DANIEL 2:14 - Dios Rimashcata Quillcashcami

¹⁴ Jatun mandacta cuidaccunata mandac Arioc Babiloniapi causac yachaccunata huañuchingapac llucshicpimi, Danielca yallita yuyarishpa, mandac Arioc-huan parlangapac rirca.

DANIEL 2:14 Referans Kwoze

DANIEL 2:24

Chai quipami, Danielca jatun mandac Babiloniapi causac yachaccunata huañuchichun cachashca Ariocpacman rishpaca: —Babiloniapi causac yachaccunata ama huañuchichu. Jatun mandacpac ñaupaman ñucata pushai, pai muscushcata paiman huillashallami— nirca.

JEREMÍAS 52:14

Tucui paipac soldadocunahuanmi Jerusalén muyundi jatun pircacunataca tucui urmachirca.

JEREMÍAS 52:12

Jatun mandac Nabucodonosorca Babilonia llactata chunga iscun huata, pichca quilla, chunga punzhata mandacushpami paipac ñaupapi servishpa causac soldadocunapac mandac Nabuzaradanhuan Jerusalenman rirca.

JEREMÍAS 39:9

Soldadocunata mandac Nabuzaradanca Jerusalenpi saquirishcacunatapish, paicuna parte tucushca runacunatapish Babilonia llactamanmi aparca.

GÉNESIS 37:36

Madianitacunaca Josetaca Egiptopimi soldadocunata mandac Faraonta servic Potifarman caturca.

DANIEL 2:15

Chashna rishpa, jatun mandacta cuidaccunata mandac Arioctaca: —¿Imamantatac jatun mandacca yallita llaquichichun mandashpa quillcarcayari?— nirca. Shina huillacpimi, Ariocca imamanta mandashpa quillcashcata Danielman huillarca.