Biblia Todo Logo
Bib sou entènèt

- Piblisite -




DANIEL 1:17 - Dios Rimashcata Quillcashcami

17 Diosmi chai chuscu mosocunataca alli yachaita, tucuilaya quillcanata yachachirca. Danielca muscuipi shina ricurishcatapish, muscushcatapish alli yachacmi carca.

Gade chapit la Kopi




DANIEL 1:17
36 Referans Kwoze  

Cancunapuramanta maijanpish yachaita mana charishpaca, Diosta mañaichic, paica cungallami. Diosca pimanpish mana misarishpami, tucui mañaccunamanca achcata cunga.


Riqui, cunanca can mañashca shinallatacmi ruhuasha. Riqui, alli entendic alli yuyaita charic shungutami canman curcani. Chashna alli yuyaita charic runaca cambac ñaupapish, mana tiyarcachu. Cambac quipapish, can shinaca mana tiyangachu.


Canmi huatacunatapish, punzhacunatapish shuctaclayata ruhuangui. Canmi jatun mandaccunatapish churangui, shinallatac llucchingui. Alli yachaccunamanca alli yachaita, yuyaisapacunamanca alli yuyaitami cungui.


Runataca paipi tiyac espiritumi yachachin. Tucuita ruhuac Diospac samaimi alli yuyaita cun.


Ñucanchic taitacunapac Dioslla, cantami alli nini. Canmi alli yachaita cushpa sinchiyachishcangui. Cunanmi ñucanchic mañashcata uyashpa, jatun mandac tapushcata ñucanchicman ricuchingui» nirca.


Chaimantami ñucanchicca yachac chayashca punzhamanta pacha, Dios munashcata cancuna allita ricsichun, paipac Espíritu cancunaman yuyaita cushpa allita yachachichun cancunamanta mañacunchiclla.


Mandac Diosmi alli yachaitaca cun. Paipac shimimi allita yachachin, allita entendichin.


Ashtahuanpish Diospac Espíritu yuyaita cushpa, Estebanta rimachicpimi, chai runacunaca mana ati pudircacuna.


Jahua pachapi sumac achiccunata ruhuac Diosmantami, ima allita ruhuana yuyaipish, cashcata ruhuana yuyaipish shamun. Paica mana shuctacyanchu, llandu shinapish mana tucunchu.


Shinami Moisesca Egipto llactapi ima yachanacunatapish alli yachachishca huiñarca. Chaimantami rimangapacpish, imata ruhuangapacpish alli yachac carca.


Persia llactata jatun mandac Ciro quimsa huatata mandacucpimi Beltesasar nishca Danielman caicunata huillarca. Chai huillashcaca llaqui shamunamanta mana llullashpa huillashcami carca. Danielca chai huillashcata allita uyashpami, muscuipi shina ricurishca imata nisha nicushcata alli entendirca.


¿Canca Danielta yalli yachacchu cangui? ¿Canca mana yachaipac, imapish pacallata yachanguichu?


Zacarías causacui punzhacunapica Zacarías Diosta manchanata allita yachachishcamantami Uziasca Mandac Diosta servishpa causarca. Usaías Mandac Diosta servishpa causai punzhacunapica tucuimi alli llucshirca.


Mandac Diosca: «Cunanca, ñuca rimashcata uyaichic. Cancunapuramanta maijan shuc ñucamanta huillac tiyacpica, muscuipi shina ricurishpami parlasha.


Diosca tucui llaquimantami Josetaca cuidarca. Shinallatac Egipto llactata jatun mandacpac ñaupapi alli cachunpish, alli yuyaitami curca. Chaimantami chai jatun mandacca paipac huasipipish, tucui Egipto llactapipish mandachun churarca.


Jatun mandac Belsasar Babilonia llactata mandai callari huatami Danielca camapi sueñucushpa, shuc muscuita muscurca. Paipac yuyaipish muscuipi shinami imacunata ricurca. Chaimanta riccharishpami, maijan yuyaicunallata quillcarca.


Chashna huillacpimi, pi mana huillai pudishcata Danielman tuta muscuipi shina ricuchirca. Chaimantami Danielca jahua pacha Diosta alli nishpaca:


Ñucallatacmi cancunamanca rimana alli yuyaicunatapish cusha. Chashna allita rimacpica, cancunata piñaccunaca mana imata ni pudishpa, upalla saquiringallami.


Tarpuc runataca paipac Diosmi allita ruhuanata yachachicun.


Diosca, paipac ñaupapi alli causac runallamanmi alli yuyaita, alli yachaita, cushicuita cun. Ashtahuanpish juchayuc runamanca charishca jahuapish, ashtahuan tandachichunmi cun. Chai huacaichishcacunataca Diospac ñaupapi alli causac runaman cungapacmi chashnaca cun. Chaicunapish huairata caticuc shina yangallami.


Cunanca, cai tucui gentecunata mandai callaringapacca, alli yuyaitapish, yachaitapish cuiyari. Cambac cai tucui achca gentecunataca, ¿pitac mandangayari?— nirca.


Chai piñanacuita jatun mandac allichishcataca tucui israelcunami yacharca. Dios cushca alli yuyaihuan imatapish allichishcata yachac chayashpami Salomontaca tucui mashna cazurcacuna.


Jatun mandac Belsasar quimsa huatata mandacucpimi, Daniel ñucaca utcapi ricushca shinata cutin muscuipi shina ricurcani.


Cantaca jucha illac diospac espirituyuc cashcatami uyani. Shinallatac cantaca luz achicyachic shina allita yachac, allita entendic cashcatami uyani.


Chaimantami alli yuyaitapish, yachaitapish canman cuni. Shinallatac chayuc canatapish, ima charinacunatapish, alli nishca canatapish cunimi. Caitaca cambac punta jatun mandaccunaca pipish mana charishcachu, cambac quipa jatun mandaccunapish, manallatac charingachu— nirca.


Shinallatac mana ima tucushca, sumac ñahui, imatapish allita yachac, alli yuyaiyuc mosocunatami mandana huasipi paita servishpa causaccunata quillcanatapish, caldeocunapac rimaitapish yachachichun cayac cacharca.


Chai mosocunata jatun mandacpac ñaupaman pushamuchun nishca punzhami pactarca. Chaimantami mandana huasipi serviccunata mandacca Nabucodonosorpac ñaupaman chai mosocunata pushamurca.


Tucui alli yachacushcata, alli yuyaiyuc cashcata jatun mandac yachashpaca, pai mandacuc llactapi tiyac tucui yachaccunatapish, lucerota ricushpa yachacuccunatapish chunga cutinhuan yalli yachac cashcatami ricurca.


Chai mana yachashcataca ñucamanmi ricuchirca. Chaica, mana ñuca tucui gentecunata atishpa yachashcamantachu ñucaman ricuchirca. Ashtahuanpish can muscushca imata nisha nicushcata, cambac shungu imata yuyacushcata huillachunllami ñucaman ricuchirca.


Chaimantami chai muscushca imata nisha nicushca huillachun Babilonia llactapi causac tucui yachaccunata pushamuchun mandarcani.


Swiv nou:

Piblisite


Piblisite