CANTARES 4:9 - Dios Rimashcata Quillcashcami

⁹ Ñuca panilla, ñuca cuyashca huarmilla, ñuca shunguta shuhuashcanguimi. Cambac ricuillahuanmi ñuca shungutaca shuhuarcangui. Cambac huallcahuanmi huatac shina aparcangui.

CANTARES 4:9 Referans Kwoze

CANTARES 4:12

Ñuca panilla, ñuca cuyashca huarmilla, muyundita jarcashca huerta shinami cangui. Tapashca yacu jundu shina, unanchishca yacu jundu shinami cangui.

2 CORINTIOS 11:2

Diosca paipaclla causachun munashcamantami, ñucapish chashnallatac causachun munani. Ñucaca shuc cusallahuan cazarachingapac, manarac pihuan chayarishca solterata ari nichic shinami cancunataca Cristohuan ari nichishpa paipacllata ricuchisha nini.

CANTARES 7:10

¡Ñucaca, ñuca cuyashcapacmi cani! Paica tucui shunguhuanmi cuyan.

APOCALIPSIS 21:2

Shinallatac jahua pacha Diospac ñaupamanta Diospaclla cac mushuc Jerusalén pueblo, novia cusahuan tupangapac allichirishca shina urai shamucuctami ricurcani.

SAN JUAN 3:29

Shuc bodapica, noviaca noviopacmi. Noviopac ricsishcaca, novio rimashcata uyashpaca cushicunmi. Shinallatacmi ñucapish Novio rimashcata uyashpaca, yallita cushicuni.

SOFONÍAS 3:17

Mandac Diosca cancunapac chaupipimi. ¡Paica quishpichingami! ¡Paica yallita poderyuc Diosmi! Paica cancunamanta yallita cushicungami. Paica cuyacmi, cushicushpa cantangami.

EZEQUIEL 16:8

Cutinllatac cambac ladota pasacushpami, cantaca ña cuyanalla huarmi cashcata ricurcani. Ñuca churanahuanmi cambac lluchulla cuerpota tapachircani. Chashna ruhuashpami, canhuanca ari ninacurcani. Canca ñucapacllami tucurcangui. Chaitaca Mandac Dios ñucami nini.

ISAÍAS 62:5

Carihuan manarac chayarishca solterahuan, cunan huiñai moso cazarashca shinami, caipi causaccunapish, canhuan cazarashca shina causanga. Shuc cusa paipac huarmihuan cushicuc shinami, Diospish canhuan cushicunga.

ISAÍAS 54:5

Cambac cusaca, canman causaita Cucmi. Cusapac shutica tucuita Mandac Diosmi. Paica quishpichic, israelcunapac jucha illac Diosmi. Paipac shutica “tucui cai pachapi causaccunapac Diosmi” canga.

CANTARES 6:12

Chaimantaca mana yuyashcapimi, ñapish Aminadabpac carreta jahuapi cashcarcani.

CANTARES 6:5

Cambac ñahuihuan ñucata chapanata saquiyari. Ñami cambac ñahuihuanca ñuca shunguta shuhuashcangui. Cambac acchaca Galaad urcu quingraita urai shamucuc manada chivocuna shinami.

CANTARES 4:10

¡Ñuca panilla, ñuca cuyashca huarmilla! Cambac cuyaica mai sumacmi. Cambac cuyaica vinotapish yalli mishquimi. ¡Can cahuirishca mishquilla ashnacucca tucui mishquilla ashnacucmanta yalli sumacmi!

CANTARES 3:11

¡Sionpi causac solteracunalla, jatun mandac Salomonta ricungapac llucshichicyari! Paipac shungu cushicui punzhapi, pai cazarai punzhapi, paipac mama churachishca coronata churashcami shamucun.

CANTARES 1:15

¡Ñuca cuyashcalla, canca yallita sumacmi cangui! Canca yallita sumaimanami cangui. Cambac ñahuicunaca ishcai palomacuna shinami.

CANTARES 1:10

Cambac ñahuica zarcillocuna chaupipica mai sumacmi ricurin. Cambac cungapish huallca chaupipica sumacmi ricurin.

SALMOS 45:9

Cambac huasipi tiyaccunapurapica jatun mandaccunapac ushicunami tiyacun. Cambac alli lado maquimanca jatun mandac huarmimi Ofir llacta curi churanahuan tiyacun.

1 CORINTIOS 9:5

¿Manachu ñucanchicpish apostolcuna shina, Apunchic Jesuspac huauquicuna shina, Cefas shina, shuc cric huarmita cazarashpa, apai pudinchic?

SAN MATEO 12:50

Maijanpish jahua pacha ñuca Taita munashcata ruhuaccunallami, ñuca mama, ñuca pani, ñuca huauqui— nirca.

GÉNESIS 41:42

Chai quipami, Faraonca paipac maquimanta sortejasta llucchishpa, Josepac maqui dedopi churachirca. Shinallatac sumac lino churanata churachishpami, cungapica sumac curi cadenata churachirca.

GÉNESIS 20:12

Caita ningapacca ñuca mamamanta mana pani cashpapish, ñuca taitamantaca panimi. Chaimantami paihuan cazararcani.

PROVERBIOS 1:9

Chai yuyaicunaca sumac coronata cambac umapi churarishca shina, sumac huallcata cungapi churarishca shinami canga.

EZEQUIEL 16:11

Cantaca sumacta allichishpami, maquipica brazaletecunata, cungapica huallcata churachircani.

DANIEL 5:7

Chaimantami jatun mandacca brujocunata, caldeocunata, adivinocunata apamuchun sinchita caparirca. Chaimantami jatun mandacca Babilonia llactapi causac chai yachaccunataca: —Maijanpish cai pircapi quillcashcata rezashpa, imata nisha nicushcata huillacmanca morado churanatami churachisha. Cutin cungapica curi huallcatami churachisha. Paimi quimsaniqui mandac canga— nirca.

PROVERBIOS 6:25

Chai huarmi sumac cacpipish, ama shungupi munanguichu. Paipac sumac ñahuihuan cambac shunguta shuhuachunpish ama saquinguichu.