DANIEL 3:6 - Dios Rimashcata Quillcashcami

⁶ Maijanpish chai runaman ricchata cumurishpa mana adoractaca chai ratollatacmi rupacuc hornopi shitashca canga.

DANIEL 3:6 Referans Kwoze

SAN MATEO 13:50

jatun ninapi shitanga. Chaipimi huacaihuan quiru caniringa— nirca.

SAN MATEO 13:42

Chashna tandachishpami nina hornopi shitanga. Chaipimi huacaihuan quiru caniringa.

JEREMÍAS 29:22

Shina ruhuacpi, Judá llactamanta Babilonia llactaman prezu apashcacuna maldiciashpaca: “¡Mandac Diosca cantapish Sedequiasta shina, Acabta shina ruhuashpami alli canman! ¡Babilonia llactata jatun mandacca chai ishcai runacunatami ninapi cusarca!” ningacuna.

DANIEL 3:15

Cunanca Cornetapi, flautapi, tamborpi, arpapi, salteriopi, zampoñapi, shinallatac shuctac tocanacunapi tocashca uyaricpi, ¿ñuca ruhuashca runaman ricchapac ñaupapi cumurishpa alli ningapac rinallachu canguichic? Chai horas cumurishpa mana adorashpaca rupacuc hornopimi shitashca canguichic— nirca.

DANIEL 3:11

Maijan cumurishpa mana adoractaca rupacuc hornopi shitachunmi mandarcangui.

APOCALIPSIS 14:11

Chai jatun llaquimantami cushnica huiñaita llucshicunga. Chai manchana animaltapish, paiman ricchatapish ‘allimari cangui’ nishpa, paipac shutita alli nishpa sellota apaccunamanca tutapish, punzhapish llaquimanta samarinaca mana tiyangachu» nirca.

APOCALIPSIS 9:2

Chai jatun jutcuta pascacpica, jatun hornomanta shinami achca cushni llucshishpa intitapish, punzhatapish amsayachirca.

MARCOS 6:27

Chaimantami mandac Herodesca Juanpac umata pitishpa apamuchun, shuc soldadota cacharca.

SAN MATEO 4:9

—Can ñucata cungurishpa adoracpica, cai tucuitami canman cusha— nirca.

DANIEL 6:7

Maijanpish shuctac diosta, mana cashpaca cambac randi shuctac runata alli nictaca leoncuna causana jutcupi shitashca cachun shuc mandashcata quillcachunmi, llactata tucui mandaccunapish, soldadocunata mandaccunapish, prefectocunapish yuyarishcanchic.

DANIEL 3:21

Shina mandacpimi, chai soldadocunaca paicunata churanacunandi, ushutacunandi, turbantendi, jahualla churanacunandi rupacuc hornopi shitarca.

DANIEL 2:5

Shina nicpimi, jatun mandacca paicunataca: —Ñucaca cungarishcanimi. Imata muscushcatapish, chai muscui imata nisha nicushcata mana huillashpaca ñutuchishcami canguichic. Cancunapac huasicunapish tucuchishcami canga.

ISAÍAS 44:17

Chai puchushca caspillahuantac ruhuashca diospac ñaupapi cumurishpa mañashpaca: «Canca ñuca diosmi cangui. Chaimanta quishpichiyari» ninmi.

ÉXODO 20:5

Chaicunapac ñaupapica ama cumuringuichu, ama servinguichu. Ñucaca cancunata Mandac Diosmi cani. Shuctac diosta charichunca manatac munanichu. Taitacuna ñucata piñashpa, millaita ruhuashcamantaca paicunapac huahuacunacaman, nietocunacaman shinallatac bisnietocunacamanmi llaquichisha.

GÉNESIS 19:28

Chaiman chayashpami, Abrahamca Sodomamantapish, Gomorramantapish, tucui pambacunamantapish hornomanta cushni llucshicuc shinata ricurca.

DANIEL 3:7

Shina nicpimi, cornetapi, flautapi, tamborpi, arpapi, salteriopi, zampoñapi, shuctac tocanacunapi tocashcata uyashpaca, tucui gentecuna jatun mandac Nabucodonosor curimanta ruhuashca runaman ricchata cumurishpa adorarcacuna.

DANIEL 5:19

Chashna jatun mandac cacpimi, tucui llactacunapish, jatun llactapi causaccunapish, tucui rimaita rimaccunapish paipac ñaupapica chucchuc carca. Pai maijanta huañuchisha nishpaca huañuchicmi carca. Maijanta causacta saquisha nishpaca, causacta saquicmi carca. Maijanta jatunyachisha nishpaca jatunyachicmi carca. Maijanta cumurichisha nishpaca cumurichicmi carca.