DANIEL 2:21 - Dios Rimashcata Quillcashcami

²¹ Canmi huatacunatapish, punzhacunatapish shuctaclayata ruhuangui. Canmi jatun mandaccunatapish churangui, shinallatac llucchingui. Alli yachaccunamanca alli yachaita, yuyaisapacunamanca alli yuyaitami cungui.

DANIEL 2:21 Referans Kwoze

DANIEL 4:17

Angelcunaca cai pacha runacunapac llactataca jahua pacha Dios mandacushcata, chai mandanata pai piman cusha nishpaca cuclla cashcatapish, tucuimanta yalli yangalla runata mandanapi churac cashcata causaita chariccuna yachachunmi chashna mandashpa huillarca’ nirca.

DANIEL 7:25

Paica jahua pacha Diosta millaita rimashpami, jahua pachapi causac Diospaclla caccunata yallita llaquichinga. Paica fiestacunatapish, mandashcacunatapish shuctacyachisha ningami. Paipac maquipimi Diospaclla caccunataca quimsa huata chaupicaman churanga.

DANIEL 4:32

Gentecunapuramanta llucchishpa cachacpimi, sacha animalcunahuan pacta causangui. Huagraman shinami quihuata caranga. Cai pacha mandaccunataca jahua pacha Dios mandacushcata, cai pacha mandanataca piman cusha nishpapish cuclla cashcata yachangacamanmi canchis huatata chashna causangui» nirca.

JOB 12:18

Paimi jatun mandaccuna cadenahuan huatashpa charicucmanta cacharichishpa, huascallahuan cinturapi huatan.

1 REYES 4:29

Diosca alli yuyaita, alli entendishpa causanata shungupi yuyarinatami Salomonmanca mama cucha yacu patapi tiyac tio shina yallita jatun yuyaita curca.

SANTIAGO 1:5

Cancunapuramanta maijanpish yachaita mana charishpaca, Diosta mañaichic, paica cungallami. Diosca pimanpish mana misarishpami, tucui mañaccunamanca achcata cunga.

SAN LUCAS 21:15

Ñucallatacmi cancunamanca rimana alli yuyaicunatapish cusha. Chashna allita rimacpica, cancunata piñaccunaca mana imata ni pudishpa, upalla saquiringallami.

SANTIAGO 1:17

Jahua pachapi sumac achiccunata ruhuac Diosmantami, ima allita ruhuana yuyaipish, cashcata ruhuana yuyaipish shamun. Paica mana shuctacyanchu, llandu shinapish mana tucunchu.

1 REYES 3:28

Chai piñanacuita jatun mandac allichishcataca tucui israelcunami yacharca. Dios cushca alli yuyaihuan imatapish allichishcata yachac chayashpami Salomontaca tucui mashna cazurcacuna.

ÉXODO 31:3

Ñucami, ñuca Espirituhuan paitaca tucuipi yuyaisapata, alli yachacta, quiquin yuyaihuan imatapish allita ruhuacta ruhuarcani.

1 CORINTIOS 1:30

Ashtahuanpish Diosllatacmi cancunataca Cristo Jesus-huan shucllata ruhuarca. Diosmi Cristomantaca jatun yachacta, cashcata ruhuacta, jucha illacta ruhuashpa quishpichirca.

DANIEL 2:9

Ñuca muscushcata cancuna mana huillashpaca huañuitami shuyacunguichic. Cancunaca ñuca imata ruhuagricushcata saquichunmi ñucaman llullashpa huillangapac yuyarinacushcanguichic. Chai muscushca imata nisha nicushcata huillai pudic cashcata ñuca ricungapac, chai muscushca imata nisha nicushcatarac huillaichic— nirca.

1 CRÓNICAS 22:12

Can israelcunata mandacucpi, canta Mandac Dios mandashcata can pactachichun Diosllatac yuyaita cushpa, alli yachacta ruhuachun.

1 REYES 10:24

Tucui llactacunapi causaccunami Dios paiman yachaita cushcacunata huillacta uyangapac shamunata munaccuna carca.

APOCALIPSIS 19:16

Paipac churanapipish, changapipish “Amocunapac Amo, Jatun Mandaccunapac Jatun Mandac” nishca quillca apashcami carca.

DANIEL 11:6

Maijan huatacunata mandacushpami, alli causangapac ura llacta jatun mandacca paipac ushita jahua llactata jatun mandac huarmi cachun cushpa, ari ninacunga. Chashna ari nishpapish paipish, paipac huahua huahuacunapish mana alli causai pudingachu. Chai punzhacunapica, chai huarmitapish, paita apamuccunatapish, paipac cusatapish, paita cuidaccunatapish huañuchiccunapac maquipimi churanga.

1 CRÓNICAS 29:30

Shinallatac pai ima shina mandashcapish, pai sinchiyashcapish, pai imacunalla tucushcapish, Israel llacta ima tucushcapish, chai cuchulla llactacuna ima tucushcapish chai quillcashcallapitacmi tiyacun.

ÉXODO 31:6

Chashnallatac Dan aillupuramanta Ahisamacpac churi Aholiabtami Bezaleelta ayudachunca acllarcani. Tucui ñuca imata ruhuachun nishcacunata ruhuachunmi, tucui artesanocunaman yachai Espirituta curcani.

ESTER 1:13

Shina piñarishpami punzhacuna imalaya cagricucta ricuc alli yachaccunaman jatun mandac ruhuac cashca shinallatac jatun mandac mandashcacunatapish, ima ruhuanatapish tapuchun cacharca.

ROMANOS 13:1

Tucui mandaccunaca Dios churashcami. Chaimanta tucui mashna paicunataca cazuichic.

DANIEL 1:17

Diosmi chai chuscu mosocunataca alli yachaita, tucuilaya quillcanata yachachirca. Danielca muscuipi shina ricurishcatapish, muscushcatapish alli yachacmi carca.

DANIEL 2:20

«¡Huiñaimanta huiñaicaman Diospac shutica alli nishca cachun!

DANIEL 2:23

Ñucanchic taitacunapac Dioslla, cantami alli nini. Canmi alli yachaita cushpa sinchiyachishcangui. Cunanmi ñucanchic mañashcata uyashpa, jatun mandac tapushcata ñucanchicman ricuchingui» nirca.

DANIEL 10:1

Persia llactata jatun mandac Ciro quimsa huatata mandacucpimi Beltesasar nishca Danielman caicunata huillarca. Chai huillashcaca llaqui shamunamanta mana llullashpa huillashcami carca. Danielca chai huillashcata allita uyashpami, muscuipi shina ricurishca imata nisha nicushcata alli entendirca.

DANIEL 4:14

Paica sinchita caparishpami: ‘¡Chai yurata tigrachishpa, ramacunata pitichic! ¡Pangacunata anchuchishpa, granotapish shic-huaichic! ¡Chai yura ucupi caccunapish, ramapi causac volac animalcunapish anchurichun!

DANIEL 4:22

canmi cangui. Jatun mandaclla, canmi chai yura shina huiñashpa sinchiyashcangui. Canca jahua pachacaman huiñac shina alli nishca cashpami tucui cai pacha tucuricaman mandacungui.