DANIEL 8:21 - Dios Rimashcata Quillcashcami

²¹ Cari chivoca Grecia llactata jatun mandactami nisha nin. Ñahuicunapi jatun gachuca chai llactata punta jatun mandactami nisha nin.

DANIEL 8:21 Referans Kwoze

DANIEL 11:3

Chai quipami shuc sinchi jatun mandac mandai callarishpa, pai munashcata ruhuashpa mandanga.

DANIEL 10:20

Shina nicpimi paica: “¿Imapac cambacman shamushcata yachanguichu? Cunanca Persia llactata mandaccunahuan macanacungapac cutinami cani. Paita mishashca quipaca, Grecia llactata mandacmi macanacungapac shamunga.

DANIEL 8:20

Can ricushca gachuyuc cari ovejaca Media, Persia llactacunata jatun mandaccunatami nisha nin.

DANIEL 8:22

Shuc gachu paquiricpi, chaipac randi chuscu gachucuna huiñashcaca chai llactamanta chuscu jatun mandaccuna llucshinatami nisha nin. Chai jatun mandaccunaca mana punta mandac shina poderta charingachu.

DANIEL 11:2

Cunanca, ñucaca chashnatac cashcatami huillagrini. Persia llactapica ashtahuan quimsa jatun mandaccuna mandangaracmi. Cutin chuscuniqui jatun mandacca paicunata yalli chayucmi canga. Paica chashna chayuc cashcamanta sinchi cashpami, Grecia llactata jatun mandac-huan macanacungapac tucuita jatarichinga.

DANIEL 2:39

Cambac quipaca shuc yangalla jatun mandacmi mandai callaringa. Chai quipaca bronce shina, jatun mandacmi mandai callaringa. Paimi tucui cai pachata mandanga.

DANIEL 7:6

Ñuca ricucucllapitacmi shuctac leopardo shina animal ricurirca. Chai animalca volac animalpac chuscu alastami lomopi charirca. Shinallatac chuscu umatami charirca. Chai animalmanmi llactata mandachun curca.

ZACARÍAS 9:13

Judá llactapi causaccunataca ñuca arco shina cachunmi allichisha. Efraín aillutaca flecha shinatami ruhuasha. Sionpi causaccunataca paicunata piña runacunapac espada shinatami ruhuasha. Cancunapac churicunamanca Grecia llactapi causaccunata llaquichichunmi macana yuyaita cusha.