DANIEL 2:26 - Dios Rimashcata Quillcashcami

²⁶ Shina nicpimi, jatun mandacca Beltesasar nishca Danieltaca: —¿Canca ñuca muscushcatapish, chai muscushca imata nisha nicushcatapish huillai pudinguichu?— nirca.

DANIEL 2:26 Referans Kwoze

DANIEL 1:7

Chai mandana huasipi serviccunata mandacca Danieltaca Beltesasartami shutichirca. Ananiastaca Sadractami shutichirca. Cutin Misaeltaca Mesacta, Azariastaca Abed-negotami shutichirca.

DANIEL 5:16

Ñucaca cantaca muscushcata huillashpa, ima llaquitapish allichic cashcatami uyani. Cunan cai quillcata rezashpa, cai quillca imata nisha nicushcata huillacpica, morado churanatami churachisha. Shinallatac cungapica curi huallcata churarishpami quimsaniqui mandanapi mandangui— nirca.

DANIEL 5:12

Chai runaca Danielmi. Paitami jatun mandacca tucuita alli yachac, allita yachacushca, allita entendic cashcamanta muscushca imata nisha nicushcatapish huillac cashcata, pipish mana yachashcata huillac cashcata ricurca. Paitami Beltesasarta shutichirca. ¡Chashna cashcamantaca Danielta cayaichic! Pai chai quillcashca imata nisha nicushcata huillachun— nirca.

DANIEL 4:8

Shuc punzhami Daniel ñuca ñaupaman shamurca. Paica ñuca diospac Beltesasar shutimi. Paipica jucha illac dioscunapac espiritumi causan. Paiman ñuca muscushcata huillashpaca:

1 SAMUEL 17:33

Shina nicpimi, Saulca Davidtaca: —Canca huambraracmi cangui. Chaimanta chai filisteo runahuanca mana macanacui pudinguichu. Ashtahuanpish paica huambramanta pacha macanacunata alli yachac runami— nirca.

GÉNESIS 41:15

Shina ricpimi, Faraonca Josetaca: —Ñucami shuc muscuita muscurcani. Chai muscui imata nisha nishcata huillacca pi mana tiyanchu, ashtahuanpish muscushcata uyashpa, imata nisha nicushcata can huillaclla cashcatami uyarcani— nirca.

DANIEL 7:1

Jatun mandac Belsasar Babilonia llactata mandai callari huatami Danielca camapi sueñucushpa, shuc muscuita muscurca. Paipac yuyaipish muscuipi shinami imacunata ricurca. Chaimanta riccharishpami, maijan yuyaicunallata quillcarca.