COLOSENSES 3:8 - Dios Rimashcata Quillcashcami

⁸ Ashtahuanpish cunanca piñanacunata, mana allita ruhuana yuyailla purinata, millai canata, caminata, shinallatac maipish cachun rimanata saquinami canguichic.

Nuevo Testamento en Quichua Cañar 1996

⁸ Ashtahuanpish cunanca p'iñanacunata, mana allita ruhuana yuyailla purinata, millai canata, c'aminata, shinallatac maipish cachun rimanata saquinami canguichic.

COLOSENSES 3:8 Referans Kwoze

EFESIOS 4:29

Imapish mana alli rimaicunata ama rimashpa, ashtahuanpish yuyaita cuc rimaicunallatac rimaichic. Chashna rimacta uyashpami, shuccunapish yuyaita japingacuna.

EFESIOS 4:22

Chaimantami cancunaca ñaupa ima shina causacushcataca saquina canguichic. Chai yuyaicunaca cancunata pandachishpa, mana allillata ruhuachishpami, ismuchic shina tucuchicurca.

EFESIOS 5:4

Pinganayaipac, millai shimicunatapish, asichic mapa parlocunatapish ama rimarichicchu. Chaicunata rimarinapac randica, Diosta mañashpa pagui ninami alli.

COLOSENSES 3:5

Cai pachapi imapish jucha munashcata ruhuangapacca, huañushca shinami cana canguichic. Chaimanta ama huainayaichicchu, imapish mapacunata, imapish mana canacunata ama ruhuaichicchu, ama millaita ruhuana yuyailla caichicchu, shinallatac ama imatapish charina yuyailla caichicchu. Chai yuyailla cashpaca, ruhuashcalla diosta alli nic shinami canguichic.

EFESIOS 4:26

Imamanta piñarishpapish, ama juchallichicchu. Piñarishpapish, ama tucui punzha piñashcalla caichicchu.

HEBREOS 12:1

Chaimanta ñucanchic muyundipi crinamanta huillaccuna puyu shina tiyashcamantaca, ima jarcaccunatapish, pandachic juchacunatapish saquishpa, ñucanchic chayana cashcaman cushicushpa rishunchiclla.

PROVERBIOS 29:22

Jahualla piñaric runaca piñanacuillapimi churan. Yallita piñaric runaca yalli juchacunatami ruhuan.

COLOSENSES 3:9

Jucha munashcata ruhuashpa, ñaupa ima shina causacushcata saquishcamantaca, caishuc chaishuc-huan ama llullanacuichicchu.

1 PEDRO 2:1

Chaimanta tucuilaya millaicunatapish, llullashpa crichinatapish, shuccuna shina casha ninatapish, mishqui shimi canatapish, shinallatac tucuilaya mana allita parlanacunatapish saquishpa,

2 CORINTIOS 12:20

Ñuca ricungapac rishpaca, cancuna mana ñuca munashca shina tupana cashcata, shinallatac ñucapish mana cancuna munashca shina chayana cashcatami manchani. Cancuna chicanyarinacushpa, envidianacushpa, piñanacushpa, maldicianacushpa, huashalla parlanacushpa, caminacushpa, jatun tucushpa shinallatac maipish cachun causashpa puricuctami manchani.

1 CORINTIOS 3:3

Cancunaca cai pacha jucha munashca shina causacushcamantami, rimanacunguichic, piñanacunguichic shinallatac raquirinacunguichic. Chashna ruhuashpaca, chairac cai pacha jucha munashca shina causacushcamantami ruhuacunguichic.

SAN MATEO 5:22

Ashtahuanpish ñucaca: Maijanpish piñactaca, juezpacman apashpa llaquichishcami canga. Maijanpish muspa nictaca, mandaccunapura tandanacushcapacman apashpa, llaquichishcami canga. Maijanpish imatapish rimactaca, ucu pacha ninaman shitana nishcami canga ninimi.

SALMOS 37:8

Yallita piñarinata cungaringui. Chai piñarina yuyaita saquingui. Mana allita ruhuanataca amatac munanguichu.

GÁLATAS 5:15

Cancunaca piñanacushpa, caishuc chaishuc llaquichinacushpaca chingaringuichicmi.

ROMANOS 13:13

Punzhapi puricuc shina, allita ruhuashpa causashunchic. Ama yalli micunallata, ubianallata munashunchic, ama huainayashunchic, ama piñanacuipi churashunchic, ama mana allicunata ruhuashunchic.

PROVERBIOS 17:14

Piñanacuita callarichic runaca jatun yacutami cacharin. Piñanacui manarac callaricpi anchuringui.

SAN JUDAS 1:8

Chai shinallatacmi chai llullashpa yachachiccunaca “muscunchicmi” nishpa, caishuccunata pandachishpa, paicunallatac mapayashpa, Mandac Diostapish mana cazushpa, jahua pacha jatun mandaccunatapish mana alli nishpa, rimashpa camincuna.

2 PEDRO 2:18

Paicunaca yanga mapa rimaicunallatac caparishpa rimashpami, quiquin munashca mapacunata ruhuashpa, mana alli causaccunapuramanta cunanlla anchurishcacunataca cutin pandachincuna.

SANTIAGO 2:7

¿Manachu paicunallatac cancuna alli nina shutitapish mana allichu nishpa rimancuna?

1 TIMOTEO 1:20

Chaicunaca Himeneo shinallatac Alejandromi chashna tucurcacuna. Paicunatami Diosta ama camishpa catichun nishpa, Satanasman curcani.

1 TIMOTEO 1:13

Ñaupaca criccunata llaquichishpa, Jesusta piñashpa camicmi carcani. Shina cacpipish manarac cric cashpa, imata ruhuacushcata mana yachashcamantami, Diosca ñucata llaquirca.

GÁLATAS 5:26

Ñucanchicpurapica ama jatun tucushun, ama shuccunahuan piñanacushun, shinallatac shuccuna charishcata ama munashunchic.

GÁLATAS 5:20

ruhuashcalla dioscunata adoraccunami, brujocunami, pitapish mana allichu nishpa piñaccunami, macanacuccunami, celaccunami, imamantapish jahualla piñariccunami, piñanacuipi churaccunami, gentecunata chicanyachiccunami, ñucanchiclla cashun niccunami,

MARCOS 7:22

shuhuancuna, charicyanata munancuna, pitapish llaquichincuna, umancuna, mana pingancuna, envidiancuna, llullancuna, jatun tucuncuna, yuyai illac tucuncuna.

APOCALIPSIS 16:9

Chaipica, tucui gentecunami ruparca. Shina cacpipish, Diosman cutirishpa, paita alli ninataca mana munarcacunachu, ashtahuanpish chai llaquicunatapish anchuchiclla Diostaca camishpami rimarcacuna.

PROVERBIOS 19:19

Yallita piñaric runaca llaquimi tucunga. Paita ayudacpica, ashtahuan millaita ruhuashpami catinga.

SAN JUDAS 1:13

Paicunapac pinganayaita mana allita ruhuashcacunaca, mama cuchata huaira caiman chaiman shitacpi, puscuta shitashca shinami can. Lucerocuna ñanta chingachishca shinami cancuna. Paicunamanca yallita amsa pachami huiñaicaman huacaichishca tiyacun.

2 PEDRO 2:7

Shina cashpapish millaita ruhuashpa causac gentecunata ricushpa, llaquirishpa cashcata ruhuashpa causac Lotllatami quishpichirca.

EFESIOS 4:25

Tucui criccuna shuc shinalla cashcamantaca ña ama ashtahuan llullashpa, caishuc chaishuc-huan imapish cashcallatac nichic.