DANIEL 7:2 - Dios Rimashcata Quillcashcami

² Chashna quillcashpami Danielca: «Ñucaca shuc tutami muscuipi shina jahua pacha huaira chuscu ladomanta mama cuchata caiman chaiman cuyuchicucta ricurcani.

DANIEL 7:2 Referans Kwoze

APOCALIPSIS 7:1

Chai quipaca cai pacha chuscu ladopi chuscu angelcuna shayacuctami ricurcani. Chaicunaca cai pacha allpatapish, mama cuchatapish, ima yuracunatapish ama huaira huactachunmi, chuscu ladopi jarcashpa shayacurca.

APOCALIPSIS 17:15

Cutinllatacmi angelca: «Chai cullquimanta huainayac huarmi tiyacushca yacucunaca aillucuna, taucalaya gentecuna, taucalaya rimaita rimaccuna, shinallatac llactacunami can.

SAN MATEO 24:31

Ñuca angelcunata cachashpami. Paicunami trompetapi sinchita tocashpa, ñuca acllashcacunataca tucui cai pachamanta tandachinga.

JEREMÍAS 49:36

Cai pacha chuscu ladomantami jatun huairata apamushpa, Elam llactapi causaccunataca caita, chaita cachagrini. Chashna cachacpica, tucui llactapimi miticushpa causagringacuna.

DANIEL 2:19

Chashna huillacpimi, pi mana huillai pudishcata Danielman tuta muscuipi shina ricuchirca. Chaimantami Danielca jahua pacha Diosta alli nishpaca:

DANIEL 7:7

Tuta camapi siricushpallatacmi chuscuniqui manchanaipac animalta muscuipi shina ricurcani. Chai animalca millai sinchi animalmi carca. Shinallatac jatun fierro quiruyucmi carca. Tucuita polvoshpa micushpami, puchutaca chaquihuan sarucurca. Chai animalca utcapi ricurishca animalcunamanta shuctaclaya, shinallatac chunga gachuyucmi carca.

DANIEL 7:13

Tuta muscuipi shina ricucucpimi, jahua pacha puyupi Runa tucushcapac churi shina, maijanchari shamucucta ricurcani. Chai yuyac runapac ñaupaman shamucpimi, yuyac runapacman pusharca.

DANIEL 8:2

Chaitaca Elam llactapi tiyac jatun llacta Susapi cashpami ricurcani. Shinallatac Ulai yacu ladopi cashpami, chashna muscuipi shina ricurcani.

DANIEL 8:8

Shinami chai cari chivoca yallita sinchiyashpa, jatun tucushpa catirca. Chashna yallita sinchiyashpa, jatunyacucpimi, chai jatun gachuca paquirirca. Chashna paquiricpica, chai gachupac randica chuscu jatun gachumi cai pacha chuscu ladoman huiñarca.

DANIEL 11:4

Chashna sinchita mandai callaricucllapitacmi chai mandacca tucurishpa, pai mandanataca cai pachapi chuscu ladoman chaupinga. Mana paicunapac huahua huahuamanchu chaupinga. Mana pai mandashca shinachu mandanga. Ashtahuanpish chai mandanataca tucuchishpami shuccunaman cunga.

ZACARÍAS 6:5

Shina tapucpimi angelca: —Caicunaca jahua pacha chuscu huairacunami cai pachata Mandac Diospac ñaupamanta llucshimucun.

ISAÍAS 17:12

¡Aij, mama cucha shina huaj nicuc tandanacushca gentecunalla! Achca yacu huaj nicuc shinami, shuc llactamanta runacunaca yallita caparishpa shamunga.

JEREMÍAS 51:42

Mama cucha yacumi Babilonia llactata tapashca. Manchana yacu jatarishpami tucuchishca.