DANIEL 5:13 - Dios Rimashcata Quillcashcami

¹³ Shina nicpimi, Danieltaca jatun mandacpac ñaupaman pushamurca. Chashna pushamucpimi, jatun mandacca Danieltaca: —¿Canchu ñuca taita jatun mandac Judá llactamanta prezu apamushca Daniel cangui?

DANIEL 5:13 Referans Kwoze

DANIEL 6:13

Shina nicpimi, paicunaca jatun mandactaca: —Jatun mandaclla, Judá llactamanta prezu apamushcapuramanta Danielca cantapish, can mandashpa shutita churashcatapish mana cazushcachu. Chai mandashcata cazunapac randica, punzhapi quimsa cutinmi Diosta mañan— nirca.

DANIEL 5:11

Can mandacuc llactapimi shuc runa jucha illac diospac espirituyuc tiyan. Paimi cambac taita causacui punzhapica luz shina achicyachicpish, dioscuna shina allita yachacpish carca. Paitami cambac taita jatun mandac Nabucodonosorca lucerota ricushpa yachaccunata, caldeocunata, adivinocunata mandachun churarca.

DANIEL 2:25

Shina nicpimi, Ariocca Danielta utca jatun mandacpacman pusharca. Chaiman pushashpaca: —Judá llactamanta prezu apamushcapurapimi jatun mandac muscushcata huillac shuc runata tarimuni— nirca.

SAN JUAN 7:3

Jesuspac huauquicunaca Jesustaca: —Ama caipi caichu, canta caticcuna can imalla ruhuashcata ricuchun, Judea llactaman ri.

ESDRAS 10:16

Prezumanta cutimushcacunaca ima shina nishca shinallatacmi ruhuarcacuna. Chaimantami Esdras curaca ñaupa taitacunapac huasi ucupurata mandaccunata paicuna ima shina cashca shinallatac shutipi cayashpa acllarca. Paicunaca chunga quilla callari punzhapimi chai huarmicunata llucchishpa cachangapac taripai callarircacuna.

ESDRAS 6:16

Chashna tucuricpica, chai huasita Diosman cushpami israelcunapish, curacunapish, levitacunapish, prezu apashcamanta caishuc cutimushcacunapish yallita cushicurca.

ESDRAS 4:1

Prezumanta cutimushca israelcuna Mandac Diospac huasita shayachicushcata Judapac, Benjaminpac aillucunata piñaccuna yachac chayashpami,

SAN JUAN 7:1

Chai quipaca, Jesusca Galilea llactapimi puricurca. Mandac israelcuna huañuchishun nishcamantami, Judea llactapi canataca mana munarca.

DANIEL 8:27

Daniel ñucaca yallita irquiyashpami, maijan punzhacunata ungushca carcani. Ña alliyashpaca jatun mandacpac ima ruhuaicunatami ruhuashpa catircani. Ñuca muscuipi shina ricurishcata yuyarishpa manchaihuanmi carcani, pi chaimanta huillacca mana tiyarcachu.

DANIEL 8:1

Jatun mandac Belsasar quimsa huatata mandacucpimi, Daniel ñucaca utcapi ricushca shinata cutin muscuipi shina ricurcani.

DANIEL 5:18

Jatun mandaclla, cambac taita Nabucodonosormanca jahua pacha Diosmi sinchi mandac cachunpish, tucuipac alli nishca cachunpish curca.

DANIEL 5:2

Belsasar vinota mishquillirishpa ubiacushpami, paipac taita Nabucodonosor Jerusalenpi tiyac Diospac huasiman apamushca curi, cullqui vasocunata apamuchun cacharca. Chai vasocunapi pai ubiangapac, shinallatac pai churashca mandaccunapish, paipac caishuc huarmicunapish vinota ubiachunmi apachun cacharca.

DANIEL 2:48

Chaimantami jatun mandacca Danielta alli nishpa, sumaccunata curca. Shinallatac Babilonia llactata mandac cachun, chai llactapi causac yachaccunatapish mandac cachunmi churarca.

DANIEL 1:21

Danielca jatun mandac Ciro callari huatata mandangacamanmi servishpa causarca.

ESDRAS 10:7

Chai quipami prezumanta cutimushcacunataca Jerusalenman tandanacuchun nishpa, Jerusalenpipish, Judá llactapipish huillachirca.

DANIEL 1:1

Judá llactata jatun mandac Joacim quimsa huatata mandacucpimi, Babilonia llactata jatun mandac Nabucodonosorca Jerusalenman paipac soldadocunahuan shamushpa muyundita shayarirca.

DANIEL 1:2

Mandac Diosmi Judá llactata mandac Joacimtapish, paipac huasipi tiyac imacunatapish Nabucodonosorpac maquipi churarca. Shina churacpimi, Babiloniaman apashpa, paipac dioscunapac imacuna huacaichinapi churarca.

DANIEL 5:14

Cantaca jucha illac diospac espirituyuc cashcatami uyani. Shinallatac cantaca luz achicyachic shina allita yachac, allita entendic cashcatami uyani.

DANIEL 1:6

Chai mosocunapurapica Judá aillupuramanta Daniel, Ananías, Azariasmi carca.