CANTARES 2:9 - Dios Rimashcata Quillcashcami

⁹ Ñuca cuyashcaca taruga shina, mana cashpaca maltón gacela shinami. Riquichic, paica ñucanchic pirca huashapimi ventanamanta chapacun. Ventanapi churashca caspi huashamantami chapacun.

CANTARES 2:9 Referans Kwoze

CANTARES 8:14

¡Ñuca cuyashcalla, utca shamuiyari. Canca gacela animal shina, malta taruga shina, mishquiman ashnacuc urcucunata callpashpa utca shamuiyari!

CANTARES 2:17

Ñuca cuyashcalla, manarac pacaricpi, manarac punzhayacpi utca cutimuiyari. Beter lomacunata huahua cerba shina, maltón taruga shina callpamuiyari.

APOCALIPSIS 19:10

Shina nicpimi angelta alli ningapac paipac ñaupapi cungurircani. Chashna cunguricpica: «Ama chashna ruhuaichu. Ñucapish can shina Jesús huillashcata mana cungarishpa catic, cambac huauquicuna shinallatac Diospacta ruhuacmi cani. Diostami alli nina cangui» nirca. Diosmanta huillaccunamanca Jesús huillashcacunami huillana yuyaita cun.

HEBREOS 10:1

Moisés mandashcacunaca Dios quipata allita cugricushcata ricuchicllami, ashtahuanpish mana chai shamuc shinachu. Chaimantami Moisés mandashcacunata pactachishpa, huatanta animalta rupachishpaca, Diospac ñaupapi jaicapi mana jucha illac cai pudin.

COLOSENSES 2:17

Tucui caicunaca ima tucuna cashcata ricuchic llandu shinallami carca. Ashtahuanpish cashcata ricuchingapacca, Cristoca ñami shamurca.

1 CORINTIOS 13:12

Cunanca espejopi amsa amsallata ricucushca shinami, ashallata yachanchic. Shina cashpapish shamuc punzhaca ima shina cashcatatac, ñahui ñahuimari ricushun. Cunanca chaitaca mana yachanichu. Shina cashpapish, ima shinami Dios ñucata ricsin, shinallatacmi shamuc punzhaca ricsisha.

SAN JUAN 12:41

Isaiasca Jesuspac sumaimana cashcata ricushpami, paimanta chashna huillarca.

SAN JUAN 5:46

Moisés nishcata crishpaca, ñucatapish cringuichicmanmi. Moisesca ñucamantami quillcarca.

SAN JUAN 5:39

Huiñai causaita japisha nishpami, Dios quillcachishcataca allita ricushpa yachacunguichic. Chai quillcashcacunami ñucamanta huillan.

SAN LUCAS 24:35

Shina nicpimi, chai ishcai caticcunaca ñanpi ima tucushcatapish, Jesús tandata chaupicucpi paita ricsishcatapish parlarca.

2 SAMUEL 2:18

Sarviapac quimsa cari huahuacuna Joabpish, Abisaipish, Asaelpish chaipimi carca. Asaelca sacha taruga shina yallita callpacmi carca.

JUECES 5:28

Sisarapac mamaca caspihuan jarcachishca ventanamanta chapashpami: “¿Ima nishpatac paipac carretaca mana shamun? ¿Imamantatac pai macanacuna carretaca quipayan?” nishpami caparishpa tapun.

PROVERBIOS 5:19

Paica llambuclla sumac taruga shina, cushilla gacela nishca shina sumacmi. Paipac chuchucunapish huiñaita cushichichun. Paipac cuyaihuanca tucui causaipi cushicungui.

PROVERBIOS 6:5

Shinallatac tarugata huañuchicpac maquimanta cachariric shina, utca cachariri. Linchimanta urpi llucshishpa ric shina utca cachariri.

PROVERBIOS 7:6

Ñuca huasi ventanamantami yuyai illac tauca mosocunata ricurcani.

CANTARES 1:16

¡Ñuca cuyashcalla, canca yallita munana sumacmi cangui!

CANTARES 2:7

¡Jerusalenpi causac solteracunalla, gacela animalcunamanta, tarugacunamanta ari nichicyari! ¡Ñuca cuyashcataca amatac ricchachinguichicchu! ¡Ima horascamanpish samarichun saquinguichiclla!

CANTARES 3:5

¡Jerusalenpi causac solteracunalla, gacela animalcunamanta, tarugamanta ari nichicyari! ¡Ñuca shungu cuyashcataca amatac ricchachinguichicchu! Ima horascamanpish samarichun saquinguichiclla.