DANIEL 7:24 - Dios Rimashcata Quillcashcami

²⁴ Chunga gachucunaca chai jatun mandacmanta shuctac chunga jatun mandaccuna shamunatami nisha nin. Paicunapac quipaca punta mandaccunata yalli jatun mandac shamushpami, chai quimsa mandaccunata mishanga.

DANIEL 7:24 Referans Kwoze

DANIEL 7:20

Shinallatac umapi tiyac chunga gachucuna, shinallatac chai quimsa urmashca gachucunapac ladopi huiñashca gachu imata nisha nicushcatapish yachasha nircanimi. Chai gachuca ñahuicunayuc, millai rimaicunata rimac shimiyucmi carca. Chai gachuca caishuc gachucunata yallimi carca.

APOCALIPSIS 13:1

Mama cucha ladopi cac tio allpapi shayacushpami yacumanta shuc manchana animal llucshicta ricurcani. Chai animalca canchis umayuc, chunga gachuyucmi carca. Chai gachucunapica coronatami charirca. Shinallatac umacunapica, Diosta piñachishpa quillcashcacunatami charirca.

DANIEL 11:36

Chai jatun mandacca pai munashcata ruhuashpami, jatun tucushpa tucui dioscunata yalli jatun tucunga. Tucui dioscunapac Diostapish millaitami rimanga. Dios piñarishpa llaquichingacamanmi paica imata ruhuashpapish alli canga. Chaica, paita llaquichina cashcaca pactangami.

APOCALIPSIS 17:3

Chai quipaca Diospac Espíritu ñucata japicpi shitashca pambaman ángel pushacpimi, shuc huarmi chai manchana puca animalpi montashca tiyacucta ricurcani. Chai animalca canchis umayuc, chunga gachuyuc, shinallatac cuerpopica Diosta camishpa quillcashcami carca.

APOCALIPSIS 12:3

Chai quipaca cutinllatacmi cielopica shuc jatun mancharina ricurirca. Shuc jatun puca dragón animalmi canchis umayuc, chunga gachuyuc, umacunapi corona apashca ricurirca.

DANIEL 7:23

Chai Yuyac Runaca: “Chai chuscuniqui animalca cai pachata chuscuniqui jatun mandactami nisha nin. Chai mandacca caishuc jatun mandaccunamanta chican mandacmi canga. Paica tucui cai pachatami trillac shina, polvoshpa tucuchinga.

DANIEL 2:41

Shinallatac can ricushca chaupica allpamanta ruhuashca, chaupica fierromanta ruhuashca chaquica, chaupirishca mandana nisha ninmi. Can ricushca chaupica fierro, chaupica allpamanta ruhuashca cashca shinallatacmi chai llactaca fierro shina sinchi mandac canga.