13 Paipac ñahuicunapish huertapi tiyac yuracuna shinami mishquillata ashnacun. Paipac shimica lirio sisamanta mishquilla ashnacuc mirra llucshicuc shinami mishquilla ashnacun.
Cambac ñahuica zarcillocuna chaupipica mai sumacmi ricurin. Cambac cungapish huallca chaupipica sumacmi ricurin.
Ñuca cuyashcaca paipac huertamanmi rirca. Mishquilla ashnacuc huertaman, paipac huertapi michingapac, Lirio sisacunata tandangapacmi rirca.
Ñucaca Sarón pambapi tiyac rosas sisami cani. Pambapi tiyac lirio sisami cani.
Chai pueblotaca Dios pai sumaimana cashcahuan, shinallatac Pactalla Oveja lámpara shina achicyachicucpimi, intipish, quillapish achicyachingapacca mana tiyana carca.
Shina sumacta rimashcamantami, tucui uyaccunaca mancharishpa, Jesusmanta allita rimarcacuna. Chaimantami caishuc chaishuc tapushpaca: —¿Caica manachu Josepac churi?— ninacurca.
Ñucata macaccunamanmi ñuca huashata ricuchircani. Ñuca barbasmanta chutaccunamanmi ñuca ñahuita ricuchircani. Ñucata tucashpa burlacmantapish ñahuita mana pacarcanichu.
Ñuca cuyashcata yaicuchingapacmi jatarishpa punguta pascagrircani. Ñuca maquicunamantaca mirrami shuturca. Aldabata pascacucpipish ñuca dedocunataca mirrami yacu shina callparca.
Ñuca cuyashca huarmilla, cambac shimimantaca bunga mishquimi llucshicun. Cambac callupica bunga mishquipish, lechepish tiyanmi. Cambac churanaca Libanomanta mishqui shinami ashnacun.
¿Pi huarmitac chai pambata tucuilaya ashnacuc polvohuanpish, inciensohuanpish, mirrahuanpish cahuirishpa mishquilla ashnacuc puyu shina shamucunyari?
¡Canta caparishpa cantaccunaca yallita cushicuchun! Mandac Dioslla, cambac ñahuihuan achicyachishcapimi puringacuna.
Tucui caricunamanta yalli sumacmi cangui. Cambac shimimantaca uyanalla shimicunami llucshin. Diosmi huiñaita chashna cachun bendiciarca.
Ñucaca pai sumac cashcata ricushpa, alli alli yachangapacmi tucui causaipi paipac huasipi charichun Mandac Diostaca mañani. Chaillatami mañani.
Mandac Diosmi ñucataca shaicushca causaccunata samachichun yachachirca. Tucui tutamantami pai yachachishcata tucui shunguhuan uyachun ricchachin.
Yalli sinchi runalla, cambac espadata cinturapi huarcuchiyari. Cambac sumac cashcahuanpish, mandana poderhuanpish chumbilliriyari.
¡Ñuca cuyashcalla, canca yallita munana sumacmi cangui!