APOCALIPSIS 9:5 - Dios Rimashcata Quillcashcami

⁵ Shina cashpapish huañuchichunca mana cacharcachu, ashtahuanpish alacrán canishpa nanachic shina, pichca quillacaman llaquichichunmi cacharca.

Nuevo Testamento en Quichua Cañar 1996

⁵ Chaicunataca gentecunata huañuchichunca mana cacharcachu, ashtahuanpish alacrancuna canishca shina, pichca quillacaman nanachishpa llaquichichunmi cacharca.

APOCALIPSIS 9:5 Referans Kwoze

APOCALIPSIS 9:10

Chai langostacunaca alacrán shina chupacunapi tucsina agujacuna apashcami carca. Chai agujacunaca pichca quillacaman nanachicmi carca.

JOB 2:6

Shina nicpi, Mandac Diosca Satanastaca: —Riqui, paica cambac maquipimi. Shina cacpipish paipac causaipica ama tuparinguichu— nirca.

APOCALIPSIS 9:3

Chai cushnimantaca langostacuna llucshishpami, tucui allpa jahuata purirca. Chai animalcunamanca alacrancuna shina millai cana podertami curca.

APOCALIPSIS 13:7

Shinallatac Diospaclla caccunahuan macanacushpa, mishachun, tucui aillucunata, tucuilaya rimaita rimaccunata, tucuilaya gentecunata, shinallatac tucui cai pacha llactacunata mandachunpish saquircami.

APOCALIPSIS 13:5

Chai manchana animalmanca Diosta piñashpa rimanata, shinallatac chuscu chunga ishcai quillata mandanatapish, curcami.

APOCALIPSIS 11:7

Tucuita huillashca quipaca, manchaipac animal jatun jutcumanta llucshishpami, paicunahuan macanacushpa, atishpa huañuchinga.

SAN JUAN 19:11

Shina nicpimi Jesusca: —Dios mana canman cushca cacpica, ñucataca imata mana ruhuai pudinguimanchu. Shina cacpipish ñucata japichicmi canta atishpa yalli juchayucca— nirca.

DANIEL 7:6

Ñuca ricucucllapitacmi shuctac leopardo shina animal ricurirca. Chai animalca volac animalpac chuscu alastami lomopi charirca. Shinallatac chuscu umatami charirca. Chai animalmanmi llactata mandachun curca.

2 CRÓNICAS 10:11

Ñuca taitaca llashac yugota apachishca shina llaquichishca cacpica, ñucacarin ashtahuanmi llashac yugota apachisha. Ñuca taita angucunahuan llaquichishca cacpica, ñucacarin alacrancunahuanmi llaquichisha” ningui— nircacuna.

2 CRÓNICAS 10:14

Ashtahuanpish paihuan huiñaccuna yuyaita cushcata rimashpaca: —Ñuca taitaca llashac yugota apachic shinami llaquichirca. Ashtahuanpish ñucaca chai yugotaca ashtahuanmi llashacyachisha. Ñuca taitaca angucunahuanmi llaquichirca. Ñucacarin alacrancunahuanmi llaquichishpa charisha— nirca.

EZEQUIEL 2:6

Huañunalla runa, paicunaca mana cazuccunami. Shina cacpipish, ama manchanguichu. Paicuna rimashcatapish ama manchanguichu. Zarza casha chaupipi cashpapish, alacrancunapac chaupipi causacushpapish ama manchanguichu.