COLOSENSES 3:4 - Dios Rimashcata Quillcashcami

⁴ Cristollamantami cancunaca causaita charinguichic. Chaimanta pai cutimucpica, cancunaca paihuanmi pai shinallatac sumaimana ricuringuichic.

Nuevo Testamento en Quichua Cañar 1996

⁴ Cristollamantami cancunaca causaita charinguichic. Chaimanta pai cutimucpica, cancunaca paihuanmi pai shinallatac sumaimana ricuringuichic.

COLOSENSES 3:4 Referans Kwoze

SAN JUAN 11:25

Shina nicpimi Jesusca: —Ñucami causaita cucpish, huañushcacunata causachicpish cani. Ñucata cricca huañushpapish causaringami.

1 JUAN 3:2

Cuyashca huauquicuna, ñucanchicca ña Diospac huahuacunami canchic. Shamuc punzhapi ima shinami ñucanchic cana cashcataca manarac yachanchicchu. Shina cashpapish Jesucristo ricuricpica, pai shina cana cashcatami yachanchic. Paitaca pai ima shina cashcatami ricushun.

GÁLATAS 2:20

Ñucaca Cristohuanmi chacatashca shina cani. Ña mana ñucallachu causacuni, ashtahuanpish Cristomi ñucapica causacun. Cunan aichapi causacushpapish Diospac Churita crishpami causani. Paica ñucata cuyashpami, ñucamanta huañurca.

1 PEDRO 1:13

Chaimanta caicunata yachashpaca, allichirishpa alli yuyaihuan causaichic. Jesucristo cutimui punzha Dios paipac sumaimana cuyaimanta ñucanchic japina cashcata cucpi japingapac cushicushpa shuyacuichic.

FILIPENSES 3:21

Apunchic Jesucristo imatapish ruhuaclla cashcamantami, pai nicpica imapish ruhuarinlla. Chashna cashcamantami ñucanchic ismuclla aichatapish, paipac cuerpo shina sumacta ruhuanga.

SAN JUAN 17:24

Taitalla, cai pacha manarac tiyacpimi, ñucataca cuyashcangui. Chaimantami can cushcacunaca ñuca maipimi cani, paicunapish chaipi cachun munani. Chaipi cashpami ñuca jatunyachishca cashcata ricunga.

1 PEDRO 5:4

Chashna cashpami michiccunata Jatun Michic shamucpica, jaicapi mana chingaric, sumaimana coronata cancunaca japinguichic.

1 JUAN 2:28

Cuyashca huahuacuna, shinashpaca Jesucristo ricuricpi mana manchashpa ñahui ñahui ricuringapacca, paihuan shuclla causaichic. Chashna causashpami pai cutin shamucpica, paipac ñaupapi mana pingashpa tupashun.

HEBREOS 9:28

Apunchic Jesusca achca gentecunapac juchacunata pichangapacmi, shuc cutinlla pai quiquinllatac huañurca. Quipataca ña mana juchacunata anchuchingapacchu shamunga, ashtahuanpish paita shuyacuccunata quishpichingapacmi shamunga.

APOCALIPSIS 22:14

Maijanpish causaita cuc yuramanta micungapacpish, chai puebloman punguta yaicungapacpish churanata tacshariccunamanca, ¡mai cushicuimi canga!

1 CORINTIOS 15:43

Millana cuerpohuan enterrarishpaca sumacyachishca cuerpohuanmi causaringa. Irquiyashca cuerpohuan enterrarishpaca sinchi cuerpohuanmi causaringa.

APOCALIPSIS 22:1

Chai quipaca chai angelmi causaita cuc, cristalman riccha callpacuc yacuta ricuchirca. Chai yacuca Diospacpish, Pactalla Ovejapacpish tiyarinamantami llucshicurca.

SAN JUDAS 1:24

¡Ñucanchicta Quishpichic shuclla Diostaca “allimari cangui” nishunchic! Paimi paipac poderhuan, cancuna ima millaipi ama urmashpa, paipac sumaimana ñaupapi cushilla ricurichun huacaichicun.

1 JUAN 5:12

Maijanpish Diospac Churihuan cacmi, chai causaitaca charin. Maijanpish Diospac Churihuan mana cacca, mana chai causaitaca charinchu.

TITO 2:13

shinallatac ñucanchicta Mandac Dios Quishpichic Jesucristo sumaimana cashcahuan, cutimuna cushicui punzha pactana cashcata shuyanata yachachicun.

SAN MATEO 13:43

Ashtahuanpish cashcata ruhuaccunaca inti shinami, Dios mandacucpica achic nicunga. Maijanpish ringrita chariccunaca, cai nishcata alli uyaichic.

2 TIMOTEO 4:8

Cunan punzhamanta pachami cashcata ricuchic, ñucaman cuna cashca coronata Diosca charicun. Chaitaca cashcata ruhuashpa taripac Apunchic Jesucristomi, taripana punzhapi, mana ñucallaman ashtahuanpish tucui pai cutimuna punzhata cuyaihuan shuyaccunaman cunga.

2 CORINTIOS 4:17

Cai causaipi ashacamanlla llaquita apacushcaca tucuringami. Shina cashpapish, llaquicunaca tucuimanta yalli huiñai causaiyuctami ruhuacun.

SAN JUAN 14:6

Shina nicpimi Jesusca: —Ñucami cashcata nicpish, ñanpish, causaita cucpish cani. Maijanpish ñucallamantami Diospacman chayanga.

SAN JUAN 14:3

Ñuca rishpaca cancuna causanata allichishpami cancunata apangapac cutimusha. Maipimi ñuca causani, chaipimi cancunapish ñucahuan causanguichic.

SALMOS 17:15

Ashtahuanpish ñucaca cashcata ruhuac cashcamantami cambac ñahuita ricusha. Ñuca riccharishpaca cambac ñahuita ricushpami mai cushicusha.

2 TIMOTEO 1:1

Ñucaca Dios munashcamanta, Apunchic Jesucristo acllashca huillac Pablomi cani. Apunchic Jesucristohuan shuclla tucushcamanta, pai cushami nishca causaita huillacmi cani.

1 TESALONICENSES 4:17

Chai quipaca, ñucanchic causacuccunaca causarishcacunandimi Apunchic Jesus-huan jahua pachapi tupangapac puyupi apashca cashun. Chashnami Apunchic Jesus-huan huiñaita causashun.

1 CORINTIOS 1:7

Shina cacpimi, Apunchic Jesucristo cutimunata cancuna shuyacuccunamanca, Dios cushcacunaca imapish mana illanga.

SAN JUAN 20:31

Chashna cacpipish cancuna Jesusta Quishpichic Cristo cashcatapish, Diospac Churi cashcatapish crichun, shinallatac paita crishpa huiñai causaita charichunmi, caicunataca quillcani.

SALMOS 73:24

Canca cunashpami ñucataca pushangui. Quipataca alli nishpami chasquingui.

APOCALIPSIS 2:7

Maijanpish ringrita charicca, Diospac Espíritu tandanacushca criccunaman ima nicushcata uyachun. Maijanpish millaita mishacmanca Diospac llactapi cac causaita cuc yuramantami carasha” ninmi.

1 TIMOTEO 6:14

Cantaca ñucanchic Apunchic Jesucristo cutimungacaman, cai tucui nishcacunata pactachishpa, allita cazushpa ruhuachunmi mandani. Chashna ruhuacpica, pipish mana juchanchingachu.

HECHOS 3:15

Chashnami cancunaca huiñai causaita cuc Jesusta huañuchircanguichic. Ashtahuanpish paitaca Diosmi huañushcacunapuramanta causachirca. Ñucanchicca chai ricushcata huillaccunami canchic.

SAN LUCAS 17:30

Chashnallatacmi Runa Tucungapac shamushca cutimuna punzhapipish canga.

ROMANOS 8:18

Cunan punzha llaquita apacushcaca, quipa punzhapi alli nishca canahuan chimbapuracpica, ima mana canchu. Chaitaca yachanimi.

ROMANOS 8:19

Tucui Dios ruhuashcacunami, maijancunalla Diospac huahuacuna cashcata ricuna yuyailla shuyacun.