DANIEL 5:7 - Dios Rimashcata Quillcashcami

⁷ Chaimantami jatun mandacca brujocunata, caldeocunata, adivinocunata apamuchun sinchita caparirca. Chaimantami jatun mandacca Babilonia llactapi causac chai yachaccunataca: —Maijanpish cai pircapi quillcashcata rezashpa, imata nisha nicushcata huillacmanca morado churanatami churachisha. Cutin cungapica curi huallcatami churachisha. Paimi quimsaniqui mandac canga— nirca.

DANIEL 5:7 Referans Kwoze

DANIEL 5:29

Shina nicpimi, Belsasarca Danielmanca morado churanata churachirca. Cutin cungapica curi huallcatami churachirca. Chashna churachishpami llactata quimsaniqui mandacta ruhuarca.

DANIEL 5:16

Ñucaca cantaca muscushcata huillashpa, ima llaquitapish allichic cashcatami uyani. Cunan cai quillcata rezashpa, cai quillca imata nisha nicushcata huillacpica, morado churanatami churachisha. Shinallatac cungapica curi huallcata churarishpami quimsaniqui mandanapi mandangui— nirca.

DANIEL 2:48

Chaimantami jatun mandacca Danielta alli nishpa, sumaccunata curca. Shinallatac Babilonia llactata mandac cachun, chai llactapi causac yachaccunatapish mandac cachunmi churarca.

DANIEL 2:6

Ashtahuanpish imata muscushcata, chai muscui imata nisha nishcata huillashpaca, alli japinatami japinguichic. Alli nishcami canguichic. Chaimanta imata muscushcata, chai muscui imata nisha nicushcata huillaichic— nirca.

DANIEL 2:2

Chaimantami jatun mandacca chai muscushcata tapungapac yachaccunata, lucerota ricushpa yachacuccunata, brujocunata, caldeocunata cayachun cacharca. Chashna cayacpimi, jatun mandacpac ñaupaman shamurca.

EZEQUIEL 16:11

Cantaca sumacta allichishpami, maquipica brazaletecunata, cungapica huallcata churachircani.

ISAÍAS 47:13

Canca shaicungacamanmi cunashcacunata uyashcangui. Cunanca, jahua cielota ricushpa yachaccuna, lucerocunata ricushpa yachaccuna, cada quilla can ima tucunata yachaccuna shayarishpa huillachun.

DANIEL 4:14

Paica sinchita caparishpami: ‘¡Chai yurata tigrachishpa, ramacunata pitichic! ¡Pangacunata anchuchishpa, granotapish shic-huaichic! ¡Chai yura ucupi caccunapish, ramapi causac volac animalcunapish anchurichun!

CANTARES 1:10

Cambac ñahuica zarcillocuna chaupipica mai sumacmi ricurin. Cambac cungapish huallca chaupipica sumacmi ricurin.

PROVERBIOS 1:9

Chai yuyaicunaca sumac coronata cambac umapi churarishca shina, sumac huallcata cungapi churarishca shinami canga.

ESTER 3:1

Chai tucushca quipaca jatun mandac Asueroca Agageopac huahua huahuapuramanta Hamedatapac churi Amantami alli nishpa tucui mandaccunamanta ashtahuan yalli mandanapi churarca.

1 SAMUEL 17:25

Paicunaca: —Ñucanchicta rimashpa manchachic runa llucshimuctaca ¿Manachu ricunguichic? Maijanpish paita atic runataca jatun mandacca yalli chayuctami ruhuanga. Paipac ushihuanpish cazarachingami. Shinallatac paipac huasi ucupurapish mana impuestota pagangachu— nirca.

NÚMEROS 24:11

¡Cunanca cambac llactaman cutilla! Cantaca: “Allimi cangui” nigricurcanimi. Shina nigricucpipish Diosmi jarcachishca— nirca.

NÚMEROS 22:17

Chai shamushca gentecunata ñuca shutipi maldiciashpa cuiyari. Cantaca mai alli nishami, shinallatac can mañashcatami cusha” nicunmi— nirca.

NÚMEROS 22:7

Shina nicpica, Moab llactata, Madián llactata pushac yuyaccunaca pai maldiciashcamanta pagana cullquita apashpami rirca. Paicuna Balaampacman chayashpaca, Balac imata nishcatami huillarca.

GÉNESIS 41:8

Tutamanta paipac shungupi chai yuyailla cashpami, Egipto llactapi causac jatun yachaccunata cayachun cacharca. Paicuna shamucpica, tucui muscushcatami huillarca. Shina huillacpipish, chai muscushca imata nisha nicushcataca pi mana huillai pudircachu.

ÉXODO 7:11

Chaimantami Faraonpish Egiptopi causac yachaccunata, brujocunata cayarca. Paicunaca Egiptopi causac yachaccuna shinallatacmi ruhuarca.

JEREMÍAS 50:35

Babilonia llactapi causaccunatapish, caldeocunatapish espadahuanmi huañuchingapac shamunga. Paicunata mandaccunatapish, paicunapac yachaccunatapish llaquichingami.

DANIEL 1:4

Shinallatac mana ima tucushca, sumac ñahui, imatapish allita yachac, alli yuyaiyuc mosocunatami mandana huasipi paita servishpa causaccunata quillcanatapish, caldeocunapac rimaitapish yachachichun cayac cacharca.

DANIEL 1:20

Tucui alli yachacushcata, alli yuyaiyuc cashcata jatun mandac yachashpaca, pai mandacuc llactapi tiyac tucui yachaccunatapish, lucerota ricushpa yachacuccunatapish chunga cutinhuan yalli yachac cashcatami ricurca.

DANIEL 2:27

Shina nicpimi, Danielca jatun mandactaca: —Pipish mana yachashcata can tapushcataca yachaccunapish, lucerota ricushpa yachacuccunapish, adivinocunapish mana huillai pudinchu.

DANIEL 5:11

Can mandacuc llactapimi shuc runa jucha illac diospac espirituyuc tiyan. Paimi cambac taita causacui punzhapica luz shina achicyachicpish, dioscuna shina allita yachacpish carca. Paitami cambac taita jatun mandac Nabucodonosorca lucerota ricushpa yachaccunata, caldeocunata, adivinocunata mandachun churarca.

DANIEL 5:15

Chai quillcashcata rezachun, chai quillcashca imata nisha nicushcata huillachunmi yachaccunata, lucerota ricushpa yachacuccunata ñucapac ñaupaman pushamurca. Shina shamushpapish, paicunaca mana huillai pudircachu.