COLOSENSES 3:5 - Dios Rimashcata Quillcashcami

⁵ Cai pachapi imapish jucha munashcata ruhuangapacca, huañushca shinami cana canguichic. Chaimanta ama huainayaichicchu, imapish mapacunata, imapish mana canacunata ama ruhuaichicchu, ama millaita ruhuana yuyailla caichicchu, shinallatac ama imatapish charina yuyailla caichicchu. Chai yuyailla cashpaca, ruhuashcalla diosta alli nic shinami canguichic.

Nuevo Testamento en Quichua Cañar 1996

⁵ Cai pachapi imapish jucha munashcata ruhuangapacca, huañushca shinami cana canguichic. Chaimanta ama huacllirichicchu, manapish caipaccunata ama ruhuaichicchu, ama huacllirina yuyailla caichicchu, ama millaita ruhuana yuyailla caichicchu, shinallatac ama imatapish charina yuyailla caichicchu. Chai yuyailla cashpaca, ruhuashcalla diosta alli nic shinami canguichic.

COLOSENSES 3:5 Referans Kwoze

ROMANOS 8:13

Chashna causacushpaca huañunguichicmi. Ashtahuanpish Diospac Espíritu munashca shina causashpaca, jucha munaita chingachishpa causanguichicmi.

GÁLATAS 5:24

Maijanpish Cristohuan caccunaca cai pacha jucha munaicunandi, imapish mana alli yuyaicunandimi chacatashca shina causacun.

ROMANOS 6:13

Ama cancunapac cuerpo ima mana allicunata ruhuachun saquinguichicchu. Chaipac randica huañushcacunapuramanta causarishca shina, Diospacllata ruhuachun paillaman cuichic. Cancunapac cuerpotaca Diospacta ruhuachun saquichic.

1 PEDRO 2:11

Cuyashca criccuna, cancunaca caru llactamanta shamushpa, causac shinallami cai pachapica canguichic. Shina cashcamanta cancunapac almahuan macanacucuc jucha munaicunamantaca huacaichiringuichic ninimi.

1 CORINTIOS 6:18

Huainayanamanta anchurichic. Maijanpish ima shuctac juchata ruhuashpaca, mana paipac cuerpota ima ruhuanchu, ashtahuanpish huainayacmi, paipac cuerpota mapayachin.

EFESIOS 4:19

Paicunaca mana pingaccuna cashpami, ima mana allita ruhuashpapish, mana jarcarishpa ruhuancunalla.

2 CORINTIOS 12:21

Ñuca quipata ricugricpica, cancuna ima mana allita ruhuashcata ñuca Dios ricuchishpa, pingaipi churana cashcatami manchani. Cancunapuramanta achcacuna utcamanta pacha mana allita ruhuashpa, huacllirishpa, imapish shuctac mana alli munaicunata ruhuashpa, Diosman mana cutirishcamanta yallita huacana cashcatami manchani.

APOCALIPSIS 21:8

Ashtahuanpish manchaccunaca, mana criccunaca, millaicunaca, huañuchiccunaca, huainayaccunaca, brujiaccunaca, ruhuashcalla dioscunata adoraccunaca, shinallatac tucui llullaccunaca azufrehuan rupacuc nina cuchapimi shitashca canga. Chaica quipa huañuimi can» nirca.

ROMANOS 7:23

Ñuca cuerpopi tiyac munai, ñuca yuyai allita ruhuasha nicucpi, jarcac cashcatami yachac chayani. Chai munaimi juchapi huatashca shina charicun.

SAN MATEO 15:19

Shungumantami millai yuyaicuna llucshin. Chaimantami huañuchincuna, huainayancuna, ima millaita ruhuancuna, shuhuancuna, llullancuna, millaita rimancuna.

APOCALIPSIS 22:15

Shina cacpipish mana allita ruhuaccunaca, brujiaccunaca, huaclliriccunaca, huañuchiccunaca, ruhuashcalla dioscunata adoraccunaca, shinallatac llullanata munashcamanta llullashpa causaccunaca canzhapimi saquiringa.

SANTIAGO 4:1

Cancunapuraca, ¿ima nishpatac macanacunguichic, piñanacunguichic? Cancunapac shungupi millai munaicuna tiyashpa, caita chaita yuyachicucpimi, chashnaca ruhuanguichic.

1 CORINTIOS 6:13

Maijanca: “Micunaca huicsapacmi, cutin huicsaca micungapacmi can” ningachari. Chashna cashpapish Diosca micunatapish, huicsatapish chingachingami. Cuerpoca mana huainayangapacchu, ashtahuanpish Apunchic Jesusta servingapacmi, Apunchic Jesusca cuerpopacmi can.

ROMANOS 6:6

Ñaupa causacushca Cristohuan pacta chacatarishca cashcataca yachanchicmi. Chaica, juchata ruhuana munai ama atichunmi, chai juchacunataca chingachishpa, Cristohuan chacatarishca shina canchic.

HEBREOS 13:4

Tucuimi cazado causaica, valishca cashcata yuyana can. Ama huainayaichicchu. Huainayaccunatapish, huaclliccunatapish Diosca taripashpa llaquichingami.

HEBREOS 12:16

Esaú shina, ama cancunapurapi pipish huainayac tiyachun. Pipish Diosta ama yangapi churachun. Esauca punta churi japina cashcatami plato micunallahuan cambiarca.

1 TESALONICENSES 4:3

Diosca jucha illac causachunmi munan. Ama huainayachun,

1 CORINTIOS 5:1

Cancunapuramanta maijanca lamamahuan shina, quiquin huarmihuan causacuctami yachac chayarcani. Chai shina millai juchataca Diosta mana ricsiccunapish mana ruhuanchu.

ROMANOS 7:5

Ñucanchic shungupi juchata ruhuana munai yaicucpica, mandashcacunami millaita ruhuachishpa, huañuiman aparca.

ROMANOS 1:29

Chaimantami millaita ruhuana yuyailla cancuna. Mapacunallata ruhuancuna, envidiancuna, huañuchincuna, piñanacuncuna, llullancuna, huashalla rimanacuncuna, tucui imapish millaita ruhuancuna.

ROMANOS 1:26

Chaimantami Diosca pingaipac juchacunata ruhuachun saquirca. Shina saquicpimi, huarmicunaca carihuan chayarinata saquishpa, huarmipura chayarinacurca.

1 TESALONICENSES 4:5

Diosta mana cazuccuna shina mapa yuyaicunallahuan ama causachunmi munan.

1 CORINTIOS 6:11

Ñaupaca cancunapuramanta maijancunaca chashna ruhuaccunami carcanguichic. Ashtahuanpish cunanca ñucanchic Diospac Espiritumanta, Apunchic Jesucristomantami juchacunata perdonashpa chuyayachishca, Diospaclla chicanyachishca, paihuan alli tucuchun chasquishcacuna canguichic.

COLOSENSES 2:11

Cancunaca Cristohuan shuclla tucushcamantaca, mana gentecunalla circuncisionta ruhuashca shinachu canguichic, ashtahuanpish cai pacha jucha munashcata mana ruhuangapacmi, Cristota crishcamanta circuncisionta ruhuashca shina canguichic.

1 TIMOTEO 6:10

Yallimana cullquita charina munaica tucuilaya millaicunapimi urmachin. Maijancunaca cullquita charinata yallita munashpami crinatapish saquishpa, tauca llaquicunatapish aparcacuna.

HEBREOS 13:5

Diosca: «Mana saquishachu, manatac cungarishachu» nishcami. Chaimanta cancunaca charishcallahuan cushi caichic. Ama chayucyana yuyailla caichicchu.

ÉXODO 37:22

Manzanacunapish, maquicunapish candeleropica shucllata ruhuashcami carca. Tucui chaicunataca martillohuan alli curita huactashpami ruhuarca.