CANTARES 3:11 - Dios Rimashcata Quillcashcami

¹¹ ¡Sionpi causac solteracunalla, jatun mandac Salomonta ricungapac llucshichicyari! Paipac shungu cushicui punzhapi, pai cazarai punzhapi, paipac mama churachishca coronata churashcami shamucun.

CANTARES 3:11 Referans Kwoze

ISAÍAS 62:5

Carihuan manarac chayarishca solterahuan, cunan huiñai moso cazarashca shinami, caipi causaccunapish, canhuan cazarashca shina causanga. Shuc cusa paipac huarmihuan cushicuc shinami, Diospish canhuan cushicunga.

JEREMÍAS 2:2

«Jerusalenpi causaccunaman huillashpa, Mandac Diosca: “Ñucaca canta yuyarinimi. Cunan huiñai cashpaca, allimi cazurcangui. Cunanlla cazarashca shinami, ñucata cuyarcangui. Chaimantami ima mana pucuc shitashca pambatapish ñucata catimurcangui.

APOCALIPSIS 1:7

¡Uyaichic, Cristoca puyupimi shamucun! Paitaca tucuimi ricunga. Paita chacatashpa huañuchiccunapish ricungami. Tucui cai pachapi causac gentecunapish ricushpaca, shungupi huactarishpami paimanta huacangacuna. ¡Chaica chashnatacmi canga! Chashna cachun.

HEBREOS 13:13

Chaimanta ñucanchicpish Jesús shinallatac pingai tucushpa, llaquita apangapac pueblomanta llucshishunchic.

SAN MATEO 12:42

Sabá llactata jatun mandac huarmipish alli yachac Salomón ima nishcata uyangapacmi, caru llactamanta shamurca. Cunan ñucaca Salomontapish yallimi caipica cani. Chaimantami Dios taripana punzhapica, chai huarmipish cunan punzhapi causaccuna mana allita ruhuashcamantaca juchanchingapac jataringa.

SOFONÍAS 3:17

Mandac Diosca cancunapac chaupipimi. ¡Paica quishpichingami! ¡Paica yallita poderyuc Diosmi! Paica cancunamanta yallita cushicungami. Paica cuyacmi, cushicushpa cantangami.

SALMOS 9:14

Chashna ruhuacpimi, Sión pungupi canta alabana cashcata tucuiman huillashpa, can quishpichic cashcamantaca yallita cushicusha.

APOCALIPSIS 19:12

Paipac ñahui murucunaca nina shinami jagan nicurca. Umapica tauca coronacunami carca. Paipica pipish mana entendipac shutimi carca. Chai shutitaca paillami yacharca.

APOCALIPSIS 19:7

Pactalla Ovejapac cazarana bodaca ñami chayamushca. Paipac huarmipish ña allichirishcami. ¡Chaimanta cunanca yallita cushicushpa, Diostaca ‘sumacmari cangui’ nishunchic!

HEBREOS 2:9

Ashtahuanpish Jesusta, ashacamanlla angelcunamanta asha yangallata ruhuashpapish, llaquita apashpa huañushcamantami sumacyachishca, alli nishcata ruhuashca. Chaica, Dios cuyashcamantami, Jesusca tucuipac allipac huañurca.

COLOSENSES 1:18

Cristollatacmi tandanacushca criccunataca uma shina mandacun. Tandanacushca criccunaca paipac cuerpomi can. Manarac ima tiyacpi, pai ña tiyac cashcamanta, huañushcacunapuramanta punta causaric cashcamantami, Diosca tucuipac punta cachun churarca.

SAN JUAN 15:11

Ñuca cushicuc shina cancunapish cushicuchun, shinallatac yallita cushicuihuan causachunmi, caicunataca nini.

SAN JUAN 3:29

Shuc bodapica, noviaca noviopacmi. Noviopac ricsishcaca, novio rimashcata uyashpaca cushicunmi. Shinallatacmi ñucapish Novio rimashcata uyashpaca, yallita cushicuni.

SAN LUCAS 15:32

Cai cambac huauquica, chingarishcami carca, cunanca cutimushcami. Huañushcami carca, cunanca causarishcami. Chaimantami jatun micuita ruhuashpa, cushicuna canchic” nircami» nirca.

JEREMÍAS 32:41

Ñucaca paicunaman allita ruhuashpami cushicusha. Cai llactataca tucui shunguhuan, tucui almahuanmi tarpuc shina churashpa, maita mana cuyuchipacta ruhuasha.

ISAÍAS 53:11

Paica, pai llaquita apashcaca mana yanga cashcata ricushpami, yallita cushicunga. Chai servicca allita yachac, cashcata ruhuac cashcamantami cashcata ruhuashpa, gentecunapac juchacunata aparinga.

ISAÍAS 9:6

Shuc cari huahuami huacharishca. Shuc churitami ñucanchicman cushca. Mandanaca paipac maquipimi. Paipac shutica “Mancharina cunac”, “Imatapish ruhuac Dios”, “Huiñaita causac Taita”, “Cushi causaita cucmi” canga.

ISAÍAS 4:4

Mandac Dios llaquichishpa, tucuchic Espirituhuan Sión llactapi causac huarmicunapac tucui mapacunata, Jerusalenpi causaccuna huañuchishca yahuarta maillacpimi, chashnaca canga.

CANTARES 8:5

¿Pitac shitashca pambamanta cuyashcapac rigra jahuapi huichai shamucun? Manzana yura ucupimi ricchachircani. Chaipimi cambac mamataca sajuarina nanai japirca. Chaipimi cambac mamaca canta sajuarirca.

CANTARES 7:11

Ñuca cuyashcalla, jacu pambacunapi purishun. Huasicuna tiyac llactapi jacu pacarishun.

CANTARES 2:7

¡Jerusalenpi causac solteracunalla, gacela animalcunamanta, tarugacunamanta ari nichicyari! ¡Ñuca cuyashcataca amatac ricchachinguichicchu! ¡Ima horascamanpish samarichun saquinguichiclla!

CANTARES 1:5

Jerusalenpi causaccunalla, ñucaca yana cashpapish sumacmi cani. Cedar llacta carpa huasicuna shina, Salomonpac lienzo paño shina sumacmi cani.

SALMOS 48:11

Can cashcata ruhuashcamantaca Sión urcupipish, Judá llactapi causaccunapish yallitami cushicunga.

ZACARÍAS 6:11

Chaiman chayashpaca cullquimanta, curimanta coronata ruhuangui. Chaitaca Josadacpac churi, curacunata mandac Josueman churachingui.