DANIEL 2:41 - Dios Rimashcata Quillcashcami

⁴¹ Shinallatac can ricushca chaupica allpamanta ruhuashca, chaupica fierromanta ruhuashca chaquica, chaupirishca mandana nisha ninmi. Can ricushca chaupica fierro, chaupica allpamanta ruhuashca cashca shinallatacmi chai llactaca fierro shina sinchi mandac canga.

DANIEL 2:41 Referans Kwoze

APOCALIPSIS 17:12

Can ricushca chai chunga gachucunaca chunga jatun mandaccunatami nisha nin. Chai mandaccunaca manarac mandancunachu. Shina cashpapish shuc pachallatacmi chai manchana animalhuan ishcai tucushpa mandanata chasquinga.

APOCALIPSIS 13:1

Mama cucha ladopi cac tio allpapi shayacushpami yacumanta shuc manchana animal llucshicta ricurcani. Chai animalca canchis umayuc, chunga gachuyucmi carca. Chai gachucunapica coronatami charirca. Shinallatac umacunapica, Diosta piñachishpa quillcashcacunatami charirca.

APOCALIPSIS 12:3

Chai quipaca cutinllatacmi cielopica shuc jatun mancharina ricurirca. Shuc jatun puca dragón animalmi canchis umayuc, chunga gachuyuc, umacunapi corona apashca ricurirca.

DANIEL 7:24

Chunga gachucunaca chai jatun mandacmanta shuctac chunga jatun mandaccuna shamunatami nisha nin. Paicunapac quipaca punta mandaccunata yalli jatun mandac shamushpami, chai quimsa mandaccunata mishanga.

DANIEL 7:7

Tuta camapi siricushpallatacmi chuscuniqui manchanaipac animalta muscuipi shina ricurcani. Chai animalca millai sinchi animalmi carca. Shinallatac jatun fierro quiruyucmi carca. Tucuita polvoshpa micushpami, puchutaca chaquihuan sarucurca. Chai animalca utcapi ricurishca animalcunamanta shuctaclaya, shinallatac chunga gachuyucmi carca.

DANIEL 2:40

Chuscuniqui mandacca fierro shina sinchi mandacmi canga. Fierro ima shinami polvoshpa ñutuchic shinami, tucuita polvoshpa ñutuchic shina mandanga.

DANIEL 2:42

Chai chaqui dedocunaca maijanca fierromanta, maijanca allpamantami ruhuashca. Chashnallatacmi ishcaipi chicanyarishca llactaca chaupica sinchi, chaupica urmanalla canga.