DANIEL 12:6 - Dios Rimashcata Quillcashcami

⁶ Shina shayacucpimi, lino churanata churashca jatun yacu jahuapi shayacuctaca: “Cai sumaimana ruhuanaca, ¿ima horastac tucuringayari?” nishpa tapurcani.

DANIEL 12:6 Referans Kwoze

DANIEL 8:13

Chashna ruhuacpimi, shuc jucha illac ángel caishuc angelcunaman tapucucta uyarcani. Chashna tapushpaca: “Punzhanta Diosman cushpa rupachinata muscuc shina ricunaca, ¿ima horascamantac canga? Shinallatac ¿ima punzhacamantac mana cazunapish, Diospac huasitapish, jahua pachapi ima tiyaccunatapish sarucucta muscuipi ricuc shina ricuna canga?” nirca.

EZEQUIEL 9:2

Jahua lado pungutami sucta runa macanacunata apashca shamucuctami ricurcani. Paicunapac chaupipica lino churanata churashca quillcana tintata cinturapi apashcami shamucurca. Paicuna yaicushpaca, broncemanta ruhuashca altar cuchupimi shayarirca.

DANIEL 8:16

Chai quipaca Ulai yacu chaupipi shuc runa caparishpaca: “¡Gabriel chai muscuipi shina ricurishca imata nisha nicushcata huillai!” nirca.

APOCALIPSIS 19:14

Jahua pacha soldadocunaca, chuyanlla yalli valishca yuranlla lino churanata churashcami yurac caballopi tiyarishpa paitaca catircacuna.

APOCALIPSIS 15:6

Chai Diosta mañana huasimantaca, canchis angelcunami canchis llaquicunata apashca llucshirca. Paicunaca linomanta ruhuashca jagan nicuc churanata churashca, shinallatac pechopica curimanta ruhuashca chumbita churashcami carca.

APOCALIPSIS 6:10

Chaimanta sinchita caparishpaca: «Tucuita Mandac, jucha illac Dioslla, allpa pachapi causaccunataca, ¿ima punzhacamantac ñucanchicta huañuchishcamantaca taripashpa llaquichigringuiyari?» nircacuna.

1 PEDRO 1:12

Paicuna chashna yachashun nicucpipish, Diosca pai huillachishcaca mana paicunaman cashcata, ashtahuanpish cancunapac allipac cashcatami yachachirca. Chaitatacmi jahua pachamanta shamushca, imatapish ruhuaclla Diospac Espíritu yuyaita cucpi, alli huillaita huillaccunallatac cancunaman huillarca. Cai huillashcacunataca jahua pacha angelcunapish yachanata munancunami.

EFESIOS 3:10

Cunanca jahua pachapi mandaccunapish, poderta chariccunapish tandanacushca criccuna ima shina cashcata ricushpa, Dios imatapish yachac cashcata yachachunmi, chashnaca ruhuarca.

SALMOS 74:9

Can ñucahuan cashcata ricuchic señaltapish mana ricunchicchu. Can ima nishcata huillaccunapish mana tiyanchu. Maicaman cai llaquicuna tiyanatapish ñucanchicpurapica pi mana yachanchicchu.

SAN MATEO 24:3

Olivos urcupi Jesús tiyaricpi, yachacuccuna cuchuyashpaca: —¿Ima punzhatac can huillashcaca pactangayari? Can shamunatapish, cai pacha tucurinatapish, ¿imata ricushpatac yachashunyari?— nishpa, tapurcacuna.

MARCOS 13:4

—Can huillashcaca, ¿ima punzhatac pactangayari? Chashna tucugricuctaca, ¿imata ricushpatac yachashun?— nirca.

DANIEL 12:5

Chaimantami Daniel ñucaca ishcai runacunata, shucca jatun yacu ladopi, caishucca chimba ladopi shayacucta ricurcani.

DANIEL 12:8

Shina nicta uyashpapish, chai nishcata cunan entendishpami paitaca: “Ñuca amolla, ¿ima horastac chaica pactangayari?” nishpa tapurcani.