DANIEL 11:28 - Dios Rimashcata Quillcashcami

²⁸ Jahua llactata jatun mandacca achca quichushcacunata apashpami, paipac llactaman cutinga. Jucha illac Dios-huan ari nishcata piñashpa cungachinatami munanga. Pai munashcata ruhuashpami, llaquichishpa paipac llactaman cutinga.

DANIEL 11:28 Referans Kwoze

HECHOS 3:25

Cancunaca Dios ima nishcata huillaccunata huillachishcatapish, ñaupa taitacunahuan Dios ari nishcatapish chasquiccunami canguichic. Dios Abrahamhuan ari nishpaca: “Cambac huahua huahuacunamantami tucui cai pachapi causaccunaca bendiciashca canga” nishcami.

DANIEL 11:22

Paihuan churacuc runataca yacu jundamuc shina shamushpami, paipac ñaupapi tucuchinga. Paihuan ari ninacuc runatapish tucuchingami.

DANIEL 8:24

Paica yallita sinchi cashpapish mana paipac poderhuanchu chashna sinchi canga. Paica mai llaquicunata ruhuashpapish, maipipipish alli nishca canga. Quiquin munashcata ruhuashpami, yallita sinchicunatapish, Diospaclla caccunatapish tucuchinga.

DANIEL 11:27

Chai ishcai jatun mandaccunapac yuyaica millaillatami ruhuanata munanga. Micuna mizallapitacmi llullashpa parlanga. Shina cacpipish, chai punzhacuna manarac chayamushcamantami chai parlanacushcaca yangalla canga.

DANIEL 11:29

Pai cutina punzhapimi cutinga. Shina cutishpapish mana utcapi shina mishai pudingachu.

DANIEL 8:12

Gentecuna Diosta mana cazushcamantami jahua pachapi imalla tiyaccunatapish, punzhanta Diosman cushpa rupachinatapish paipac maquipi churarca. Chashna churacpimi, cashcata ninatapish chingachishpa, pai munashcata ruhuashpa, maipipipish alli nishca carca.