APOCALIPSIS 7:2 - Dios Rimashcata Quillcashcami

² Shinallatac inti llucshic ladomanta shuc ángel shamuctami ricurcani. Paica causac Diospac sellotami charicurca. Chai angelmi mama cucha yacutapish, cai pachatapish huacllichingapac poderta charic chuscu angelcunata sinchita caparirca. Paica:

Nuevo Testamento en Quichua Cañar 1996

² Shinallatac inti llucshic ladomanta shuc ángel shamuctami ricurcani. Paica causac Diospac unanchinatami charicurca. Chai angelmi mama cucha yacutapish, cai pacha allpatapish huacllichiclla canata chasquic, chuscu esquinacunapi shayacuc angelcunaman caparishpaca:

APOCALIPSIS 7:2 Referans Kwoze

EFESIOS 4:30

Diosca juchapi huatashca shinamanta cacharichishpa pushana punzhacamanmi, Diospaclla cashcata ricuchishpa causachun, ñucanchictaca paipac Espirituhuan señalashpa chicanyachirca. Chaimanta millaita rimashpa ama Diospac Espirituta nanachichicchu.

2 CORINTIOS 1:22

Paipaclla cachunmi sellohuan churashca shinata ruhuashca. Ñucanchic shungupi paipac Espirituta churashpami, quipa punzhapi ñucanchic japina cashcata ricuchishca.

APOCALIPSIS 9:4

Chashna cushpaca, allpapi tiyac quihuatapish, yuracunatapish, tucui imapish verdicllacunataca ama imata ruhuachunmi mandarca. Ashtahuanpish Diospac sellota frentepi mana charic gentecunatami llaquichichun cacharca.

2 TIMOTEO 2:19

Shina cacpipish Diosca huasita ruhuangapac callaripi churashca rumi shinatami, paipac rimashcataca churashca. Chai rimashcaca: «Pai acllashcacunataca Diosca ricsinmi. Diosta adoraccunaca tucui millaimantami anchurina can» nishcami.

EFESIOS 1:13

Shinallatac cancunaca cashcata nic huillashcata, quishpirinamanta alli huillaita uyashpaca, Cristota cricpimi, pai cusha nishca Espirituta cushpa, paipacllata ruhuashca sellota churarca.

APOCALIPSIS 5:2

Chai quipaca mai poderta charic shuc angeltami ricurcani. Paica sinchita caparishpaca: «¿Maijantac cai sellota anchuchishpa, pillushca pangata pascaipac canguichic?» nirca.

SAN JUAN 6:27

Cancunaca ama chingariclla micunata mashcaichicchu, ashtahuanpish huiñai causaita cuc micunata mashcaichic. Chai micunataca Runa Tucungapac shamushca ñucallami cusha. Chaita cuchunmi Diosca ñucataca cacharca— nirca.

APOCALIPSIS 1:3

Maijanpish cai huillashcata rezacman, cai rezashcata uyashpa cazucmanca, mai cushicuimi canga. Cai huillashcacuna pactana punzhaca ñami chayamucun.

APOCALIPSIS 10:4

Shina canchis tulun niccunapac rimashcata uyashpaca, quillcagrircanimi. Chaipimi jahua pachamanta rimashca uyarishpaca: «Chai canchis tulun nishpa rimashcataca ama quillcaichu, chaitaca pacalla huacaichi» nirca.

APOCALIPSIS 10:1

Chai quipaca mai poderta charic ángel jahua pachamanta puyupi pillurishpa shamucuctami ricurcani. Umapica cuichi apashca, ñahuica inti shina jagan nicuc, shinallatac changacunaca nina culun nishpa rupacuc shinami carca.

APOCALIPSIS 8:3

Chai quipaca shuc angelmi curimanta ruhuashca inciensota churanahuan shamushpa, altar chaquipi shayarirca. Chai angelca Diospaclla caccuna mañashcacunahuan mirarichunmi achca inciensota, mandashpa tiyarinapac ñaupapi cac curi altarpi Diosman curca.

CANTARES 8:6

Cambac shungupica sellota churaiyari. Cambac rigrapipish sellota churaiyari. Cuyaica huañui shina mana jarcaipacmi. Cuyana yuyaica Seol shina mana cacharicmi. Cuyaica carbón rupacuc shina rupacmi.

HEBREOS 12:22

Ashtahuanpish cancunaca Sión urcuman, causac Diospac jahua pacha Jerusalén puebloman, huaranga angelcuna tandanacushpa, Diosta alli nicucman,

1 TESALONICENSES 1:9

Chaipac randica, paicunallatacmi ñucanchicta cancuna ima shina chasquishcata, ruhuashcalla dioscunata saquishpa, causac Diostatac servi callarishcata parlancuna.

SAN MATEO 26:63

Ashtahuanpish, Jesusca imata mana nircachu. Chaimantami mandac curaca: —Causac Diospac shutipi huillai. ¿Canchu Diospac Churi Cristoca cangui?— nirca.

MALAQUÍAS 4:2

Ashtahuanpish ñuca shutita manchac cancunamanca cashcata ruhuac intimi llucshinga. Paipac alascunapimi quishpirinataca apamunga. Chaimantami becicuna chuchushca quipa saltashpa llucshic shina saltanguichic.

2 REYES 19:4

Asiria llactata jatun mandacmi canta mandac causac Diosta mana alli nishpa rimachun shuc mandacta cachashca. Chashna rimashcataca Mandac Diosca uyashcami. Chaimanta caipi saquirishcacunamanta Diosta mañai” ninmi ninguichic» nishpa cacharca.

1 SAMUEL 17:36

Canta servic ñucaca leonta cashpa, osota cashpa huañuchicllami carcani. Circuncisionta mana ruhuashca filisteo runaca causac Diospac soldadocunatami rimashpa llaquishca. Chaimanta paitapish chai animalta shinallatacmi huañuchisha— nirca.

1 SAMUEL 17:26

Shina cacpimi, Davidca paipac ladopi caccunataca: —Cai filisteo runata huañuchishpa, israelcunata llaquichishpa rimacta tucuchicpica, ¿imatatac cunga? Causac Diospac soldadocunata llaquichic mana circuncisionta ruhuashca filisteo runaca, ¿imatacyari?— nirca.

DEUTERONOMIO 5:26

Chaica, ¿pi shuctac runacunata causac Dios nina chaupimanta rimashcata uyashpaca causacungayari?

MALAQUÍAS 3:1

Tucuita Mandac Diosca: «Ñuca huillactami ñaupachishpa cachasha. Paimi purina ñantaca ñaupashpa allichinga. Chai quipaca cancuna mashcacushca Mandacmi cungailla paipaclla huasiman shamunga. Cancuna shuyacushca ari nishcata pactachic angelpish shamungami. ¡Riquichic, ñami shamucun!» ninmi. Chaitaca Mandac Diosmi nin.

ISAÍAS 41:2

¿Pitac jatun mandactaca ricchachishpa, inti llucshina ladomanta pushamurca? Paimanmi tucui llactacunata mandachun cunga. Chashna cucpimi, tucui jatun mandaccunata mandanga. Espadahuanmi ñuto allpata shina ruhuanga. Arcohuanca chaquishca pangata shinami maita shitanga.

EZEQUIEL 9:4

Mandac Diosca chai runataca: «Jerusalén chaupita rishpa, millaita ruhuashcamanta llaquirishpa, caparishpa huacacuccunapac frentepi shuc señalta churai» nirca.

SAN MATEO 16:16

Shina tapucpimi Simón Pedroca: —Canca causac Diospac Churi, Quishpichic Cristomi cangui— nirca.

APOCALIPSIS 9:14

cornetata charicuc suctaniqui angeltaca: «¡Eufrates yacu patapi huatashca chuscu angelcunata cachari!» nirca.

APOCALIPSIS 16:12

Suctaniqui angelca Eufrates jatun yacupimi pai charicushca copata tallirca. Chashna tallicpica, inti llucshic ladomanta jatun mandaccuna shamushpa pasachunmi, chai yacuca chaquirca.