DANIEL 2:45 - Dios Rimashcata Quillcashcami

⁴⁵ Canca manapish pi cacharicpi, urcumanta rumi shamushpa, fierrota, bronceta, allpata, curita, cullquita ñutuchictami ricurcangui. Chaica, Diosmi shamuc punzha ima tucunata ricuchishca. Chai muscushcaca chashnatacmi tucunga. Chai muscushca imata nisha nicushcapish mana llullachu— nirca.

DANIEL 2:45 Referans Kwoze

ISAÍAS 28:16

Chaimantami Mandac Diosca: «Riquichic, ñucaca Sión llactapimi huasita ruhuashpa callaripi churana acllashca sumac sinchi rumita shina churarcani. Chai rumita cricca mana manchashpa callpangachu.

GÉNESIS 41:32

Diosca ruhuagricushpatacmi can Faraonman ishcai cutin muscuchishca, chaitaca utcami ruhuanga.

MALAQUÍAS 1:11

Cai pachapica ñuca shutica inti llucshina ladomanta, inti tigrana ladocamanmi jatun. Chashna ñuca shuti cai pachapi jatunyachishca cacpimi, maipi cashpapish, inciensota rupachishpa, chuya ofrendacunata ñucaman cun. Chaitaca tucuita Mandac Dios ñucami nini.

SALMOS 48:1

¡Mandac Diosca paipac urcupi tiyac paipaclla pueblopica, yallita alli nishcami cana can!

2 SAMUEL 7:22

Chaimanta Mandac Dioslla, canca mai alli nishcami cangui. Ñucanchic ringrihuantac uyashca shina, ¿pi shuctac Diostac tiyanyari?

DEUTERONOMIO 10:17

Mandac Diosca tucui dioscunapac Diosmi, mandaccunapacpish Mandacmi. Mandac Diosca manchana poderyucmi. Mana pitapish ñahuita ricushpa llaquichic Dioschu. Pimantapish mana imata japicchu.

GÉNESIS 41:28

Dios can Faraonman caicunata huillashpaca, imata ruhuagricushcatami huillan.

APOCALIPSIS 19:17

Shinallatac shuc ángel intipi shayacuctami ricurcani. Chaica jahuata volashpa puric, tucui alasyuc animalcunatami sinchita caparishpaca: «¡Dios allichishca jatun micuita micungapac tandarishpa shamuichic!

APOCALIPSIS 4:1

Chai quipaca jahua pachapi pungu pascashcatami ricurcani. Puntaman uyarishca shinallatacmi, trompetapi tocac shina shuc rimashca uyarishpaca: «Caiman huichicui, caipica quipaman ima shina tucuna cashcatami ricuchigrini» nirca.

APOCALIPSIS 1:19

Can imata ricushcatapish, cunan ima tucushcatapish, shinallatac quipaman ima tucuna cashcatapish quillcai.

SAN LUCAS 17:20

Fariseocunami ima punzha Dios mandangapac shamunamanta tapurca. Chashna tapucpimi Jesusca: —Dios mandangapac shamunataca, mana ricuipacllachu.

SAN MATEO 24:35

Jahua pachapish, cai pachapish tucuringami. Ashtahuanpish ñuca huillashcaca pactacungallami.

SAN MATEO 21:24

Shina nicpimi Jesusca: —Ñucapish cancunata tapusha, cancuna ñuca tapushcata cutichicpica, ñuca ima poderhuan ruhuacushcata huillashallami.

ZACARÍAS 12:3

Chai punzhapica Jerusalentaca muyundi llactacunapi causaccunapac llashac jatun rumi shinatami ruhuasha. Chai rumita alzasha niccunaca tucuimi ñuturinga. Tucui cai pacha llactacunamantami paita llaquichingapac tandanacunga.

DANIEL 2:44

Chai jatun mandaccuna mandacui punzhacunami jahua pacha Diosca jaicapi mana tucuchipac llactata mandachun churanga. Chai llactata mandactaca mana shuctac runacunaman cungachu. Chai jatun mandacmi shuctac jatun mandaccunata ñutuchishpa tucuchinga. Shinami paica huiñaita mandacungalla.

DANIEL 2:24

Chai quipami, Danielca jatun mandac Babiloniapi causac yachaccunata huañuchichun cachashca Ariocpacman rishpaca: —Babiloniapi causac yachaccunata ama huañuchichu. Jatun mandacpac ñaupaman ñucata pushai, pai muscushcata paiman huillashallami— nirca.

SALMOS 145:3

Mandac Diosca jatunmi, tucui mashna alabana Diosmi. Pi mana yachai pudipac Diosmi.

SALMOS 135:5

Ñucaca Mandac Dios jatun cashcataca yachanimi. Ñucanchic Diosca tucui dioscunamanta yalli jatunmi.

SALMOS 96:4

Mandac Diosca jatunmi. Tucuimanta yalli alabana Diosmi. Tucui dioscunamanta yalli manchana Diosmi.

JOB 36:26

Riqui, Diosca mai jatunmi. Ñucanchicca mana ricsi pudinchicchu. Paipac huatacunatapish mana yupai pudinchicchu.

NEHEMÍAS 9:32

Cunanca ñucanchic Dioslla, canca poderta charic, tucuipac manchana Diosmi cangui. Canca imatapish pactachic, yallita llaquic Diosmi cangui. Asiria llactata jatun mandac, mandacushca punzhamanta, cunan punzhacaman, jatun mandaccunapish, ñucanchic curacunapish, can ima nishcata huillaccunapish, ñucanchic ñaupa taitacunapish, tucui can acllashcacuna llaquita, apacushcataca ama cungaringuichu.

NEHEMÍAS 4:14

Chai quipaca tucui ima tucushcata ricushpami, alli nishca runacunatapish, quipa mandaccunatapish, tucui caishuc gentecunatapish rimashpaca: —¡Paicunapac ñaupapica ama manchaichicchu! Ashtahuanpish tucuita ruhuac jatun Diosta yuyarichic. Cancunapac huauquicunamanta, churicunamanta, ushicunamanta, huarmicunamanta, cancunapac huasicunamanta macanacuichic— nircani.

1 CRÓNICAS 16:25

Mandac Diosca jatunmi. Jatunyachishca canatami can. Ruhuashcalla dioscunata atishpa, manchana Diosmi.

DANIEL 2:28

Shina cacpipish, jahua pachapimi, pipish mana yachashcata huillac Dios tiyan. Paimi jatun mandac Nabucodonosorman shamuc punzhacunapi ima tucunata ricuchishca. Can muscushca, can sueñushpa ricushcaca,

DANIEL 2:29

jatun mandac canca, cambac camapi sueñucushpami, shamuc punzhacunapi ima tucunata yachanata munarcangui. Pi mana yachashcata huillacmi shamuc punzhacuna ima tucunata canman ricuchishca.

DANIEL 8:25

Yallita yuyaisapa cashpami, pitapish jahualla urmachishpa, shungupi jatun tucunga. Cungaillami achcata tucuchinga. Mandaccunata mandaccunahuanmi macanacungapac shayaringa. Gentecunapac maquipi mana huañushpapish huañungallatacmi.

GÉNESIS 41:26

Canchis sumac vacacunaca canchis huatatami nisha nin. Canchis racu trigo umapish canchis huatatami nisha nin. Cai ishcai muscushcaca shucllatami nisha nin.

SALMOS 2:9

Paicunataca fierro varahuan mandashpami llaquichingui. Allpa mangata shinami ñutuchingui» nirca.

HAGEO 2:22

Jatun mandaccuna mandashpa tiyanatapish urmachishami. Tucui jatun mandaccuna mandana llactacunatapish tucuchishami. Carretacunatapish, chai carretapi puriccunatapish urmachishami. Shina urmachicpimi, caballocunapish, caballopi ric soldadocunapish huañunga. Paicunapac espadallahuantacmi caishuc, chaishuc huañunacunga.