CANTARES 3:4 - Dios Rimashcata Quillcashcami

⁴ Paicunamanta ashata caruyashpaca, ñuca shungu cuyashcahuan tuparcanimi. Paihuan tupashpaca japishpa mana cacharishpami, ñucata sajuaric mamapac huasiman pusharishpami yaicuchircani.

CANTARES 3:4 Referans Kwoze

CANTARES 8:2

Cantaca pushashpami ñuca mamapac huasiman yaicuchiman. Canmi ñucata yachachinguiman. Shinallatac vinotapish, granadata capishpa, llullu vinotapish ubiachimanmi.

PROVERBIOS 8:17

Ñucata cuyaccunataca cuyanimi. Ñucata mashcaccunaca tarinmi.

PROVERBIOS 4:13

Alli yachaitaca chasquingui ama saquinguichu, chai yachaitaca alli huacaichingui. Chaimi cambac causaica.

SAN MATEO 7:7

Diosta mañaichic, paica cungami. Mashcaichic, taringuichicmi. Huasiyuc nichic, paica pascangami.

LAMENTACIONES 3:25

Mandac Diosca paita shuyashpa, tucui almahuan mashcaccunapacca allimi.

JEREMÍAS 29:13

Cancunaca ñucata tucui shunguhuan mashcashpaca taringuichicmi.

ISAÍAS 45:19

Ñucaca cai pachapica mana pacalla amsapichu rimarircani. Jacobopac huahua huahuacunataca: “Ñucataca yangami mashcanguichic” mana nircanichu. Ñucaca cashcata, allita rimac Mandac Diosmi cani.

CANTARES 6:12

Chaimantaca mana yuyashcapimi, ñapish Aminadabpac carreta jahuapi cashcarcani.

GÁLATAS 4:26

Ashtahuanpish jahua pachapi tiyac Jerusalenca mana huatashca shinachu. Ñucanchicca paipac huahuacunami canchic.

SAN MATEO 28:9

Chashna ricucpimi, Jesusca paicunaman ricurishpa alabadurca. Chaipimi huarmicunaca cushicushpa, Jesuspacman cuchuyashpa chaquipi ucllarishpa, “allimari cangui” nircacuna.

CANTARES 7:5

Cambac umaca Carmelo urcu shinami. Cambac acchaca yana puca churana shinami. Chashna accha cashpami, jatun mandacpac shunguta shuhuashca.

GÉNESIS 32:26

Chaimantami chai runaca: —Ñami pacarimun, cachari— nirca. Shina nicpica Jacoboca: —Ñucata mana bendiciacpica, mana cacharishachu— nirca.

ROMANOS 8:35

¿Pitac ñucanchictaca Cristopac cuyaimantaca anchuchinga? ¿Llaquicuna? ¿Yarcai? ¿Llaquichishpa caticcuna? ¿Churana illai? ¿Huañui, mana cashpaca espada?

ROMANOS 8:39

Shinallatac jahua pachapish, ucu pachapish, tucui ima tiyaccunapish Apunchic Jesucristomanta ñucanchicta Dios cuyashcamantaca mana anchuchingachu. Chaitaca allimi yachani.

CANTARES 1:7

Ñuca tucui shunguhuan cuyashcalla, ¿maipitac ovejacunata michinguiyari? Chaupi punzhaca, ¿maipitac ovejacunata samachinguiyari? Cambac ricsishcapac ovejacunahuan mana chingarishpa purisha ninichu. Chaimanta huillaiyari.