DANIEL 1:8 - Dios Rimashcata Quillcashcami

⁸ Danielca jatun mandacpac micunatapish, pai ubiana vinotapish micushpa, ubiashpa mapayanatami paipac shungupi mancharca. Chaimantami mandana huasipi serviccunata mandactaca: “Caita micushpaca mapayashunmi, cai micunata micuchun ama mandaichu” nirca.

DANIEL 1:8 Referans Kwoze

SALMOS 141:4

Ñuca shungu mana allicunata yuyarichun ama saquichu. Millaita ruhuaccunahuan tandarishpa millaita ruhuachunpish ama saquichu. Paicunapac jatun mizapi cushicuchunpish ama saquichu.

1 CORINTIOS 7:37

Shina cashpapish maijan soltera paipac shungupi munashca shina, mana cazaranaca allimi nishpa yuyashpaca allitami ruhuan.

SALMOS 119:115

Millai runacuna, ñucamanta anchurichic. Ñucaca, ñuca Dios mandashcacunatami pactachisha nini.

SALMOS 119:106

Imatapish cashcata ruhuangapacca can mandashcacunataca pactachishatacmi nishpami ari nircani.

DANIEL 1:5

Jatun mandacca punzhantami paipac micunata, pai ubiana vinota paicunaman carachun cacharca. Shinallatac quimsa huatata yachacushpa paita servichunmi mandarca.

HECHOS 11:23

Bernabé chaiman chayashpaca, Diosca yallita cuyashpa, quishpichishcata ricushpami cushicurca. Tucui criccunatami Apunchic Jesusllata tucui shunguhuan cazuchun rimarca.

2 CORINTIOS 9:7

Mana misarishpa, mana mandashcallamanta, ashtahuanpish quiquin shunguhuan yuyarishca shinami cuna can. Cushicuihuan cuctami Diosca cuyan.

DEUTERONOMIO 32:38

¿Maipitac cancuna animalcunata rupachishpa cushca huirata chasquic, cancuna cushca vinota ubiac diosca?” ninga. ¡Chai dioscuna jatarishpa ayudangapac, cancunata misangapac shamuchunyari!

SALMOS 106:28

Paicunaca Baal-peor yanga diosta caticcunahuan tandanacushpami, huañushcacunaman rupachishpa cushca animal aichata micurcacuna.

1 REYES 5:5

Shina cashcamanta ñucami ñucata Mandac Diospac shutipi mañana huasita shayachinata yuyarircani. Mandac Diosmi ñuca taita Davidtaca: “Can mandashpa causacushcapica cambac churitami cambac randi churasha. Paimi ñuca shutipi mañana huasitaca shayachinga” nishca carca.

HECHOS 15:20

Chaipac randica, paicunataca ruhuashcalla dioscunaman ima cushcatapish, yahuartapish, sipishpa huañuchishca aichatapish ama micuchun, shinallatac ama huacllirichun, cunashpa, quillcashpa cachashunchic.

PROVERBIOS 23:3

Chai mandacpac sumac micunataca ama yallita munanguichu. Chaicunaca pandachiclla micunami.

DANIEL 5:4

Chashna ubiashpami curimanta, cullquimanta, fierromanta, rumimanta, caspimanta ruhuashca dioscunata alabarca.