccunaman allita ruhuanapac randica llaquichigrini. Chai llaqui punzhacunataca quiquin ñahuihuantacmi ricugringui.

JEREMÍAS 44:23

Cancunallatacmi Mandac Diosta cungarishpa, shuctac dioscunaman inciensota rupachishpa, juchata ruhuarcanguichic. Mandac Dios mandashcacunatapish, pactachichun rimashcatapish, ima shina causanata yachachishcacunatapish mana cazurcanguichicchu. Chaimantami cai tucui llaquicunahuan cunan punzhacaman causacunguichic» nirca.

DANIEL 12:1

Chai punzhacunaca cambac llactapi causaccunata ayudangapacca mandac Miguelmi shamunga. Chai punzhacunapica cai jatun llactacuna callarishcamanta pacha jaicapi mana tiyashca jatun llaquicunami tiyanga. Shina cacpipish, chai punzhacunapica tucui shuticunata libropi quillcachishca cambac llactamanta caccunaca quishpiringami.

ZACARÍAS 7:12

Paicunaca tucuita Mandac Dios mandashcatapish, paipac Espíritu huillashcatapish, pai ima nishcata ñaupa huillaccuna huillashcatapish mana uyashun nishpa, diamante rumi shina sinchi shungu tucurca. Chaimantami tucuita Mandac Diosca paicunahuan nina japiric shina piñarirca.

2 REYES 22:16

Mandac Diosca: ‘Riqui, ñucami cai llactamanpish, cai llactapi causaccunapac jahuamanpish jatun llaquita cachagrini. Judá llactata jatun mandacpac ñaupapi rezashca libropi nishca shinami tucui llaquicunata cachasha.

ISAÍAS 43:28

Chaimantami ñucapaclla huasipi mandaccunataca cumurichircani. Jacobopac huahua huahuatapish llaquipi churashpa, israelcunataca yangallata ruhuarcani.