DANIEL 3:13 - Dios Rimashcata Quillcashcami

¹³ Chashna nicpimi, Nabucodonosorca yallita piñarishpa, Sadracta, Misacta, Abed-negota pushamuchun cacharca. Chashna mandacpimi, chai runacunata jatun mandacpac ñaupaman pushamurca.

DANIEL 3:13 Referans Kwoze

DANIEL 3:19

Shina nicpimi, Sadrac-huan, Misac-huan, Abed-negohuan yallita piñarishpa ñahui shuctaclaya tucurca. Chaimantami hornotaca canchis cutinhuan yalli rupacyachichun mandarca.

DANIEL 2:12

Shina nicpimi, jatun mandacca yallita piñarishpa, Babiloniapi causac tucui yachaccunata huañuchichun cacharca.

HECHOS 24:24

Asha punzhacuna quipami, Felixca Israelmanta paipac huarmi Drusilahuan shamushpa, Pablota cayashpa, Jesucristota ima shina crinamanta tapurca.

SAN LUCAS 21:12

Manarac caicuna tucucpimi, ñucata caticushcamantaca piñashpa prezunga. Cancunata juchanchishpami, tandanacuna huasicunaman apanga. Carcelpipish churangacunami. Llactacunata jatun mandaccunapacmanpish, quiquin llactata mandaccunapacmanpish apangami.

SAN LUCAS 6:11

Chaimantami yallita piñarishpa, Jesusta ima shina huañuchinata yuyarinacurca.

MARCOS 13:9

Cancunaca alli cuidaringuichic. Cancunataca mandaccunapacman apangami. Tandanacuna huasicunapipish azotingami. Ñucata caticushcamantami mandaccunapacmanpish, jatun mandaccunapacmanpish apangami. Chashna apacpica, paicunaman ñucamanta huillanguichicmi.

SAN MATEO 10:18

Ñucata caticushcamantami llactata mandaccunapacmanpish, jatun mandaccunapacmanpish apanga. Shina cacpimi, paicunamanpish, mana israelcunamanpish ñucamanta huillanguichic.

PROVERBIOS 29:22

Jahualla piñaric runaca piñanacuillapimi churan. Yallita piñaric runaca yalli juchacunatami ruhuan.

PROVERBIOS 27:3

Rumipish llashacmi. Tiyu allpapish llashacllatacmi. Ashtahuanpish mana entendic runa yallita piñarishcami chai ishcaicunata yalli llashac.

PROVERBIOS 17:12

Millaita ruhuac yuyai illac runahuan tupanapac randica, huahuacuna illac piña huarmi osohuan tupanami ashtahuan alli.

GÉNESIS 4:5

Ashtahuanpish Mandac Diosca Caintapish, pai cushca ofrendatapish mana cushilla chasquircachu. Chaimantami Cainca ñahui shuctacyashpa, sinchita piñarirca.

DANIEL 1:7

Chai mandana huasipi serviccunata mandacca Danieltaca Beltesasartami shutichirca. Ananiastaca Sadractami shutichirca. Cutin Misaeltaca Mesacta, Azariastaca Abed-negotami shutichirca.