DANIEL 6:7 - Dios Rimashcata Quillcashcami

⁷ Maijanpish shuctac diosta, mana cashpaca cambac randi shuctac runata alli nictaca leoncuna causana jutcupi shitashca cachun shuc mandashcata quillcachunmi, llactata tucui mandaccunapish, soldadocunata mandaccunapish, prefectocunapish yuyarishcanchic.

DANIEL 6:7 Referans Kwoze

SALMOS 59:3

Mandac Dioslla, ima pandatapish, ima juchatapish mana ruhuashcanichu. Shina cacpipish, sinchi tucushca runacunami huañuchingapac chaparacuncuna.

DANIEL 3:27

Chai quipaca prefectocunatapish, soldadocunata mandaccunatapish, shuctac mandaccunatapish, chai ninamanta llucshishca runacunata ricungapacmi tandachirca. Chaica, chai runacuna mana rupashcata, acchallapish, churanapish mana yanayashcata, paicunapac cuerpoca ninallapish mana ashnacushcata ricungapacmi tandachirca.

DANIEL 3:6

Maijanpish chai runaman ricchata cumurishpa mana adoractaca chai ratollatacmi rupacuc hornopi shitashca canga.

DANIEL 3:2

Chashna ruhuashpami, jatun mandac Nabucodonosorca prefectocunata, soldadocunata mandaccunata, shuctac mandaccunata, cunaccunata, cullquita huacaichiccunata, juezcunata, tucui llactacunapi mandaccunata tandachichun mandarca. Chai mandaccunataca chai runaman ricchata mañai callaringapacmi cayarca.

SALMOS 62:4

Jatun tiyarinamanta anchuchinallatami yuyaricunguichic. Llullashpallami cushicunguichic. Shimihuan allimi cangui nicushpapish, shungupica llaqui tucuchunmi munacunguichic.

SAN JUAN 12:10

Curacunata mandac curacunaca Lazarota huañuchinatami yuyarinacurca.

MARCOS 15:1

Tutamanta ña pacarimucucpimi, Israel curacunata mandac curacunaca pushac yuyaccunahuanpish, mandashcacunata yachachiccunahuanpish, caishuc mandaccunahuanpish parlangapac tandanacurca. Chai quipami, mandac Pilatopac ñaupaman Jesustaca huatashpa aparcacuna.

SAN MATEO 26:4

Jesusta umashpa pacalla japishpa huañuchinata yuyarinacurca.

SAN MATEO 12:14

Chaita fariseocuna ricushpa, canzhaman llucshishpaca, ima shina Jesusta huañuchinatami yuyarinacurca.

SALMOS 10:9

León shinami pacallapi huacchacunata japingapac chapacun. Huaccha runataca paipac tucllapi urmachishpami, aisashpa rin.

NAHÚM 2:12

Cari leonca paipac huahuacunamanpish, huarmi leonmanpish carangapacmi huañuchishpa achca aichata apamurca. Jutcucunapica aichacunatami jundachirca.

MIQUEAS 6:5

Ñuca acllashcacunalla, cunanca Moab llactata jatun mandac Balac cunashcata yuyarichicyari. Beorpac churi Balaam Sitimmanta Gilgalman chayashpa, imata nishcatapish yuyarichicyari. Chashna yuyarishpami, Mandac Dios ñucaca cashcata ruhuac cashcata yachanguichic» ninmi.

DANIEL 3:11

Maijan cumurishpa mana adoractaca rupacuc hornopi shitachunmi mandarcangui.

SALMOS 94:20

¿Millaita ruhuangapac tandanacushpa yuyarinacuc millai jatun mandaccunahuan tandanacunguichu?

SALMOS 2:2

Cai pacha jatun mandaccunapish, quipa mandaccunapish tandanacushpami Mandac Diostapish, aceitehuan cahuishca jatun mandactapish, mana cazushpa piñancuna.

SALMOS 83:5

Shuc shinalla tucushpami, tucui mashna tandanacushpa, canta llaquichingapac ari nishcacuna.

DANIEL 6:16

Shina nicpimi, jatun mandacca Danielta apamushpa leoncuna causana jutcupi shitachun mandarca. Chashna shitacpimi, jatun mandacca Danieltaca: —¡Can punzhanta servina cambac Dios quishpichichun!— nirca.

SALMOS 59:5

Tucuita Mandac Dioslla, israelcunapac Diosmi cangui. Jatarishpa tucui llactacunata llaquichiyari. Canta cariyashpa millaita ruhuaccunataca maijanllatapish ama llaquichu.

DANIEL 2:4

Shina nicpimi, paicuna arameo rimaipi rimashpaca: —¡Jatun mandaclla huiñaita causangui! Canta serviccunaman can muscushcata huillailla, ñucanchicca imata nisha nicushcata huillashunllami— nirca.

DANIEL 6:22

Leoncuna ñucata ama llaquichichunmi ñuca Diosca leoncunapac shimita huichcachun, paipac angelta cacharca. Paipac ñaupapica ima juchayuc mana canichu. Jatun mandaclla, cambac ñaupapipish mana faltayucchu cani— nirca.