CANTARES 6:13 - Dios Rimashcata Quillcashcami

¹³ ¡Cutimuilla, cutimuilla Sulamita! ¡Cutimuilla, cutimuilla ricushun ninchicmi! ¿Sulamitapica imatatac ricunguichic? ¡Carpacunapi shina danzachun!

CANTARES 6:13 Referans Kwoze

GÉNESIS 32:2

Chaita ricushpami Jacoboca: —¡Caica Diospac campamentomi!— nirca. Chaimantami chai pambataca Mahanaimta shutichirca.

HEBREOS 7:2

Chaimantami Abrahamca macanacushpa quichushcacunata, chungamanta shucta Melquisedec curaman curca. Melquisedec shutica: “Cashcata ruhuac jatun mandac” nisha ninmi. Shinallatac: «Salem llactata mandac» nishcapish, “cushi causac mandac” nisha ninmi.

2 TESALONICENSES 1:10

Chai punzhapi Apunchic Jesucristo cutimucpica, tucui paipaclla cac criccunaca mancharishpami paita alli ninga. Cancunapish ñucanchic huillashcata crishcamantaca chaipimi canguichic.

GÁLATAS 5:17

Millai munaicunaca Diospac Espiritupac munaitaca piñanmi. Diospac Espiritupish millai munaicunataca piñanllatacmi. Chashna ishcaimanta mana apanacuc cashcamantami, ima munashcatapish mana ruhuai pudinguichic.

ROMANOS 7:23

Ñuca cuerpopi tiyac munai, ñuca yuyai allita ruhuasha nicucpi, jarcac cashcatami yachac chayani. Chai munaimi juchapi huatashca shina charicun.

ROMANOS 3:29

¿Diosca israelcunapaclla Dioschu? ¿Manachu mana israelcunapacpish Dios? Ari, shinami can. Diosca tucuipac Diosmi.

SAN JUAN 10:16

Shinallatac mana cai corralpi cac shuctac ovejacunatapish charinimi. Paicunatapish pushamunami cani. Paicunaca ñuca rimashcata uyangacunami. Chashna uyashpa tandarishpaca, shuc shinallami tucunga, shinallatac shuc michicllami tiyanga.

SAN JUAN 9:7

Shina llutashpaca: —Cunanca, Siloé uchilla cuchapi jahuaringapac ri— nirca. (“Siloé” nishpaca, “cachashca” nisha ninmi). Chai runa jahuaringapac rishpaca, ñahui ricucucmi cutirca.

SAN LUCAS 15:10

Ñucaca ninimi: Chashnallatacmi shuc juchayuc llaquirishpa Diosman cutiricpica, Diospac angelcunapish yallita cushicun» nirca.

SAN LUCAS 7:44

Chaimantami huarmita ricuchishpa, Simontaca: —¿Cai huarmi ruhuashcata ricunguichu? Ñuca cambac huasiman yaicumucpica, chaquita jahuangapacca yacullatapish mana curcanguichu, ashtahuanpish cai huarmica paipac huiquihuanmi ñuca chaquitaca jucuchishpa acchahuan chaquichin.

JEREMÍAS 3:22

¡Mana cazuc huahuacunalla, ñucapacman cutimuichicyari! ¡Cancuna cutimucpica, mana cazushpa mana allita ruhuashcataca alliyachishami!” ninmi ningui» nirca. Shina nicpica israelcunaca: «Ñucanchicta Mandac Diosmi cangui. Chaimantami cutimushpa cambac ñaupapi canchic.

ISAÍAS 8:6

«Cai gentecunaca casilla callpacuc Siloé yacuta yangapi churashpami Rezinhuan, Remaliaspac churihuan cushicurca.

CANTARES 2:14

Rumi quingrai jutcupimi, jahua urcu pacallapi miticuc ñuca palomitalla, cambac ñahuita ricuchiyari. Can rimashcata uyachiyari. Can rimashca shimica mishquillami uyarin. Cambac ñahuipish sumaimanami ricurin» nirca.

CANTARES 1:6

Yana cashcamanta ama ricuracuichicchu. Ñucataca intimi yanayachirca. Ñuca mamapac huahuacunami ñucata piñashpa, uvas chagrata cuidachun churarca. Chaimantami ñucapac uvas chagrataca mana cuidarcani.

SALMOS 76:2

Paihuan tupana huasica Salem pueblopimi tiyacun. Pai causana huasica Sionpimi can.

2 SAMUEL 17:24

Davidca Mahanaim pueblomanmi chayarca. Shinallatac Absalonca tucui israelcunandimi Jordán yacuta pasarca.

JUECES 21:21

Chaipica, Silo pueblomanta solteracuna muyushpa bailangapac llucshicucpica, cancunapish uvas chagramanta llucshishpa cada shuc, shuc solterata shuhuashpa Benjamín llactaman apamuichic.

GÉNESIS 49:10

Judá, cambac mandana varataca pi mana quichungachu. Varataca chasquingacamanmi charicunguilla. Cantaca tucui gentecunami cazunga.

CANTARES 6:12

Chaimantaca mana yuyashcapimi, ñapish Aminadabpac carreta jahuapi cashcarcani.