CANTARES 1:17 - Dios Rimashcata Quillcashcami

¹⁷ Ñucanchic camaca sisacuna mandashcami, huasi vigacunaca cedro, ciprés caspicunami.

CANTARES 1:17 Referans Kwoze

HEBREOS 11:10

Abrahamca maita mana chingaripac, Diosllatac alli yuyarishpa shayachishca puebloman yaicusha nishpami shuyacurca.

SALMOS 92:12

Cashcata ruhuaccunaca palmera yura shinami sisacunga. Líbano urcupi tiyac cedro shinami huiñanga.

EZEQUIEL 42:3

Chunga metrota medic ucu lado pamba ñaupapi, sumacta empedrashca canzha lado pamba ñaupapica quimsa altoyuc huasimi tiyarca. Chai quimsa altocunaca quimsatacmi chimbapurashca carca.

EZEQUIEL 41:16

Diospac huasi muyundipi cac uchilla ucucunapish quimsa altocamanmi pambamanta jahua ventanacaman tablahuan tapashca carca. Pungu umbralcunatapish, ventanacunatapish tablacunahuan tapashcami carca.

CANTARES 8:9

Pirca shina cacpica, paipac jahuapichari cullqui torreta ruhuanchicman. Pungu shina cacpica, cedro caspicunahuanchari tapashpa churanchicman.

CANTARES 7:5

Cambac umaca Carmelo urcu shinami. Cambac acchaca yana puca churana shinami. Chashna accha cashpami, jatun mandacpac shunguta shuhuashca.

1 REYES 6:9

Salomonca Diospac huasita tucuchishpaca, chai huasi jahuataca vigacunahuan, cedro tablacunahuanmi taparca.

1 REYES 6:10

Shinallatac Diospac huasi tucui muyundipica ishcai metro ishcai chunga pichca centimetrota charic huasicunatami shayachirca. Chai huasica Diospac huasi pircapi cedro caspihuan jarcachishcami carca.

2 CRÓNICAS 3:5

Diospac huasi ucutaca ciprés tablacunahuanmi catarca. Chai tablacunataca alli curihuanmi jahuata llutarca. Chai jahuataca palmera quirucunata, cadenacunatami ruhuarca.

JEREMÍAS 22:14

Maijanpish: “Ñucamanca jatun ucucunayuc huasita shayachisha. Jatun ventanacunata churashpami, ucucunataca cedro tablacunahuan ruhuashpa, pucahuan pintasha” ningami.