DANIEL 11:24 - Dios Rimashcata Quillcashcami

²⁴ Chai sumac llactapi cushilla causacucpimi, cungailla yaicushpa, paipac taitacunapish, taitacuna mana ruhuashcata ruhuashpa llaquichinga. Chashnami chaipi imata quichushcacunatapish, ima sumaccunatapish paipac soldadocunaman chaupinga. Jatun torrecunapi macanacungapac yuyaringami. Shina cashpapish asha punzhacunallatami chashna canga.

DANIEL 11:24 Referans Kwoze

SAN MATEO 9:4

Jesús paicunapac yuyaita yachashpami, paicunataca: —¿Ima nishpatac cancunaca mana allita yuyacunguichic?

DANIEL 7:25

Paica jahua pacha Diosta millaita rimashpami, jahua pachapi causac Diospaclla caccunata yallita llaquichinga. Paica fiestacunatapish, mandashcacunatapish shuctacyachisha ningami. Paipac maquipimi Diospaclla caccunataca quimsa huata chaupicaman churanga.

EZEQUIEL 38:10

Mandac Dios ñucaca: Chai punzhami cambac shungupica mana allita ruhuanata yuyaringui.

PROVERBIOS 23:7

Paica, paipac shungupi ima shina yuyaricushca shinallatac cashpami: «Micuilla, ubiailla» ninga. Shina cashpapish mana tucui shunguhuanchu chashnaca nicun.

PROVERBIOS 19:6

Alli shungu runa ayudachunca achcacunami mashcan. Imatapish carac runahuanca tucuimi apanacun.

PROVERBIOS 17:8

Cullquita pacalla cuc runamanca pacalla cushcaca magia shinami. Chashna pacalla cushpami maipipish tucui pai munashcata chasquin.

NEHEMÍAS 9:25

Muyundita pircashca pueblocunatapish, alli allpacunatapish, tucui allicunata huacaichishca, huasicunatapish japircacunami. Yacuta jundachina jutcucunatapish, uvas chagracunatapish, olivos yuracunatapish, pucuc yuracunatapish japircacunami. Can cuyashcamantami, sacsacta micushpa, huirayashpa can cuyashcamanta cushicushpa causarcacuna.

JUECES 9:4

Paicunaca Baal-berit diosta yuyarina huasi ucumantami canchis chunga cullquita japishpa curca. Chai cullquihuanmi Abimelecca imatapish mana ruhuashpa causac quilla gentecunata pusharca.

NÚMEROS 13:20

chai allpaca grano pucuc cashcata, mana cashpaca mana pucuc cashcata, yuracuna tiyashcata, mana tiyac cashcata ricunguichic. Chai llactapi pucushcata mana manchashpa apamunguichiclla» nirca. Chai punzhacunaca punta pucushca uvasta pallana punzhacunami carca.

EZEQUIEL 34:14

Alli quihuapimi michisha. Israelpi tiyac jatun urcu sumac quihuapimi puringa. Chaipimi sumac michina pambapi samaringa, sumac quihuatami micunga.

DANIEL 11:23

Paihuan ari nishca cashpapish umangami. Chashna umashpami ashalla soldadocunahuan huichai rishpa mishashpa cutinga.