CANTARES 2:16 - Dios Rimashcata Quillcashcami

¹⁶ Ñuca cuyashcaca ñucapacmi, ñucaca paipacmi cani. Paica lirio sisa chaupipimi michicun.

CANTARES 2:16 Referans Kwoze

CANTARES 6:3

¡Ñucaca, ñuca cuyashcapacmi cani! ¡Ñuca cuyashcaca ñucapacmi! Paica lirio sisacuna chaupipimi michin.

CANTARES 7:10

¡Ñucaca, ñuca cuyashcapacmi cani! Paica tucui shunguhuanmi cuyan.

SALMOS 63:1

¡Dioslla, ñuca Diosmi cangui! Manarac achicyacpimi cantaca mashcarcani. Ñuca almaca yacunayaihuan shinami canta mashcan. Ñuca cuerpopish can yuyaillami. Yacunayachicuc chaquishca allpa shinami cani.

SALMOS 48:14

Sumac Diosca huiñai huiñaipac ñucanchic Diosmari. Paimi huiñaita ñucanchictaca pushanga.

GÁLATAS 2:20

Ñucaca Cristohuanmi chacatashca shina cani. Ña mana ñucallachu causacuni, ashtahuanpish Cristomi ñucapica causacun. Cunan aichapi causacushpapish Diospac Churita crishpami causani. Paica ñucata cuyashpami, ñucamanta huañurca.

JEREMÍAS 31:33

Shamuc punzhacunapica israelcunahuan ari nishcaca cashnami canga: Ñuca mandashcataca paicunapac shungupi churashpami, paicunapac yuyaipi quillcasha. Ñucaca paicunapac Diosmi casha, paicunaca ñuca acllashcacunami canga.

CANTARES 7:13

Mandrangorapish ñami mishquilla ashnacun. Ñucanchic huasi pungupipish tucuilaya frutacunami tiyan. Ñuca cuyashcalla, sarunman japishca frutacunatapish, cunanlla pitishca frutacunatapish canman huacaichircanimi.

CANTARES 4:5

Cambac chuchucunaca ishcai huacharishca tarugacuna, lirio sisa chaupipi micucuc shinami.

CANTARES 2:1

Ñucaca Sarón pambapi tiyac rosas sisami cani. Pambapi tiyac lirio sisami cani.

CANTARES 1:7

Ñuca tucui shunguhuan cuyashcalla, ¿maipitac ovejacunata michinguiyari? Chaupi punzhaca, ¿maipitac ovejacunata samachinguiyari? Cambac ricsishcapac ovejacunahuan mana chingarishpa purisha ninichu. Chaimanta huillaiyari.

CANTARES 6:2

Ñuca cuyashcaca paipac huertamanmi rirca. Mishquilla ashnacuc huertaman, paipac huertapi michingapac, Lirio sisacunata tandangapacmi rirca.

CANTARES 7:11

Ñuca cuyashcalla, jacu pambacunapi purishun. Huasicuna tiyac llactapi jacu pacarishun.

ZACARÍAS 13:9

Chai quimsa partepi chicanyachishcataca ninapi churashpami ricusha. Cullquita yacuyachic shinami yacuyachisha. Ninapi churashpa alli curita ricuc shinami ricusha. Shina ruhuacpimi, paicunaca ñuca shutita mañanga. Paicuna mañashcata ñuca uyashpaca: “Ñuca acllashcacunami canguichic” nishami. Cutin paicunaca: “Ñucanchicta Mandac Diosmi cangui” ningami» ninmi.