DANIEL 5:19 - Dios Rimashcata Quillcashcami

¹⁹ Chashna jatun mandac cacpimi, tucui llactacunapish, jatun llactapi causaccunapish, tucui rimaita rimaccunapish paipac ñaupapica chucchuc carca. Pai maijanta huañuchisha nishpaca huañuchicmi carca. Maijanta causacta saquisha nishpaca, causacta saquicmi carca. Maijanta jatunyachisha nishpaca jatunyachicmi carca. Maijanta cumurichisha nishpaca cumurichicmi carca.

DANIEL 5:19 Referans Kwoze

DANIEL 3:6

Maijanpish chai runaman ricchata cumurishpa mana adoractaca chai ratollatacmi rupacuc hornopi shitashca canga.

DANIEL 3:4

shuc huillac runa sinchita caparishpaca: «Llactacunapi, pueblocunapi causaccunalla, chican rimaita rimaccunalla,

ROMANOS 13:1

Tucui mandaccunaca Dios churashcami. Chaimanta tucui mashna paicunataca cazuichic.

SAN JUAN 19:11

Shina nicpimi Jesusca: —Dios mana canman cushca cacpica, ñucataca imata mana ruhuai pudinguimanchu. Shina cacpipish ñucata japichicmi canta atishpa yalli juchayucca— nirca.

HABACUC 2:5

Jatun tucushca vino shinami llaquiman apan. Seol pascaric shinami imatapish mashcanga. Huañui shinami mana shaicunga. Shinallatac paipaclla cachunmi tucui llactacunata munan. Chashna jatun tucushca runaca mana causangachu.

DANIEL 4:22

canmi cangui. Jatun mandaclla, canmi chai yura shina huiñashpa sinchiyashcangui. Canca jahua pachacaman huiñac shina alli nishca cashpami tucui cai pacha tucuricaman mandacungui.

DANIEL 3:29

Chaimantami ñucaca: ‘Llactapi causaccunapish, ima rimaita rimaccunapish Sadracpac, Misacpac Abed-negopac Diosta piñashpa rimacca pitinacushca canga. Paipac huasipish tucuchishcami canga. Cashna quishpichic Dios shinaca mana shuctac dios tiyanchu’ nishpami mandani» nirca.

PROVERBIOS 16:14

Jatun mandac piñarishcaca huañuimanta huillac shinami. Ashtahuanpish yachaisapa runaca chai piñarishcata allichinmi.

APOCALIPSIS 5:9

Shinallatac shuc mushuc cantota cantashpaca: «Canllami sellota churashcacunata anchuchishpa, pillushca pangata pascaipac cangui. Canca huañushpami, Diospac cachun tucui aillucunamantapish, tucuilaya rimaita rimaccunamantapish, tucui llactacunamantapish, tucuilaya gentecunamantapish cambac yahuarhuan randishpa tandachishcangui.

2 REYES 25:28

Paihuan sumacta parlashpami, Babilonia llactata jatun mandacca paihuan cac shuctac mandaccunamanta ashtahuan yalli tiyarinapi tiyachirca.

EZEQUIEL 31:11

Chaimantami paitaca shuctac llacta sinchi millai gentecunapac maquipi churarcani. Chaimantami yallita llaquichinga. Chaita ruhuachunmi ñucaca shitashpa saquircani.

DANIEL 4:17

Angelcunaca cai pacha runacunapac llactataca jahua pacha Dios mandacushcata, chai mandanata pai piman cusha nishpaca cuclla cashcatapish, tucuimanta yalli yangalla runata mandanapi churac cashcata causaita chariccuna yachachunmi chashna mandashpa huillarca’ nirca.

DANIEL 11:3

Chai quipami shuc sinchi jatun mandac mandai callarishpa, pai munashcata ruhuashpa mandanga.

DANIEL 11:16

Paicunahuan macanacuc shamuc jatun mandacca pai munashcata ruhuashpami llaquichinga. Pipish paihuanca mana chimbapurai pudingachu. Paica sumaimana llactapimi sinchita mandashpa tucuita tucuchinga.

DANIEL 11:36

Chai jatun mandacca pai munashcata ruhuashpami, jatun tucushpa tucui dioscunata yalli jatun tucunga. Tucui dioscunapac Diostapish millaitami rimanga. Dios piñarishpa llaquichingacamanmi paica imata ruhuashpapish alli canga. Chaica, paita llaquichina cashcaca pactangami.

ECLESIASTÉS 8:3

Jatun mandacpac ñaupamantaca ama utca rinata yuyanguichu. Ima mana allitaca ama chaillatatac ruhuashpa catinguichu. Paica tucui ima munashcatami ruhuanga.

DANIEL 4:19

Shina nicpimi, Beltesasar nishca Danielca paipac yuyaipi ashata mancharishca saquirirca. Chashna cacpimi jatun mandacca: —Cai muscuimantapish, cai muscui imata nisha nicushcamantapish ama manchashpa saquirichu— nirca. Shina nicpimi Beltesasarca: —¡Ñuca mandaclla, can muscushcapish, chai muscushca imata nisha nicushcapish canta piñaccunaman cachun!

DANIEL 11:12

Chashna achca soldadocunata atishpami, ura llactata jatun mandacca shungupi jatun tucushpa, huaranga huaranga soldadocunata huañuchinga. Chashna cashpapish asha huatacunatami chashna canga.