DANIEL 2:20 - Dios Rimashcata Quillcashcami

²⁰ «¡Huiñaimanta huiñaicaman Diospac shutica alli nishca cachun!

DANIEL 2:20 Referans Kwoze

SALMOS 113:2

Mandac Diospac shutica cunanpish, huiñaipacpish alli nishca cachun.

JOB 12:13

Diosmi imatapish ruhuac, alli yachacpish can. Paimi alli yuyaita cuc, alli entendicpish can.

APOCALIPSIS 5:12

Paicuna sinchita rimashpaca: «Diosman cushpa huañuchishca Pactalla Ovejallami, poderta charic, tucuita charic, tucuita yachac, imatapish ruhuac, alli nishca sumaimana nishca, ¡tucuimanta yalli jatun nishca cana can!» nircacuna.

JEREMÍAS 32:19

Can ruhuashcacunaca yalli jatunmi, shinallatac sumaimanami. Cada shuc aichayuc runacunaman paicuna imata ruhuashca shinallatac cungapacmi, tucui paicuna ima shina causacucta ricucungui.

SALMOS 147:5

Ñucanchic Diosca tucuita ruhuac jatun Diosmi. Paipac yachaica mana tucuripacmi.

SAN JUDAS 1:24

¡Ñucanchicta Quishpichic shuclla Diostaca “allimari cangui” nishunchic! Paimi paipac poderhuan, cancuna ima millaipi ama urmashpa, paipac sumaimana ñaupapi cushilla ricurichun huacaichicun.

PROVERBIOS 8:14

Cunanapish, allita yuyarishpa yachac canapish ñucapacmi. Allita yachac canapish, sinchi canapish ñucapacmi.

SALMOS 115:18

Ashtahuanpish ñucanchicca Mandac Diostami cunanmanta huiñai huiñaita alli nicushunlla. ¡Mandac Diosta alli nichicyari!

1 REYES 8:56

«¡Mandac Diosca alli nishca cachun! Paica paita servic Moisesta huillachun mandashca shinallatacmi tucui imata cusha nishcataca shuc rimashcallatapish mana cungarishpa, tucui pactachishca.

SAN MATEO 6:13

Ama ima millaipi urmachun saquinguichu, tucui mana allimanta huacaichingui. [Canmi huiñai huiñaita tucuita mandacpish, tucuita ruhuacpish, sumaimana cushicuipish cangui. Chashna cachun]” nishpa mañanguichic.

SALMOS 62:11

Mandac Dios rimashcataca ishcai cutinmi uyarcani. Paica: «Ñucami tucuita ruhuacpish,

SALMOS 50:23

Maijanpish animalta ñucaman cushpa alli nicmi, ñucataca jatunyachinga. Paipac causaita allichicmanmi ñuca quishpichic cashcataca huillasha» ninmi.

SALMOS 41:13

¡Israelcunata Mandac Diosca huiñai huiñaita alli nishca cachun! Chashna cachun, chashna cachun.

2 CRÓNICAS 20:21

Chai gentecunata tapushca quipami Josafatca shuccunataca macanacuc soldadocunapac ñaupata sumaimana Mandac Diosta alli nishpa: «Mandac Diostaca jatunyachichic, paica huiñaita cuyacmari» nishpa cantashpa richun churarca.

1 CRÓNICAS 29:20

Chashna nishca quipami tucui chaipi tandanacushcacunataca: «¡Cancunata Mandac Diosta allimari cangui nichicyari!» nirca. Shina nicpimi, tucui tandanacushcacunaca paicunapac ñaupa taitacunata Mandac Diosta alli nircacuna. Chai quipami Mandac Diospac ñaupapi, jatun mandac Davidpac ñaupapipish cungurishpa cumurircacuna.

GÉNESIS 14:20

Canta piñaccunata cambac maquipi churac, jahua pachapi causac Diosca alli nishca cachun» nirca. Chaimantami Abramca tucui quichushcacunamanta chungamanta shucta Melquisedecman curca.

SALMOS 113:1

¡Mandac Diosta serviccuna paita alabaichic! ¡Mandac Diospac shutita alabaichicyari!

EZEQUIEL 28:3

¿Canca Danielta yalli yachacchu cangui? ¿Canca mana yachaipac, imapish pacallata yachanguichu?

NEHEMÍAS 9:5

Levitapuramanta Jesúa, Cadmiel, Bani, Hasabnías, Serebías, Hodías, Sebanías, Petanías rimashpaca: “¡Cancunata Mandac Diostaca, huiñaimanta huiñaicaman, tucui alli nishcacunamanta ashtahuan jahuapi cac, paipac sumaimana jatun shutita, allimari, sumacmari cangui ningapac shayarichic!” nirca.