DANIEL 10:12 - Dios Rimashcata Quillcashcami

¹² Shina shayaricpimi paica: “Daniel ama manchaichu. Chaicunata tucui shunguhuan yachacusha nishpa, Mandac Diospac ñaupapi cumurishpa mañashca punzhamanta pachami can mañashcataca uyashca. Can mañashcamantami ñucata cacharca.

DANIEL 10:12 Referans Kwoze

DANIEL 10:19

Chai quipami paica: “Canca yallita cuyashcami cangui, ama manchaichu. Cushi causaitami causangui. Canca fuerzata japishpa sinchicuilla” nirca. Pai chashna nicucllapitacmi sinchiyarcani. Chashna cashpami: “Ñuca amolla, ñucata sinchiyachishcanguimi, cunanca rimailla” nircani.

ISAÍAS 58:9

Shinallatac cancuna ñucata mañacpica, uyashami. Cancuna caparicpica ñucaca: “¡Caipimi cani!” nishami. Cancuna shuccunamanta yugota anchuchic shina, llaquichinata saquicpi, dedohuan ricuchishpa, juchanchinata saquicpi,

SAN MATEO 28:5

Angelca huarmicunataca: «Ama mancharichicchu. Cruzpi chacatashca Jesusta mashcacushcataca yachanimi.

ISAÍAS 65:24

Manarac cayacpimi, ñucaca uyasha. Paicuna rimaricucllapitacmi ñucaca uyasha.

ISAÍAS 41:10

Ñucaca cancunahuanmi cani. Chaimanta ama manchaichicchu. Ñucaca cancunapac Diosmi cani. Chaimanta ama manchaichicchu. Ñucaca cashcata ruhuashpami cancunapac tucui causaipi ayudasha.

ISAÍAS 41:14

Israelcunapac jucha illac quishpichic Mandac Diosmi caitapish nini: Curucuna shina ashalla Jacobopac huahua huahuacunapish, curucuna shina ashalla israelcunapish ama manchaichicchu. Ñucaca cancunata ayudac Diosmi cani.

ISAÍAS 35:4

Manchaihuan causaccunataca: «¡Sinchiyaichic, ama manchaichicchu! Mandac Diosmi cancunata piñaccunata llaquichingapac shamunga. Paillatacmi quishpichingapac shamunga» ninguichic.

SAN LUCAS 24:38

Chaimantami Jesusca: —¿Ima nishpatac mancharicunguichic? ¿Ima nishpatac cancunapac shungupi caita chaita yuyacunguichic?

LEVÍTICO 16:31

Chai punzhaca samarishpa, tucui shunguhuan llaquirina punzhami canga. Cai mandashcacunaca huiñaita chashnatac ruhuana mandashcami.

LEVÍTICO 16:29

Caicunaca huiñaita ruhuachun mandashcami canga. Canchis quilla chunga punzhapica cancunapish, shuctac cancunahuan causaccunapish imata mana ruhuashpami llaquirishpa samarina canguichic.

APOCALIPSIS 1:17

Chaita ricushpaca, huañushca shinami paipac chaqui pambaman urmarcani. Shina cacpipish paipac alli maquita ñuca jahuapi churashpaca: «Ama mancharichu. Ñucami callarichicpish, tucuchicpish cani.

HECHOS 27:24

Chai angelmi ñucataca: “Pablo, ama manchaichu. Canca Roma llactata jatun mandac Cesarpacman chayanguimi. Canmantami tucui canhuan riccunatapish huañuimanta quishpichisha” nirca.

SALMOS 69:10

Mana micushpa tucui shunguhuan canta mañashcamantami rimashpa pingaichincuna.

SAN LUCAS 2:10

Chaimantami angelca: —Ama mancharichicchu. Cancunaman alli huillaita huillangapacmi shamuni. Caita uyashpaca, tucuimi yallita cushicunga.

SAN LUCAS 1:30

Chashna yuyacucpimi angelca: —María, ama mancharichu. Cantaca Diosmi cuyashpa acllashca.

SAN LUCAS 1:13

Ashtahuanpish angelca: —Zacarías, Diosca can mañashcata uyashcami. Ama mancharichu. Cambac huarmi Elisabetca cari huahuatami charinga. Chai huahuataca Juantami shutichingui.

MARCOS 16:6

Ashtahuanpish chai mosoca: —Ama mancharichicchu. Cancunaca Nazaret pueblomanta cruzpi chacatashca Jesustami mashcacunguichic. Paica ña causarircami, mana caipichu. Maipi paita churashcapi ricuichic.

SAN MATEO 28:10

Chashna ruhuacpica Jesusca: —Ama mancharichicchu. Cunanca, Galilea llactapi ñucata ricugrichun ñucata catic huauquicunaman huillagrichic. Chaipimi ñucata ricunguichic ninmi nigrichic— nirca.

DANIEL 10:11

Shina ruhuashpaca: “Yallita cuyashca Daniel, ñuca rimashcata alli uyangui. Cunanmi canta ricuchun cacharca. Chaimanta shayari” nirca. Pai ñucahuan rimacucllapitacmi ñucaca chucchushpa shayarircani.

NÚMEROS 29:7

Canchis quilla, chunga punzhapica ñucapaclla tandanacuita ruhuashpami, shungupi llaquirina canguichic. Chai punzhapica ama ima trabajota ruhuanguichicchu.