COLOSENSES 4:2 - Dios Rimashcata Quillcashcami

² Diosta mañashpa, paita pagui nicuichiclla.

Nuevo Testamento en Quichua Cañar 1996

² Cancuna Taita Diosta pagui nishpami, riccharishca shina punzhanta mañacunalla canguichic.

COLOSENSES 4:2 Referans Kwoze

FILIPENSES 4:6

Ama imamanta llaquiricuichicchu. Ashtahuanpish Diosta mañacushpaca, tucuita paiman huillashpa, imamantapish pagui nicuichiclla.

EFESIOS 6:18

Diosta mañanataca ama saquichicchu. Diospac Espíritu yuyaita cushca shina mañaraichic. Mana quillanayachishpa chaparacuichic. Shinallatac Diospaclla cac tucui criccunamanta punzhanta Diosta mañaichic.

ROMANOS 12:12

Apunchic Jesusta shuyacushpaca, cushicushpa causaichic. Apunchic Jesusmanta llaquita apacushpaca, ama piñarichicchu. Diosta mañanataca ama saquichicchu.

SAN MATEO 26:41

Mana pandachishca cangapacca, Diosta mañashpa chaparacuichic. Cancunapac yuyaica sinchimi, ashtahuanpish cancunapac cuerpomi shaicushca— nirca.

SAN LUCAS 18:1

Diosta punzhanta mana shaicushpa mañanamanta Jesús chimbapurashpa, parlashpaca:

SAN LUCAS 21:36

Chaimanta cancunaca allichirishca, ña rinalla shinami cana canguichic. Chai tucui llaquimanta quishpiringapacca, Runa Tucungapac shamushca ñucapac ñaupapi alli ricuringapac Diosta mañaracuichic» nirca.

SALMOS 109:4

Paicunata ñuca cuyacpipish ñucataca piñarcacunami. Ashtahuanpish cantami mañarcani.

1 PEDRO 4:7

Tucui ima tiyashcacuna tucurina punzhaca ña chayamucunmi. Chaimanta cancunaca alli yuyaihuan mana shaicushpa, Diosta mañaracuichiclla.

COLOSENSES 1:9

Chaimantami ñucanchicca yachac chayashca punzhamanta pacha, Dios munashcata cancuna allita ricsichun, paipac Espíritu cancunaman yuyaita cushpa allita yachachichun cancunamanta mañacunchiclla.

MARCOS 13:33

Ñuca ima horas cutimunata mana yachashcamantaca, alli yuyaihuan riccharishca shina Diosta mañashpa chaparacuichic.

COLOSENSES 3:17

Imata ruhuashpapish, imata parlashpapish, Apunchic Jesuspac shutipimi ruhuana canguichic. Paimantami Diostaca pagui nina canguichic.

COLOSENSES 2:7

Cancuna ima shinami yachacurcanguichic, chai shinallatac yura sapiyashca shina Jesusta crishpa, ashtahuan sinchiyashpa, achcata pagui nicuichiclla.

COLOSENSES 4:12

Jesucristopacta ruhuac, cancunapuramanta Epafraspish “allilla cashca cachun” nishpami cachan. Cancuna alli catishpa, tucui shunguhuan Diospac munaita alli yachashpa, Diospacta ruhuachunmi, punzhanta Diosta mañacunlla.

1 SAMUEL 12:23

Ñucamanta nishpaca, cancunamanta Mandac Diosta mañanata saquishpa juchallichunca Dios ama munachun. Ashtahuanpish cancunataca allita purichun, sumacta causachun yachachishallami.

COLOSENSES 3:15

Cristollatac cancunapac shungupica, apanacushpa causana yuyaita cushca cachun. Chai shina apanacushpa causachunmi, Diosca cancunata acllashpa, shuc cuerpo shinallatac ruhuarca. Chaimantami paita pagui nina canguichic.

JOB 15:4

Diosta manchanatapish yangalla cashcatami ruhuangui. Diospac ñaupapi mañanatapish mana valichinguichu.

HECHOS 1:14

Tucui paicunami shuc yuyailla Diosta mañacurca. Jesuspac huauquicunapish, paipac mama Mariapish, caishuc huarmicunapishmi chaipi carca.

1 SAMUEL 1:12

Mandac Diospac ñaupapi Ana ña unaita mañacucpimi, Elica paipac shimita ricucurca.