DANIEL 5:30 - Dios Rimashcata Quillcashcami

³⁰ Chai tutallatacmi caldeocunata jatun mandac Belsasarca huañurca.

DANIEL 5:30 Referans Kwoze

JEREMÍAS 51:31

Babilonia llactata japishcata huillaccunapish, cartata saquiccunapish catinacuimi Babilonia llactata jatun mandacpacman ringa.

JEREMÍAS 51:57

Paicunata mandaccunatapish, jatun yachaccunatapish, llactapi mandaccunatapish, soldadocunata mandaccunatapish, tucui sinchi runacunatapish machachishami. Chashna machachicpica, huiñaita mana riccharishpami, sueñucungalla. Chaitaca Jatun Mandacmi nin. Paica tucuita Mandac Dios shutimi.

JEREMÍAS 51:39

Ñucaca paicuna rupaipi cacpimi, jatun micuita ruhuashpa, ubiachishpa machachisha. Chashna machashpa cushicushpami, jaicapi mana riccharingapac sueñunga. Chaitaca Mandac Dios ñucami nini.

JEREMÍAS 51:11

Flechacunata pichaichic. Escudotapish rigrapi apaichic. Mandac Diosca Babilonia llactata tucuchinatami yuyarishca. Media llactata jatun mandaccunapac shungupimi tucuchina yuyaita churashca. Mandac Diosca paipac huasita urmachishcamantami paicunatapish llaquichinga.

ISAÍAS 47:9

Shina yuyacucpipish, cai ishcai llaquicunami cungailla japinga. Yachac cacpipish, brujeriata ruhuacucpipish, chai llaquicunaca japingami. Chai punzhallapitacmi viudapish, cusa illacpish saquiringui.

JEREMÍAS 50:24

Babilonia llactalla, ñucallatacmi tucllata churarcani. ¡Chaipi urmashpa prezu japi tucunataca mana yacharcanguichu! Mandac Dios ñucata mana cazushcamantami chashnaca tucurcangui.

AMÓS 6:7

Cunanca, prezu riccunapac ñaupatami ringuichic. Chashna ricpimi, cancunapac munashcata ruhuashpa cushicunaca tucuringa.