DANIEL 4:9 - Dios Rimashcata Quillcashcami

⁹ “Yachaccunata mandac Beltesasarlla, canpi jucha illac dioscunapac espíritu causashcatapish, pi mana yachashcata huillac cashcatapish yachanimi. Chaimanta ñuca muscuipi shina ricushcata huillai.

DANIEL 4:9 Referans Kwoze

DANIEL 5:11

Can mandacuc llactapimi shuc runa jucha illac diospac espirituyuc tiyan. Paimi cambac taita causacui punzhapica luz shina achicyachicpish, dioscuna shina allita yachacpish carca. Paitami cambac taita jatun mandac Nabucodonosorca lucerota ricushpa yachaccunata, caldeocunata, adivinocunata mandachun churarca.

DANIEL 2:48

Chaimantami jatun mandacca Danielta alli nishpa, sumaccunata curca. Shinallatac Babilonia llactata mandac cachun, chai llactapi causac yachaccunatapish mandac cachunmi churarca.

DANIEL 4:8

Shuc punzhami Daniel ñuca ñaupaman shamurca. Paica ñuca diospac Beltesasar shutimi. Paipica jucha illac dioscunapac espiritumi causan. Paiman ñuca muscushcata huillashpaca:

DANIEL 4:5

Chashna cashpami shuc tuta shuc muscuita muscushpa yallita mancharircani. Muscuipi shina ricurishcaca ñuca yuyaipica yallitami muspachirca.

DANIEL 1:20

Tucui alli yachacushcata, alli yuyaiyuc cashcata jatun mandac yachashpaca, pai mandacuc llactapi tiyac tucui yachaccunatapish, lucerota ricushpa yachacuccunatapish chunga cutinhuan yalli yachac cashcatami ricurca.

EZEQUIEL 28:3

¿Canca Danielta yalli yachacchu cangui? ¿Canca mana yachaipac, imapish pacallata yachanguichu?

GÉNESIS 41:38

Chaimantami Faraonca paita serviccunataca: —¿Diospac Espirituhuan cac cai shina runataca maipi tarishunchu?— nirca.

DANIEL 4:18

Cai muscuitaca jatun mandac Nabucodonosor ñucami muscurcani. Cai muscushca imata nisha nicushcataca tucui ñuca mandana llactacunapi causac yachaccunaca mana huillai pudircachu. Chaimanta can Beltesasar huillaiyari. Canpica jucha illac dioscunapac espiritumi causan. Chaimantami cai muscui imata nisha nicushcataca huillai pudingui” nircani» nirca.

ISAÍAS 54:14

Cashcata ruhuashpami sinchiyachisha. Ima llaquipish mana japingachu. Ima llaquitapish mana manchashpami causangui. Pipish cambacman mana cuchuyangachu.

ISAÍAS 33:18

Llaquita yuyarishpami cambac shungupica: «¿Maipitac impuestota japishcata yupacca? ¿Maipitac impuestota pezashpa japicca? ¿Maipitac torrecunata yupacca?» ningui.

1 SAMUEL 4:8

¡Aij ñucanchiclla! ¿Chai Diospac sinchi maquimantaca pitac cacharichingayari? Chai Diosmi Egiptopi causaccunataca shitashca pambapi tauca plagacunahuan llaquichirca.

DANIEL 2:47

Shinallatac jatun mandacca Danieltaca: —Cancunapac Diosca, dioscunapac Diosmi, jatun mandaccunapac Jatun Mandacmi. Pipish mana yachashcata ricuchinmi. Chaimantami pipish mana yachashcata canca huillangui— nirca.

EZEQUIEL 17:23

Chai ramataca Israel llacta jatun urcupimi tarpusha. Chai ramacuna huiñashpaca granota pucushpami, sumac cedro yura tucunga. Tucuilaya zhutacuna shamushpami chai rama ucupi llanduringa.