DANIEL 11:25 - Dios Rimashcata Quillcashcami

²⁵ Chai mandacca cutinllatac sinchiyashpa, yallita piñarishpami, achca soldadocunata tandachishpa ura llactata mandac-huan macanacungapac shamunga. Chashna shamucpica, ura llacta mandacpish mai sinchi achca soldadocunata tandachishpami macanacungapac llucshinga. Shina llucshishpapish paipacllatac soldadocuna umacpimi, mana mishai pudinga.

DANIEL 11:25 Referans Kwoze

DANIEL 11:2

Cunanca, ñucaca chashnatac cashcatami huillagrini. Persia llactapica ashtahuan quimsa jatun mandaccuna mandangaracmi. Cutin chuscuniqui jatun mandacca paicunata yalli chayucmi canga. Paica chashna chayuc cashcamanta sinchi cashpami, Grecia llactata jatun mandac-huan macanacungapac tucuita jatarichinga.

PROVERBIOS 28:25

Chayucyanallata munac runaca piñanacuillapimi churan. Ashtahuanpish Mandac Diosta yuyarishpa causac runaca imapipish allimi causanga.

PROVERBIOS 15:18

Utca piñaric runaca piñanacuillapimi churan. Ashtahuanpish mana utca piñaric runaca piñanacuita allichinmi.

DANIEL 11:10

Chai quipaca jahua llactata jatun mandacpac churicunami yallita piñarishpa, achca soldadocunata tandachishpa macanacungapac shamunga. Chai soldadocunahuanmi yacu jundamuc shina, shamushpa tucuita tucuchishpa, cutishpaca jatun torreman yaicushpa macanacunga.

DANIEL 11:5

Ura lado llactata jatun mandacmi yallita sinchi tucunga. Shina cacpipish, pai churashca mandacmi paita atishpa ashtahuan sinchi tucushpa, pai mandacushcatapish yalli ashtahuan llactacunata mandanga.

DANIEL 11:40

Ashtahuanpish tucuri punzhacunaca ura llacta jatun mandacmi paihuan macanacungapac shamunga. Chashna shamucpimi, jahua llacta jatun mandacca carretacunahuan, caballopi ric soldadocunahuan, barcocunahuan yacu jundamuc shina macanacungapac shamunga. Chashna yacu jundamuc shina shamushpami, llactacunaman yaicushpa tucuchinga.