DANIEL 2:28 - Dios Rimashcata Quillcashcami

²⁸ Shina cacpipish, jahua pachapimi, pipish mana yachashcata huillac Dios tiyan. Paimi jatun mandac Nabucodonosorman shamuc punzhacunapi ima tucunata ricuchishca. Can muscushca, can sueñushpa ricushcaca,

DANIEL 2:28 Referans Kwoze

GÉNESIS 40:8

Shina nicpimi paicunaca: —Shuc muscuitami charircanchic, chai muscui imata nisha nicushcataca pi mana huillac tiyanchu— nirca. Shina nicpimi Joseca: —Cai muscui imata nisha nicushcataca Diosllami huillanga. Imata muscushcata parlaichic— nirca.

AMÓS 4:13

Paica urcucunatapish, huairatapish ruhuac, runacunamanpish, pai imata yuyaricushcata huillacmi. Paimi, tutatapish punzhayachin. Paica cai pachapi tucui urcucunatami purin. ¡Paica, tucuita Mandac Dios shutimi!

DANIEL 10:14

Chai muscuipi shina ricushcaca shamuc punzhacunapimi tucunga. Chaimantami tucuri punzhacunapi cambac llacta gentecuna ima tucunata huillac shamuni” nirca.

DANIEL 2:22

Canmi maita mana yachaipaccunatapish yachachingui. Canmi yalli purapi caccunatapish achicyachingui. Canmi luz cangui.

GÉNESIS 49:1

Jacobo paipac churicunata cayashpaca: «Tandanacumuichic, cancuna quipaman ima tucuna cashcata huillasha.

ISAÍAS 2:2

Tucuri punzhacunapica Mandac Diospac huasipi tiyac urcuca caishuc urcucunapac uma shina cangapacmi sinchiyachishca canga. Tucui urcucunata yalli jatunmi canga. Chai urcumanmi tucui llactacuna shamunga.

GÉNESIS 41:16

Shina nicpimi Joseca: —Chaitaca Diosmi huillachin. Diosmi can jatun mandac Faraonpac allipac huillanga— nirca.

2 PEDRO 3:3

Tucuimanta yallica tucuri punzhacunapica quiquin munashca mapacunata ruhuaccuna tiyana cashcata yuyarichic. Paicunaca cancunata burlashpami:

SAN MATEO 6:9

Cancuna mañashpaca: “Jahua pacha ñucanchic Taitalla, cambac shutitaca, tucuilla alli nishca cachun.

OSEAS 3:5

Chai quipami, israelcunaca cutishpa, paicunata Mandac Diostapish, jatun mandac Davidtapish yuyaringa. Tucuri punzhacunami allita japingapac Mandac Diospacman chucchushpa cuchuyanga.

DANIEL 4:5

Chashna cashpami shuc tuta shuc muscuita muscushpa yallita mancharircani. Muscuipi shina ricurishcaca ñuca yuyaipica yallitami muspachirca.

DANIEL 2:18

Shinallatac Danieltapish, paihuan caccunatapish Babiloniapi causac yachaccunata shina huañuchinatami mancharca. Chaimantami jahua pacha Dios llaquishpa ayudachun mañai ningapac rirca.

SALMOS 115:3

¡Ñucanchic Diosca jahua pachapimi! ¡Pai munashcatami tucuita ruhuashca!

HEBREOS 1:1

Diosca tauca cutinmi ñaupa huatacunapica ñucanchic taitacunaman pai ima nishcata huillaccunata huillachirca.

DANIEL 2:47

Shinallatac jatun mandacca Danieltaca: —Cancunapac Diosca, dioscunapac Diosmi, jatun mandaccunapac Jatun Mandacmi. Pipish mana yachashcata ricuchinmi. Chaimantami pipish mana yachashcata canca huillangui— nirca.

EZEQUIEL 38:16

Puyu shina rishpa, ñuca acllashcacunata tucuita tapashpa llaquichingui. Jatun mandac Goglla, quipa punzhacunapimi shuctac llactacunapi causaccunapac ñaupapi ñuca jucha illac cashcata ricuchichun, ñuca acllashcacunata llaquichichun cantaca ñucallatac cachasha.

JEREMÍAS 30:24

Mandac Dios yallita piñarishcaca paipac shungupi yuyarishcata pactachingacaman mana pasangachu. Tucuri punzhacunapimi chaitaca entendinguichic» ninmi.

DEUTERONOMIO 31:19

Cunanca, cai cantota quillcashpa israelcuna cantachun yachachi. Cai cantollatacmi israelcuna llaquita apanatapish ricuchinga.

DEUTERONOMIO 4:30

Quipa punzhacunapi llaquicuna japicpi, jatun llaquicunahuan cashpaca, Mandac Diosman cutirishpa, pai rimashcata uyanguichicmi.

2 TIMOTEO 3:1

Quipa punzhacunapi llaqui punzhacuna shamuna cashcatapish yachanami cangui.

EZEQUIEL 38:8

Achca punzhacuna quipaca Israel llacta urcucunaman richunmi mandasha. Chai llactaca unai huatacuna quipami llaquimanta quishpiringa. Chai llactamanmi tandanacushpa ringui. Israel llacta urcucunaman shamungui. Chaipi causaccunaca llaquinayaita tucuchishcami carca. Shina cashpapish, cunanca shuctac llactacunamanta llucshimushpami, imata mana manchashpa causan.

JEREMÍAS 48:47

Shina cacpipish, tucuri punzhacunapimi Moab llactapi causaccunataca prezumanta cutin cutichimusha. Chaitaca Mandac Dios ñucami nini» ninmi. Moab llactata llaquichina cashcata huillashcaca caicamanllami.

NÚMEROS 24:14

Riqui, cunanca ñuca llactaman rigrinillami. Shina cacpipish, tucuri punzhacunapi israelcuna cambac llactacunapi causaccunata imata ruhuagricushcata huillangapac shamui— nirca.

APOCALIPSIS 1:1

Cai ricuchinataca Jesucristo paipacta ruhuaccunaman utca ima tucuna cashcata huillachunmi, Diosca curca. Jesucristoca angelta paipacta ruhuac Juanpacman cachashpami caicunataca huillachirca.

GÉNESIS 41:25

Shina nicpimi, Joseca Faraontaca: —Can muscushcaca shucllami can. Diosmi can Faraonman imata ruhuagricushcata huillashca.

JEREMÍAS 10:7

Tucui llactacunata Jatun Mandaclla, ¿pitac cantaca mana manchangayari? Canllatami manchana canchic. Tucui llactacunapi causac alli yachaccunapurapipish, mandaccunapurapipish can shinaca mana tiyanchu.

EZEQUIEL 28:3

¿Canca Danielta yalli yachacchu cangui? ¿Canca mana yachaipac, imapish pacallata yachanguichu?

DANIEL 1:20

Tucui alli yachacushcata, alli yuyaiyuc cashcata jatun mandac yachashpaca, pai mandacuc llactapi tiyac tucui yachaccunatapish, lucerota ricushpa yachacuccunatapish chunga cutinhuan yalli yachac cashcatami ricurca.

DANIEL 2:44

Chai jatun mandaccuna mandacui punzhacunami jahua pacha Diosca jaicapi mana tucuchipac llactata mandachun churanga. Chai llactata mandactaca mana shuctac runacunaman cungachu. Chai jatun mandacmi shuctac jatun mandaccunata ñutuchishpa tucuchinga. Shinami paica huiñaita mandacungalla.

DANIEL 2:45

Canca manapish pi cacharicpi, urcumanta rumi shamushpa, fierrota, bronceta, allpata, curita, cullquita ñutuchictami ricurcangui. Chaica, Diosmi shamuc punzha ima tucunata ricuchishca. Chai muscushcaca chashnatacmi tucunga. Chai muscushca imata nisha nicushcapish mana llullachu— nirca.